Dwɔhyua Buluku ne 11:12 - BAEBOLO ANZƐƐ BULUKU NWUANZANWUANZA

¹² Dwɔhyua vale azuamgbole ne mɔ amuala, ɔhunle arelemgbunli ne mɔ, ɔhunle menli mɔɔ wɔ zolɛ la amuala, kɛmɔ Ɛdɛnkɛma sonvolɛ Mosisi zele la.

Dwɔhyua Buluku ne 11:12 ပူးပေါင်းရင်းမြစ်များ

Mɛla 7:2

Saa Ɛdɛnkɛma bɛ Nyamenle ne ye menli ɛhye mɔ maa bɛ na bɛdi bɛ nwo zo konim a, anrɛɛ bɛzɛkye bɛ bɔkɔɔ. Bɛ nee bɛ mmayɛ ngyekyeleɛ biala, yɛɛ bɛmmase bɛ anwunvɔne.

Mɛla 9:3

Na ɛnɛ yɛɛ bɛbanwu kɛ ahenle ne mɔɔ li Yizilayɛma ati kɛ sendɔlɔra la a le Ɛdɛnkɛma bɛ Nyamenle ne a. Ɔbazɛkye bɛ na yeali bɛ nwo zo konim, bɛbavoa bɛ bɛaminli bɛ bo zo ndɛndɛ, kɛmɔ Ɛdɛnkɛma vale bɔle bɛ ɛwɔkɛ la.

Dwɔhyua Buluku ne 10:20

Dwɔhyua nee Yizilayɛ ɛlɔnema ne hunle Amɔlema dɔɔnwo kpalɛ, mɔɔ asɛɛ bɛ bo zo ɛbɔ bɔkɔɔ a. Menli mɔɔ bɛ sa anga bɛ la a le bɛdabɛ mɔɔ bɛziale bɛhɔveale suakpole ne azo la.

Dwɔhyua Buluku ne 10:28

Kenle ko ne Dwɔhyua honle vale Makidaa na ɔhyele ye belemgbunli ne ɔhunle ye nee awie biala mɔɔ wɔ suakpole ne azo la; ko bɔbɔ anga. Ɔyɛle Makidaa belemgbunli ne kɛ mɔɔ ɔyɛle Gyɛleko belemgbunli ne la.

Dwɔhyua Buluku ne 10:30

Ɛdɛnkɛma manle Yizilayɛma lile konim na bɛvale suakpole ne na bɛhyele belemgbunli ne noko. Bɛangyakyi sonla ko bɔbɔ; bɛhunle bɛ muala. Na Dwɔhyua yɛle belemgbunli ne kɛ mɔɔ ɔyɛle Gyɛleko belemgbunli ne la.

Dwɔhyua Buluku ne 10:32

Ye kenle nwiɔ ne azo Ɛdɛnkɛma manle Yizilayɛma lile Leekehyema anwo zo konim. Kɛmɔ bɛyɛle ye wɔ Lebena la, bɛangyakyi sonla ko bɔbɔ. Bɛhunle awie biala mɔɔ wɔ suakpole ne azo la.

Dwɔhyua Buluku ne 10:35

Bɛhonle bɛvale ye wɔ kenle ko ne ala na bɛhunle awie biala kɛ mɔɔ bɛyɛle ye wɔ Leekehye la.

Dwɔhyua Buluku ne 10:37

na bɛvale. Bɛhunle belemgbunli ne nee awie biala mɔɔ wɔ suakpole ne azo la; bɛzɛkyele azua mɔɔ bikye suakpole ne la. Dwɔhyua zɛkyele suakpole ne bɔkɔɔ kɛ mɔɔ ɔyɛle Ɛgelɔn la. Sonla ko bɔbɔ anga.

Dwɔhyua Buluku ne 11:13

Yizilayɛma anyela azua mɔɔ wɔ awoka ngyikyi ne mɔ azo la, Heezɔ ala a Dwɔhyua yelale ye a.

Dwɔhyua Buluku ne 11:15

Kɛmɔ Nyamenle zele ye sonvolɛ Mosisi kɛ ɔyɛ la, zɔhane ala yɛɛ Mosisi hanle hilele Dwɔhyua kɛ ɔyɛ a, yɛɛ Dwɔhyua noko lile zolɛ. Ɔyɛle debie biala mɔɔ Ɛdɛnkɛma zele Mosisi kɛ ɔyɛ la.

Dwɔhyua Buluku ne 13:6

Saedɛnema mɔɔ de awoka ne mɔ azo la azɛlɛ ne, ɔvi Lɛbanɔn awoka ne mɔ anu mɔɔ kɔdwu Mezelɛfo Meeyem la amuala. Medame mebadu bɛ muala meavi azɛlɛ ne azo na meava meamaa Yizilayɛma. Ɔwɔ kɛ ɛkyɛ azɛlɛ ne ɛmaa Yizilayɛma, kɛmɔ meha mehile wɔ kɛ ɛyɛ la.

Dwɔhyua Buluku ne 21:44

Ɛdɛnkɛma manle bɛ anzonudwolɛ wɔ bɛ azɛlɛ ne azo, kɛmɔ ɛwɔkɛ ne mɔɔ ɔbɔle bɛ nlenya mɔ la se la. Bɛ kpɔvolɛma ne anu ko bɔbɔ angola bɛ nyunlu gyinla, ɔboalekɛ Ɛdɛnkɛma manle bɛlile konim wɔ bɛ muala bɛ nwo zo.

Dwɔhyua Buluku ne 8:31

Ɔyɛle ye kɛ mɔɔ Ɛdɛnkɛma sonvolɛ Mosisi hyehyɛle manle Yizilayɛma la. Ɔwɔ Mosisi mɛla ne anu kɛ ɔwɔ kɛ ɔyɛ “azukponle mɔɔ bɛva awolɛ mɔɔ bɛanva bulalɛ a bɛkpukekpukele la a bɛzile la.” Yemɔ azo yɛɛ bɛyelale nane ne bɛbɔle azu bɛmanle Ɛdɛnkɛma, na eza bɛbɔle anzonudwolɛ nwo azu a.

Dwɔhyua Buluku ne 8:8

Saa bɛfa sua ne a, bɛyela ye, kɛmɔ Ɛdɛnkɛma hanle la. Ɛnee kɛ mese ɛne!”

Dwɔhyua Buluku ne 9:24

Bɛbuale kɛ, “Yɛyɛle ye zɔhane, ɔboalekɛ yɛnwunle kɛ ɔle nɔhalɛ kɛ Ɛdɛnkɛma bɛ Nyamenle ne zele ye sonvolɛ Mosisi kɛ ɔva azɛlɛ ne amuala ɔmaa bɛ na bɛhu menli mɔɔ wɔ zolɛ la. Zɔhane ati ɛnee ɛzulolɛ kpalɛ kpalɛ ɛha yɛ; yɛsulo kɛ bɛkɛhu yɛ bɛkɛbɔ yɛ bo zo.