Dwɔhyua Buluku ne 10:9 - BAEBOLO ANZƐƐ BULUKU NWUANZANWUANZA

⁹ Zɔhane ati Dwɔhyua nee ye ɛlɔnema ne zile nu nɔe ne; bɛvi Gelegale bɛgyi zolɛ toonwo bɛhɔdwule Gebɛyɔn na bɛhɔlile Amɔlema nvunu.

Dwɔhyua Buluku ne 10:9 ပူးပေါင်းရင်းမြစ်များ

Mrɛlɛbulɛ Buluku ne 22:29

Ɛze sonla mɔɔ asa anloa adwinli le kɛnlɛma la ɔ? Ɔbagyinla arelemgbunli nyunlu; ɔnrɛgyinla menli mɔɔ awie ɛmbu bɛ bie la anyunlu.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

2 Tem 2:3

Ɛdawɔ noko nwu wɔ afoa nu amaneɛ ɛdeɛ, kɛ ɛle Kelaese Gyisɛse sogyanli kpalɛ mɔɔ di nɔhalɛ a.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Dwɔhyua Buluku ne 10:10

Amɔlema nwunle Yizilayɛ ɛlɔnema ne la, Ɛdɛnkɛma manle ɛzulolɛ hanle bɛ na bɛ nye zo danle bɛ. Yizilayɛma hunle bɛ dɔɔnwo wɔ Gebɛyɔn ɛkɛ ne na bɛdoale bɛ ndinlizo, bɛlua Bɛte Hɔlɔn Boka ne ndololeɛ nu adenle zo toonwo bɛrale Azika nee Makidaa.

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 11:7

Zɔhane ati Dwɔhyua nee ye ɛlɔnema ne hɔle bɛ nwo zo arɛlevilɛ nu wɔ Milɔm Azule na bɛ nee bɛ honle.