Dwɔhyua Buluku ne 10:8 - BAEBOLO ANZƐƐ BULUKU NWUANZANWUANZA

⁸ Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 10:8 ပူးပေါင်းရင်းမြစ်များ

1 Arl 20:13

Nyamenle kpɔmanvolɛ bie rale Ehabe anwo ɛkɛ ne razele ye kɛ, “Ehabe, kɛ Ɛdɛnkɛma se la ɛne, ‘Wɔnwu ɛlɔne pinopino ɛhye ɔ? Mebaye bɛ meamaa wɔ ɛnɛ kenle ye, amaa wɔalie wɔado nuhua kɛ medame a mele Ɛdɛnkɛma a.’ ”

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 3:2

Na Ɛdɛnkɛma zele me kɛ, ‘Mmasulo ye, ɔluakɛ meva ye nee ye menli ne amuala memaa wɔ. Yɛ ye kɛ mɔɔ ɛyɛle Amɔle Belemgbunli Saehɔn mɔɔ ɛnee de Hɛhyebɔn la.’

Mɛla 7:24

Ɔbaye bɛ arelemgbunli ne mɔ yeamaa bɛ na bɛamaa bɛ aluma aminli ewiade ye anu. Awie biala ɛnrɛhola bɛ nyunlu gyinla, kɔkpula kɛ bɛkɛzɛkye menli zɔhane mɔ kɔsɔɔti la.

Dwɔhyua Buluku ne 10:25

Akee Dwɔhyua zele safohyenlema ne kɛ, “Bɛmmasulo yɛɛ bɛmmamaa bɛ nwo bubu bɛ. Bɛgyinla ye mrenya zo na bɛmaa bɛ nwo ɛyɛ se, ɔluakɛ ɛhye yɛɛ Ɛdɛnkɛma bava ayɛ bɛ kpɔvolɛma mɔɔ bɛ nee bɛ baho la a.”

Dwɔhyua Buluku ne 10:9

Zɔhane ati Dwɔhyua nee ye ɛlɔnema ne zile nu nɔe ne; bɛvi Gelegale bɛgyi zolɛ toonwo bɛhɔdwule Gebɛyɔn na bɛhɔlile Amɔlema nvunu.

Dwɔhyua Buluku ne 11:6

Ɛdɛnkɛma zele Dwɔhyua kɛ, “Mmasulo bɛ. Ɛhyema bekezɛ ɛnee memaa Yizilayɛma ɛhu bɛ muala. Ɛbabubu mgbɔnwɔ ne mɔ ndwɛlɛ na wɔayela bɛ konle ehwili ne mɔ.”

Dwɔhyua Buluku ne 8:1

Ɛdɛnkɛma zele Dwɔhyua kɛ, “Fa wɔ ɛlɔnema ne kɔ Eyae. Mmasulo yɛɛ mmamaa wɔ ahonle tu. Mebamaa wɔali Eyae belemgbunli ne anwo zo konim; ye menli, ye suakpole ne, nee ye azɛlɛ ne amuala bayɛ wɔ ɛdeɛ.

Maanlebuvolɛma Buluku ne 6:16

Na Ɛdɛnkɛma soanvolɛ ne zele ye kɛ, “Me nee wɔ bahɔ. Ɛbahu Medeanema kɔsɔɔti kɛ asɛɛ bɛle sonla kokye ala.”

Maanlebuvolɛma Buluku ne 7:9

Kenle ko ne nɔe ne Ɛdɛnkɛma zele Gedɛyɔn kɛ, “Dwazo na ɛ nee wɔ ɛlɔnema ɛhɔ Medeanema anwo zo. Wɔli konim wɔwie.

1 Sam 17:47

na menli mɔɔ ɛyia ɛke la kɔsɔɔti anwu kɛ Ɛdɛnkɛma ɛnva dadeɛ nee atwɛ a die ye menli a, ɔluakɛ konle ne le ye ɛdeɛ, na Ɛdɛnkɛma baye bɛ kɔsɔɔti amaa yɛ.”