7 Na Dwɔhyua nee ye ɛlɔnema ne amuala, nee ye menli mɔɔ ze konle nye zo kpalɛ la zile nu vi Gelegale hɔle.
Ɔse, “Mmafa ɛ nwo ɛdielie bɛ nwule nyɛleɛ ne mɔ anu, mmasulo debie mɔɔ bɛmɛ bɛsulo ye la, yɛɛ mmamaa wɔ ahonle tu.
Na yemɔ yɛɛ ɔbayɛ ɛleka nwuanzanwuanza a. Ɔbayɛ bolɛ mɔɔ menli bava ɔ nwo ɛya, ɔbayɛ azekpolɛ bodane yeamaa Yizilayɛma nee Dwudama, yɛɛ ɔbayɛ ɛhane yeamaa Gyɛlusalɛmma.
Gebɛyɔnoma zoanle manle bɛhɔzele Dwɔhyua wɔ Gelegale azokoɛleɛ ne kɛ, “Yɛmenle, mmaye yɛ ɛmaa! Bɛla ndɛndɛ baboa yɛ na die yɛ ngoane. Amɔle arelemgbunli mɔɔ wɔ awoka ne mɔ azo lɔ la ɛbɔ nu ɛra nee yɛ baho.”
Ɛdɛnkɛma zele Dwɔhyua kɛ, “Fa wɔ ɛlɔnema ne kɔ Eyae. Mmasulo yɛɛ mmamaa wɔ ahonle tu. Mebamaa wɔali Eyae belemgbunli ne anwo zo konim; ye menli, ye suakpole ne, nee ye azɛlɛ ne amuala bayɛ wɔ ɛdeɛ.
Zɔhane ati Dwɔhyua boɔboale ɔ nwo kɛ ɔ nee ye ɛlɔnema ne amuala kɔ Eyae. Ɔyele menli mɔɔ ze konle nye zo la apenle abulasa na ɔmanle bɛhɔle nɔe ne ala.