Dwɔhyua Buluku ne 10:41 - BAEBOLO ANZƐƐ BULUKU NWUANZANWUANZA

⁴¹ Dwɔhyua honle vale maanle maanle ne mɔ; ɔbɔle ɔ bo ɔvile Keedɛhye Baanɛya wɔ nyiakɛ nehane ɔhɔkpulale Gaza mɔɔ bikye nyevile ne anloa la, nee Gohyɛn azɛlɛ ne sɔlɔ, ɔhɔkpulale Gebɛyɔn.

Dwɔhyua Buluku ne 10:41 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:19

manle Keenama ɛweɛne ne anloa dwule Saedɛn nyiakɛ mɔɔ kɔ Gilaa mɔɔ zua Gaza la, eza ɔdɛlɛle ɔhɔle aduduleɛ ɔhɔdwule Sodɔm, Gomɔla, Ademaa, yɛɛ Zɛboyem mɔɔ zua Leehya la.

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Zɛkalaya Buluku ne 9:5

Menli mɔɔ wɔ suakpole Ahyekɛlɔn azo la banwu ɛhye, na ɛzulolɛ baha bɛ. Gazama banwu ye, na bɛ nwo bafofo bɛ. Ɛkelɔnoma noko banwu ye, na bɛanwu kɛ bɛ anyelazo muala ɛwie. Gaza belemgbunli ne bawu, yɛɛ Ahyekɛlɔn bayɛ kulofenle (suadu). Emɔ 1.6-8; Zɛf 2.4-7

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:26

Bɛrale Mosisi, Aalɔn nee Yizilayɛma anwo ɛkɛ wɔ Keedɛhye mɔɔ wɔ Pɛlan fienemgbole nu la. Bɛhanle mɔɔ bɛnwunle ye la bɛhilele bɛ, na bɛvale azɛlɛ ne azo ma mɔɔ bɛ nee bɛ rale la bɛhilele bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:8

Ɛhye yɛɛ bɛ ze mɔ yɛle wɔ Keedɛhye Baanɛya wɔ mekɛ mɔɔ menzoanle bɛ kɛ bɛhɔnlea azɛlɛ ne la a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 34:4

Na ɛweɛne ne abele ɔ nwo wɔ Akelabem Ademgbolezo nyiakɛ, yeapɛ nu wɔ Zen na yeahɔdwu Keedɛhye Baanɛya nyiakɛ. Akee ɔtenrɛ ɔ nwo ɔkɔ Heeza Adaa na ɔkɔ Azemɔn.

Ɛzoanvolɛma Gyima ne 8:26

Awulae soanvolɛ dendɛle zele Felepe kɛ, “Kɔ nyiakɛ nehane, wɔ Gyɛlusalɛm nee Gaza adenle ne azo.” (Adenle ɛhye la ɛsɛlɛ zo; ɛnɛ bɛnva zolɛ.)

Mɛla 1:19

“Na kɛmɔ Ɛdɛnkɛma yɛ Nyamenle ne zele yɛ la, yɛyɛle ye zɔhane. Yɛvi Saenae Boka yɛdule yɛ bo yɛhɔpɛle ɛsɛlɛ kpole anu ɛzulolɛ ne, kɛmɔ bɛdabɛ bɛnwunle ye la. Yɛhɔle Amɔle maanle nu wɔ awoka ne mɔ azo lɔ na yɛradwule Keedɛhye Baanɛya.

Mɛla 2:23

Menli mɔɔ vi Kiliti la rabɔle Avemma mɔɔ ɛnee de Mɛdetɛlenia Nyevile ne anloa la abo zo na bɛdabɛ noko bɛvale bɛ azɛlɛ ne toonwo bɛhɔdwule azɛlɛ ne nyiakɛ nehane, wɔ Gaza, na bɛdɛnlanle zolɛ.)

Mɛla 9:23

Eza mɔɔ bɛwɔ Keedɛhye Baanɛya la, Ɛdɛnkɛma zele bɛ kɛ, ‘Bɛhɔ na bɛhɔva azɛlɛ ne mɔɔ meva memaa bɛ la.’ Noko bɛdule Ɛdɛnkɛma bɛ Nyamenle ne anloa bɛdole; bɛanlie ye bɛanli yɛɛ bɛandie ɔ ne.

Dwɔhyua Buluku ne 10:12

Kenle ko ne mɔɔ Ɛdɛnkɛma vale konimlilɛ ne manle Yizilayɛma la, Dwɔhyua nee Ɛdɛnkɛma dendɛle. Wɔ Yizilayɛma amuala anyunlu, Dwɔhyua zele kɛ, “Sɛnzɛne, mmatu ɛ bo ɛfi Gebɛyɔn, Siane, gyinla koonwu wɔ Ayegyalɔn Bɔnza.”

Dwɔhyua Buluku ne 10:2

Ɛhye manle Gyɛlusalɛm belemgbunli ne zulole kpole, ɔboalekɛ Gebɛyɔn le suakpole mɔɔ zolɛ belemgbunli ne di munli a; ɔle kpole ɔtɛla Eyae yɛɛ eza ye menli ne mɔ ze konle nye zo kpalɛ.

Dwɔhyua Buluku ne 11:16

Dwɔhyua vale azɛlɛ ne amuala, azɛlɛ mɔɔ wɔ awoka ne mɔ azo nee bɛ ndololeɛ nu, maanle ne sɔlɔ nee ye nyiakɛ, Gohyɛn azɛlɛ ne nee azɛlɛ ne mɔɔ la ye nyiakɛ, nee Dwɔdan Bɔnza ne kɔsɔɔti.

Dwɔhyua Buluku ne 11:22

Anakema sonla ko bɔbɔ anga Yizilayɛ azɛlɛ zo. Ekyi bie a hale Gaza, Gate, yɛɛ Ahyedɔdo a.

Dwɔhyua Buluku ne 15:51

Gohyɛn, Hɔlɔn, yɛɛ Gaelo: azuamgbole bulu nee ko, nee namunamu mɔɔ zuozua bɛ la boka nwolɛ.

Maanlebuvolɛma Buluku ne 16:1

Samesɛn hɔle Gaza. Ɔnwunle raalɛ tuutuunli bie na ɔ nee ye hɔlale.

Maanlebuvolɛma Buluku ne 16:21

Filisitiama ne hyele ye dudule ɔ nye na bɛ nee ye hɔle Gaza. Bɛvale kɔbele nwɔnzɔnwɔnzɔ bɛguale ye na bɛmanle ɔhyibale abɛlɛ melahyinli, ɔdinle abɛlɛ wɔ efiade ɛkɛ ne.

1 Sam 6:17

Filisitiama vale ezukoa nvutuke mutulemutule ananze ne yɛle azubɔdeɛ yɛle bɛ ɛtane ne mɔ anwo mgbɔdalɛ manle Ɛdɛnkɛma: Ahyedɔdo ɛdeɛ ko, Gaza ɛdeɛ ko, Ahyekɛlɔn ɛdeɛ ko, Gate ɛdeɛ ko, yɛɛ Ɛkelɔn noko ɛdeɛ ko.