Dwɔhyua Buluku ne 10:40 - BAEBOLO ANZƐƐ BULUKU NWUANZANWUANZA

⁴⁰ Dwɔhyua honle vale maanle ne amuala. Arelemgbunli mɔɔ wɔ maanle ne anu awoka ne mɔ azo, nee mɔɔ wɔ aduduleɛ ndololeɛ ne mɔ anu, nee mɔɔ wɔ adɔleɛ awoka ne mɔ azo, nee bɛdabɛ mɔɔ bɛwɔ nyiakɛ maanle ne mɔ anu la amuala; yeanvavi sonla ko bɔbɔ; ɔhunle awie biala, kɛmɔ Ɛdɛnkɛma, Yizilayɛ Nyamenle ne zele kɛ bɛyɛ la.

Dwɔhyua Buluku ne 10:40 ပူးပေါင်းရင်းမြစ်များ

1 Arl 15:29

Beeyahya dɛnlanle ebia ne azo ala la yɛɛ ɔbɔle Gyɛlɔbowam abo zo amra ɛhunlɛ bo a; yeangyakyi sonla ko bɔbɔ. Ɔhunle bɛ kɔsɔɔti, kɛmɔ Ɛdɛnkɛma edwɛkɛ ne mɔɔ ɔluale ye akɛlɛ Ahaegya mɔɔ vi Hyaelo la anwo zo hanle la se la.

Nihɛmaya Buluku ne 9:24

Bɛlile Keenama anwo zo konim bɛvale azɛlɛ ne, ɛvole menli mɔɔ wɔ ɛkɛ ne la akɔme zo; ɛmanle wɔ menli ne tumi bɛvale Keena arelemgbunli nee menli bɛyɛle mɔɔ bɛdabɛ bɛkulo la.

Edwɛndolɛ Buluku ne 9:17

Amumuyɛma bawu ahɔ Ɛbolɔ, maanle maanle mɔɔ arɛle fi Nyamenle la, zɔhane ala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:12

Nea boɛ na maanle ne mɔɔ ɛlɛkɔ nu la, ɛ nee menli ne anyɛ ngyekyeleɛ biala, anrɛɛ ɛkɛzua ɛ nwo ɛhane.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:17

Mɔɔ Mosisi soa bɛ la, ɔzele bɛ kɛ, “Bɛhɔ sɔlɔ afoa nu wɔ Keena azɛlɛ ne nyiakɛ, na bɛhɔ azua mɔɔ gua awoka ne mɔ azo la azo.

Mɛla 1:7

bɛzia bɛhɔzɔ bɛ adendulɛ ne azo na bɛhɔ Amɔle maanle nu awoka ne mɔ azo nee maanle maanle mɔɔ zuozua ɛkɛ ne la anu, Dwɔdan Bɔnza, awoka ne mɔ nee azɛlɛ sɛsɛ ne mɔ azo, nyiakɛ maanzinli nu, nee Mɛdetɛlenia Nyevile ne anloa. Bɛhɔ Keenama nee Lɛbanɔnoma azɛlɛ ne mɔ azo toonwo bɛhɔkpula Azule kpole Yufileti ne anloa.

Mɛla 2:34

Yɛhonle yɛvale ye azuamgbole ne mɔ amuala, wɔ mekɛ ne anu na yɛbɔle suakpole biala, yɛhunle menli mɔɔ wɔ zolɛ la, mrenya, mraalɛ, nee ngakula kɔsɔɔti. Yɛangyakyi ko bɔbɔ.

Mɛla 7:24

Ɔbaye bɛ arelemgbunli ne mɔ yeamaa bɛ na bɛamaa bɛ aluma aminli ewiade ye anu. Awie biala ɛnrɛhola bɛ nyunlu gyinla, kɔkpula kɛ bɛkɛzɛkye menli zɔhane mɔ kɔsɔɔti la.

Dwɔhyua Buluku ne 10:35

Bɛhonle bɛvale ye wɔ kenle ko ne ala na bɛhunle awie biala kɛ mɔɔ bɛyɛle ye wɔ Leekehye la.

Dwɔhyua Buluku ne 10:37

na bɛvale. Bɛhunle belemgbunli ne nee awie biala mɔɔ wɔ suakpole ne azo la; bɛzɛkyele azua mɔɔ bikye suakpole ne la. Dwɔhyua zɛkyele suakpole ne bɔkɔɔ kɛ mɔɔ ɔyɛle Ɛgelɔn la. Sonla ko bɔbɔ anga.

Dwɔhyua Buluku ne 10:39

Ɔvale sua ne na ɔhyele ye belemgbunli ne. Eza ɔvale azua mɔɔ zuozua suakpole ne la. Bɛhunle awie biala mɔɔ wɔ azua ne mɔ azo la. Dwɔhyua yɛle Dibɛ nee ye belemgbunli ne kɛ mɔɔ ɔyɛle Hibulɔn yɛɛ Lebena nee bɛ arelemgbunli ne mɔ la.

Dwɔhyua Buluku ne 11:16

Dwɔhyua vale azɛlɛ ne amuala, azɛlɛ mɔɔ wɔ awoka ne mɔ azo nee bɛ ndololeɛ nu, maanle ne sɔlɔ nee ye nyiakɛ, Gohyɛn azɛlɛ ne nee azɛlɛ ne mɔɔ la ye nyiakɛ, nee Dwɔdan Bɔnza ne kɔsɔɔti.

Dwɔhyua Buluku ne 12:8

Azɛlɛ ɛhye la awoka ne mɔ azo, ɔlua adɔleɛ awoka ngyikyi ne mɔ azo, Dwɔdan Bɔnza nee ye awoka ngyikyi ne mɔ, aduduleɛ ndololeɛ ne anu ɔba ɛsɛlɛ ne mɔɔ wɔ nyiakɛ la azo. Menli mɔɔ anrɛɛ de azɛlɛ ɛhye azo la a le Hɛtema, Amɔlema, Keenama, Pɛlɛzema, Haevaema, yɛɛ Gyibɛsema.

Dwɔhyua Buluku ne 18:21

Azuamgbole mɔɔ le Bɛngyaman abusua ekpunli ne anu amra ɛdeɛ la a le Gyɛleko, Bɛte Hɔgela, Yimɛke, Kizeze,

Dwɔhyua Buluku ne 6:17

Bɛzɛkye suakpole ne nee debie biala mɔɔ wɔ zolɛ la bɔkɔɔ bɛva bɛbɔ azu bɛmaa Ɛdɛnkɛma. Tuutuunli Releehabe nee bɛdabɛ mɔɔ bɛwɔ ye sua nu ɛkɛ ne la ala a bɛgyakyi bɛ a, ɔboalekɛ ɔvale yɛ menli ne mɔɔ yɛzoanle bɛ la ɔveale.

Dwɔhyua Buluku ne 8:2

Kɛ ɛyɛle Gyɛleko nee ye belemgbunli ne la, zɔhane ala yɛɛ ɛbayɛ Eyae nee ye belemgbunli ne a. Na ɛnɛ ɛdeɛ, ninyɛne nee nlankɛ ne mɔ le bɛ ɛdeɛ. Bɛboɔboa bɛ nwo na bɛbu bɛ nzi bɛhɔ bɛ nwo zo arɛlevilɛ nu na bɛva sua ne.”

Dwɔhyua Buluku ne 8:27

Yizilayɛma ne vale nlankɛ nee ninyɛne mɔɔ bɛnyianle bɛ wɔ suakpole ne azo la, kɛmɔ Ɛdɛnkɛma zele Dwɔhyua la.

Dwɔhyua Buluku ne 9:24

Bɛbuale kɛ, “Yɛyɛle ye zɔhane, ɔboalekɛ yɛnwunle kɛ ɔle nɔhalɛ kɛ Ɛdɛnkɛma bɛ Nyamenle ne zele ye sonvolɛ Mosisi kɛ ɔva azɛlɛ ne amuala ɔmaa bɛ na bɛhu menli mɔɔ wɔ zolɛ la. Zɔhane ati ɛnee ɛzulolɛ kpalɛ kpalɛ ɛha yɛ; yɛsulo kɛ bɛkɛhu yɛ bɛkɛbɔ yɛ bo zo.