Dwɔhyua Buluku ne 10:20 - BAEBOLO ANZƐƐ BULUKU NWUANZANWUANZA

²⁰ Dwɔhyua nee Yizilayɛ ɛlɔnema ne hunle Amɔlema dɔɔnwo kpalɛ, mɔɔ asɛɛ bɛ bo zo ɛbɔ bɔkɔɔ a. Menli mɔɔ bɛ sa anga bɛ la a le bɛdabɛ mɔɔ bɛziale bɛhɔveale suakpole ne azo la.

Dwɔhyua Buluku ne 10:20 ပူးပေါင်းရင်းမြစ်များ

2 Sam 20:6

Na Devidi zele Abehyae kɛ, “Bekelae ara Hyiba bayɛ maamɔvo adɛla Abesalɛm. Fa me ɛlɔnema ne toa ye ndinlizo, saa ɔnyia azuamgbole mɔɔ bɛlie nwolɛ la bie azo ɔfea a ɔbayɛ ngyegyelɛ yeamaa yɛ.”

1 Arl 20:21

Yizilayɛ Belemgbunli Ehabe voanle bɛ ndinlizo, ɔhyele mgbɔnwɔ nee konle ehwili ne bie mɔ ɔzɛkyele bɛ na ɔhunle Seleama dɔɔnwo kpalɛ.

2 Edk 13:17

Abaegya nee ye ɛlɔnema ne hunle Yizilayɛma dɔɔnwo kpalɛ; kenle ko ne Yizilayɛma mɔɔ dɔle la le menli apenle ngoko ɛya nnu mɔɔ ze konle nye zo kpalɛ la.

Gyɛlɛmaya Buluku ne 4:5

Bɛha ye wɔ Dwuda, na bɛbɔ ye nolo wɔ Gyɛlusalɛm kɛ, “Bɛwu aweɛne tendenle ne anu wɔ maanle ne anu; bɛdeɛdea nu kpole bɛha ye kɛ, ‘Bɛboɔboa bɛ nloa, bɛmaa yɛhɔ azuamgbole ne mɔ mɔɔ bɛbɔ nwolɛ bane la azo!’

Gyɛlɛmaya Buluku ne 8:14

Nyamenle menli ne bizale kɛ, “Duzu ati a yɛtɛte ɛke a? Bɛdwazo bɛmaa yɛhɔ azuamgbole ne mɔ mɔɔ bɛbɔ nwolɛ bane la azo yɛhɔwu yɛgua ɛkɛ. Ɛdɛnkɛma yɛ Nyamenle ne ɛbua yɛ ewule fɔlɛ kɛ yɛwu; yemaa yɛ pɔezen nzule kɛ yɛnlo, ɔboalekɛ yɛyɛ ɛtane yɛtia ye.

Mɛla 20:16

“Na azuamgbole ne mɔ mɔɔ wɔ azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ la azo la, saa bɛko bɛfa bie a, bɛhu debie biala mɔɔ die ɛnwomenle mɔɔ wɔ zolɛ la.

Dwɔhyua Buluku ne 10:10

Amɔlema nwunle Yizilayɛ ɛlɔnema ne la, Ɛdɛnkɛma manle ɛzulolɛ hanle bɛ na bɛ nye zo danle bɛ. Yizilayɛma hunle bɛ dɔɔnwo wɔ Gebɛyɔn ɛkɛ ne na bɛdoale bɛ ndinlizo, bɛlua Bɛte Hɔlɔn Boka ne ndololeɛ nu adenle zo toonwo bɛrale Azika nee Makidaa.

Dwɔhyua Buluku ne 10:19

na bɛmɛ, bɛmmatɛnla ɛkɛ. Bɛdoa bɛ kpɔvolɛma ne na bɛbu bɛ nzi bɛ nee bɛ ɛho; bɛmmamaa bɛkɔ bɛ azua ne mɔ azo. Ɛdɛnkɛma bɛ Nyamenle ne ɛye bɛ ɛmaa kɛ bɛli bɛ nwo zo konim.”

Dwɔhyua Buluku ne 10:21

Akee Dwɔhyua menli ne mɔ ziale rale ɔ nwo ɛkɛ ne wɔ Makidaa azokoɛleɛ ne. Awie biala ɛnle maanle ne anu mɔɔ dendɛle tiale Yizilayɛma a.

Dwɔhyua Buluku ne 11:12

Dwɔhyua vale azuamgbole ne mɔ amuala, ɔhunle arelemgbunli ne mɔ, ɔhunle menli mɔɔ wɔ zolɛ la amuala, kɛmɔ Ɛdɛnkɛma sonvolɛ Mosisi zele la.

Dwɔhyua Buluku ne 11:8

Ɛdɛnkɛma manle Yizilayɛma lile konim. Yizilayɛma voanle bɛ toonwo bɛhɔdwule Mezelɛfo Meeyem nee Saedɛn, toonwo bɛhɔdwule Mezepa Bɔnza ne anu wɔ aduduleɛ nehane. Na bɛhonle toonwo Yizilayɛma wiele bɛ kpɔvolɛma ne amuala ku.

Dwɔhyua Buluku ne 8:24

Yizilayɛma hunle Eyae ɛlɔnema ne mɔɔ voanle bɛ wɔ ɛsɛlɛ ne azo la, na akee bɛziale bɛhɔle suakpole ne azo bɛhɔhunle bɛdabɛ mɔɔ bɛwɔ ɛkɛ ne la amuala.