Dwɔhyua Buluku ne 1:9 - BAEBOLO ANZƐƐ BULUKU NWUANZANWUANZA

⁹ Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 1:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:15

Na nea, me nee wɔ lua na mebanlea ɛ nwo zo wɔ ɛleka biala mɔɔ ɛkɔ la, na meava wɔ meazia meara azɛlɛ ɛhye azo. Ɔluakɛ menrɛgyakyi wɔ, kyesɛ mewie mɔɔ meva me nloa meha la yɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:2

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:3

na ɔ menle ne nwunle kɛ Ɛdɛnkɛma li Dwosefi anzi, na ɔmanle debie biala mɔɔ ɔvale ɔ sa ɔhanle ye la yɛle kpalɛ.

2 Sam 13:28

Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

2 Edk 15:7

Na wɔmɔ, si wɔ ahonle! Mmamaa ɛ sa nu to, ɔluakɛ ɛbanyia ahatualɛ wɔ wɔ gyima nwo.”

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 43:1

O Yizilayɛma, Gyekɔbo abo zo amra, Ɛdɛnkɛma mɔɔ bɔle bɛ yɛle bɛ muala la se, “Bɛmmasulo, ɔluakɛ mekpɔne bɛ; meva bɛ duma mevɛlɛ bɛ, bɛle me ɛdeɛ.

Ayezaya Buluku ne 43:5

Bɛmmasulo, ɔluakɛ me nee bɛ lua. “Mebava bɛ bo zo amra meavi aduduleɛ, meaboɔboa bɛ nloa meavi adɔleɛ meara.

Ayezaya Buluku ne 8:12

Ɔse, “Mmafa ɛ nwo ɛdielie bɛ nwule nyɛleɛ ne mɔ anu, mmasulo debie mɔɔ bɛmɛ bɛsulo ye la, yɛɛ mmamaa wɔ ahonle tu.

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

Hagae Buluku ne 2:5

kɛmɔ menvale membɔle bɛ ɛwɔkɛ wɔ mekɛ mɔɔ bɛvile Yigyibiti la. Me Sunsum ne nee bɛ de; bɛmmasulo.

Ɛzoanvolɛma Gyima ne 4:19

Na Pita nee Dwɔn buale bɛ kɛ, “Saa ɔle kpalɛ wɔ Nyamenle anyunlu kɛ yɛkɛdie bɛmɛ na yɛkɛgyakyi Nyamenle a ɛnee bɛdabɛ bɛbua;

Mɛla 20:1

“Saa bɛkɔ konle nloa kɛ bɛ nee bɛ kpɔvolɛma kaho, na bɛnwu kɛ kpɔvolɛma ɛlɔnema ne anwo zonle tɛla bɛ na bɛlɛ mgbɔnwɔ nee konle ehwili dɔɔnwo a, bɛmmasulo bɛ, ɔluakɛ Ɛdɛnkɛma bɛ Nyamenle ne mɔɔ nee bɛ vi Yigyibiti rale la nee bɛ a lua a.

Mɛla 31:23

Akee Ɛdɛnkɛma vale Nɛn ara Dwɔhyua gyima ne wulale ɔ sa nu na ɔzele ye kɛ, “Mia ɛ nwo na gyinla kpundii, ɔluakɛ ɛbava Yizilayɛma wɔadwu azɛlɛ ne mɔɔ menvale membɔle bɛ ɛwɔkɛ la azo. Me nee wɔ balua.”

Mɛla 31:28

Bɛboɔboa mbusua ekpunli ekpunli ne mɔ mgbanyinli ne mɔ, nee bɛ mbɔlɔba mgbanyinli ne mɔ anloa bɛmaa bɛrɛla bɛmaa menga edwɛkɛ mengile bɛ, na menvɛlɛ anwuma nee aze memaa bɛli yɛ daselɛ.

Dwɔhyua Buluku ne 1:10

Akee Dwɔhyua zele ye mgbanyima ne mɔ kɛ,

Dwɔhyua Buluku ne 1:17

Yɛbadie ɛ ne, kɛmɔ yɛdiele Mosisi ane la. Ɛdɛnkɛma wɔ Nyamenle ne nee wɔ ɛlua, kɛmɔ ɔ nee Mosisi luale la.

Dwɔhyua Buluku ne 1:18

Awie biala mɔɔ kɛdu ɛ nloa kɛdo na ɔkɛhakyi ɔ nzi ɔkɛzi wɔ, na yeanli mɔɔ ɛkɛha la azo la, yɛbahu ye. Wɔmɔ gyinla kpundii na si pi.”

Dwɔhyua Buluku ne 10:25

Akee Dwɔhyua zele safohyenlema ne kɛ, “Bɛmmasulo yɛɛ bɛmmamaa bɛ nwo bubu bɛ. Bɛgyinla ye mrenya zo na bɛmaa bɛ nwo ɛyɛ se, ɔluakɛ ɛhye yɛɛ Ɛdɛnkɛma bava ayɛ bɛ kpɔvolɛma mɔɔ bɛ nee bɛ baho la a.”

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 3:7

Ɛdɛnkɛma zele Dwɔhyua kɛ, “Ɛnɛ kenle ye mebayɛ wɔ sonlakpole meamaa Yizilayɛma amuala abɔ ɔ bo ali wɔ eni na bɛanwu ye wienyi kɛ me nee wɔ lua, kɛmɔ me nee Mosisi luale la.

Dwɔhyua Buluku ne 6:27

Na Ɛdɛnkɛma nee Dwɔhyua luale, na ye nganeɛ hɔle maanle ne anu ɛleka biala.

Dwɔhyua Buluku ne 8:1

Ɛdɛnkɛma zele Dwɔhyua kɛ, “Fa wɔ ɛlɔnema ne kɔ Eyae. Mmasulo yɛɛ mmamaa wɔ ahonle tu. Mebamaa wɔali Eyae belemgbunli ne anwo zo konim; ye menli, ye suakpole ne, nee ye azɛlɛ ne amuala bayɛ wɔ ɛdeɛ.

Maanlebuvolɛma Buluku ne 6:14

Na Ɛdɛnkɛma soanvolɛ ne hakyile ɔ nye zele ye kɛ, “Anwosesebɛ totohyia ɛhye mɔɔ kɛkala wɔnyia ye la, fa kɔ kɔlie Yizilayɛma fi Medeanema asa anu. Mame medame a mezoa wɔ a.”

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.