Dwɔhyua Buluku ne 1:8 - BAEBOLO ANZƐƐ BULUKU NWUANZANWUANZA

⁸ Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.

Dwɔhyua Buluku ne 1:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:63

Aleɛ yɛle nɔsolɛ la ɔhɔle ye ɛya ne mɔ anu lɔ kɛ ɔkava adwenle; ɔmanle ɔ nye zo la, ɔnwunle kɛ afunlumu dɔɔnwo bie ɛlɛba.

2 Edk 26:5

Mekɛ mɔɔ Zɛkalaya, mɔɔ yemɔ a ɛnee kilehile ye Nyamenle ɛzonlenlɛ la de ngoane nu la, Belemgbunli Ɛzaya vale ziele ɔ nyunlu ɔzonlenle Ɛdɛnkɛma, na Nyamenle manle ɔkpazile.

Edwɛndolɛ Buluku ne 119:11

Meva wɔ edwɛkɛ ne mezie me ahonle nu, amaa meanyɛ ɛtane meantia wɔ.

Edwɛndolɛ Buluku ne 119:15

Mebadwenledwenle wɔ mɛla ne mɔ anwo, na meamaa me nye agyinla wɔ ndenle ne mɔ anwo.

Edwɛndolɛ Buluku ne 119:97

O, mekulo wɔ mɛla ne somaa! Medwenledwenle nwolɛ alehyenlɛ biala.

Edwɛndolɛ Buluku ne 119:99

Melɛ ndelebɛbo metɛla me kilehilevolɛma amuala, ɔluakɛ wɔ mɛla ne mɔ ala a medwenledwenle nwolɛ a.

Edwɛndolɛ Buluku ne 19:14

O Ɛdɛnkɛma, me bodane nee me dievolɛ, maa me nloa edwɛkɛ nee me ahonle nu nzɛlɛlɛ ɛdwu ɛ nyunlu na ɔzɔ ɛ nye.

Edwɛndolɛ Buluku ne 40:10

Metɛkedale wɔ ngoanelielɛ nwo edwɛkɛ ne azo. Meha wɔ nɔhalɛlilɛ nee wɔ ngoanelielɛ nwo edwɛkɛ ne; meanva wɔ ɛhulolɛ kpundii ne nee wɔ nɔhalɛlilɛ ne meanvea wɔ menli ne wɔ nyianu kpole ne anu.

Mrɛlɛbulɛ Buluku ne 3:1

Me ra nrenya, mmamaa ɛ rɛle fi me ngilehilelɛ ne; fa me mɛla ne mɔ sie wɔ ahonle nu,

Ayezaya Buluku ne 59:21

Na mame, me ngyekyeleɛ mɔɔ me nee bɛ bayɛ la ɛne: Me Sunsum ne mɔɔ wɔ bɛ nwo zo, nee me edwɛkɛ ne mɔɔ meva medua bɛ nloa la ɛnrɛvi bɛ nee bɛ bo zo amra anloa, ɔvi ɛnɛ mɔɔ kɔ nee melɛ mɔɔ ɛnlɛ awieleɛ. Medame Ɛdɛnkɛma a mese a.”

Edwɛkpa ne kɛmɔ Mateyu hɛlɛle la 12:35

Sonlakpalɛ biala yɛ debie kpalɛ, yɛɛ sonlatane biala yɛ ninyɛndane.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 7:21

“Tɛ awie biala mɔɔ kɛvɛlɛ me kɛ, ‘Awulae, Awulae’ la a banyia Anwuma Belemgbunlililɛ ne a, na bɛdabɛ mɔɔ bɛyɛ mɔɔ Egya mɔɔ wɔ anwuma la kpondɛ kɛ bɛyɛ la a banyia ye a.

Edwɛkpa ne kɛmɔ Mateyu hɛlɛle la 7:24

“Zɔhane ati awie biala mɔɔ tie me edwɛkɛ ne na ɔdi zolɛ la le kɛ nrɛlɛbɛvolɛ bie mɔɔ zile ye sua wɔ bodane zo la.

Edwɛkpa ne kɛmɔ Luku hɛlɛle la 11:28

Na Gyisɛse buale kɛ, “Bɔbɔ, nyilalɛ ɛha bɛdabɛ mɔɔ bɛtie Nyamenle edwɛkɛ ne na bɛdi zolɛ la!”

Dw 13:17

Kɛkala mɔɔ bɛnwu nɔhalɛ ɛhye la, saa bɛfa bɛyɛ gyima a bɛkɛli fɛlɛko kpole!

Dw 14:21

“Awie biala mɔɔ kɛlie me mɛla ne mɔ na ɔkɛli zolɛ la, yemɔ a kulo me a. Egya bahulo awie biala mɔɔ kulo me la, na medame noko mebahulo ye na meaye me nwo meahile ye.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Mɛla 29:8

Yɛvale bɛ azɛlɛ ne, na yɛhyɛle yɛmanle Wulubɛn abusua ekpunli ne, Gaade abusua ekpunli ne, nee Manasɛ abusua ekpunli foa ko ne anu amra.

Mɛla 29:9

Yemɔti bɛnlea edwɛkɛ mɔɔ wɔ ngyekyeleɛ ɛhye anu la boɛ na bɛli zolɛ, amaa bɛakpazi wɔ debie biala anu.

Mɛla 30:14

Kyɛkyɛ, edwɛkɛ ne nee bɛ a wɔ ɛke a. Ɔwɔ bɛ ahonle nu yɛɛ ɔdua bɛ nloa. Yemɔti bɛkola bɛdi zolɛ.

Mɛla 31:11

mɔɔ Yizilayɛma kɔsɔɔti kɛra Ɛdɛnkɛma bɛ Nyamenle ne anyunlu, ɛleka mɔɔ Ɛdɛnkɛma ɛhile kɛ bɛzonle ye la, bɛgenga mɛla ɛhye bɛmaa Yizilayɛma kɔsɔɔti ɛde.

Mɛla 31:24

Mosisi hɛlɛle Nyamenle Mɛla ne amuala wulale buluku nu; ɔdɔle ɔ rɛle aze ɔhɛlɛle, amaa bie anga nuhua.

Mɛla 5:1

Mosisi manle Yizilayɛma amuala rayiale na ɔzele bɛ kɛ, “Yizilayɛma, bɛdie mɛla nee ngyehyɛlɛ ne mɔ mɔɔ meka meahile bɛ ɛnɛ kenle ye la. Bɛzukoa na bɛli bɛ muala azo boɛ.

Mɛla 5:29

Anrɛɛ bɛanyia adwenle mɔɔ le zɛhae la dahuu, kɛ bɛkɛzulo me na bɛkɛli me mɛla ne mɔ azo, amaa yeayɛ boɛ yeamaa bɛ nee bɛ mra dahuu.

Mɛla 5:32

“Zɔhane ati bɛnlea boɛ na bɛyɛ kɛmɔ Ɛdɛnkɛma bɛ Nyamenle ne ɛze bɛ la, bɛmmakɔ fema zo anzɛɛ bɛne zo.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 8:34

Dwɔhyua akee gengale mɛla ne amuala, boka nyilalɛ nee amowa kɔsɔɔti, kɛmɔ bɛhɛlɛ ye wɔ Mɛla Buluku ne anu la.

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.