Dwɔhyua Buluku ne 1:7 - BAEBOLO ANZƐƐ BULUKU NWUANZANWUANZA

⁷ Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 1:7 ပူးပေါင်းရင်းမြစ်များ

1 Arl 2:2

“Ɔka ekyii mekɔ me ɛkɛla nzi, yemɔti gyinla kpundii kɛ ralɛ nrenya,

1 Arl 2:3

na di gyima mɔɔ Ɛdɛnkɛma wɔ Nyamenle ne ɛze wɔ kɛ ɛli la. Dua ye adenle ne azo, di ye mɛla ne mɔ nee ye ngyehyɛlɛ ne mɔ azo, kɛmɔ bɛhɛlɛ bɛ wɔ Mosisi mɛla buluku ne anu la, amaa wɔ ɛbɛlabɔlɛ ne adenrɛ na wɔakpazi wɔ adenle nee nyɛleɛ biala anu.

2 Arl 22:2

Dwosaya yɛle mɔɔ sɔ Ɛdɛnkɛma anye la. Ɔvale ɔ nlenya Devidi agyakɛ na ɔlile Nyamenle Mɛla ne mɔ azo kpalɛ kpalɛ.

1 Edk 22:13

Saa ɛdi mɛla ne mɔɔ Ɛdɛnkɛma luale Mosisi anwo zo vale manle Yizilayɛma la azo kpalɛ a, ɛbakpazi. Sie ɛ ti koonwu, na maa wɔ adwenle ɛgyinla, amaa debie biala andu wɔ ahonle.

2 Edk 15:7

Na wɔmɔ, si wɔ ahonle! Mmamaa ɛ sa nu to, ɔluakɛ ɛbanyia ahatualɛ wɔ wɔ gyima nwo.”

2 Edk 26:5

Mekɛ mɔɔ Zɛkalaya, mɔɔ yemɔ a ɛnee kilehile ye Nyamenle ɛzonlenlɛ la de ngoane nu la, Belemgbunli Ɛzaya vale ziele ɔ nyunlu ɔzonlenle Ɛdɛnkɛma, na Nyamenle manle ɔkpazile.

Dwobu Buluku ne 1:8

Na Ɛdɛnkɛma zele Seetan kɛ, “Wɔnwu me sonvolɛ Dwobu, awie biala mɔɔ le kɛ ɔdaye la ɛnle aleɛabo, ɛtane biala ɛnle ɔ nwo yɛɛ ɔdi nɔhalɛ. Ɔsulo Nyamenle yɛɛ ɔtwe ɔ nwo ɔfi ɛtane nwo.”

Edwɛndolɛ Buluku ne 80:19

O Tumivolɛ Ɛdɛnkɛma, fa yɛ sie yɛ gyinlabelɛ dɛba ne, kile wɔ anwunvɔnezelɛ ne yɛ nwo zo, amaa yɛanyia ngoane.

Mrɛlɛbulɛ Buluku ne 4:27

Mmatɔ ɛkɔ fema zo anzɛɛ bɛne zo; twe ɛ gyakɛ fi ɛtane adenle zo.

Mrɛlɛbulɛ Buluku ne 8:20

Medua tenleneyɛlɛ adenle nu, medua pɛlepɛlelilɛ adenle nu.

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:23

ɔvale ɔ sa ɔguale ɔ ti zo na ɔbɔle ye nolo kɛ yemɔ yɛɛ ɔle ye agyadivo a, kɛmɔ Ɛdɛnkɛma zele ye la.

Mɛla 11:8

“Bɛli mɛla ne mɔ mɔɔ meva memaa bɛ ɛnɛ la amuala azo, amaa bɛ nwo ayɛ se, bɛahola bɛahɔva azɛlɛ ne mɔɔ bɛkava bɛayɛ bɛ ɛdeɛ la,

Mɛla 12:32

“Bɛli mɔɔ meha mehile bɛ la azo kpalɛ. Bɛmmafa bie bɛboka nwolɛ yɛɛ bɛmmaye bie bɛfi nuhua.

Mɛla 28:14

Noko akee bɛnlea boɛ na bɛangoati me edwɛkɛ ne mɔ mɔɔ melɛka meahile bɛ ɛnɛ la anwo, bɛangɔ bɛne zo anzɛɛ fema zo, bɛangɔnzonle awozonle.

Mɛla 29:8

Yɛvale bɛ azɛlɛ ne, na yɛhyɛle yɛmanle Wulubɛn abusua ekpunli ne, Gaade abusua ekpunli ne, nee Manasɛ abusua ekpunli foa ko ne anu amra.

Mɛla 29:9

Yemɔti bɛnlea edwɛkɛ mɔɔ wɔ ngyekyeleɛ ɛhye anu la boɛ na bɛli zolɛ, amaa bɛakpazi wɔ debie biala anu.

Mɛla 31:7

Akee Mosisi vɛlɛle Dwɔhyua na ɔdendɛle ɔhilele ye wɔ Yizilayɛma kɔsɔɔti anyunlu kɛ, “Mmamaa ɛ rɛle bɔ. Mia ɛ nwo, ɔluakɛ ɛdawɔ yɛɛ ɛ nee menli ɛhye mɔ bahɔ azɛlɛ ne mɔɔ Ɛdɛnkɛma ɛva ɛbɔ bɛ ze mɔ ɛwɔkɛ la azo na bɛahɔva a.

Mɛla 4:2

Bɛmmafa edwɛkɛ kpɔkɛ ko bɔbɔ bɛboka mɔɔ melɛfa meamaa bɛ la anwo, yɛɛ bɛmmaye bie bɛfi nu, amaa bɛahola bɛali Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ la azo.

Mɛla 5:32

“Zɔhane ati bɛnlea boɛ na bɛyɛ kɛmɔ Ɛdɛnkɛma bɛ Nyamenle ne ɛze bɛ la, bɛmmakɔ fema zo anzɛɛ bɛne zo.

Dwɔhyua Buluku ne 1:1

Ɛdɛnkɛma sonvolɛ Mosisi wule la, Ɛdɛnkɛma zele Nɛn ara Dwɔhyua mɔɔ le Mosisi boavolɛ la kɛ,

Dwɔhyua Buluku ne 1:8

Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 11:15

Kɛmɔ Nyamenle zele ye sonvolɛ Mosisi kɛ ɔyɛ la, zɔhane ala yɛɛ Mosisi hanle hilele Dwɔhyua kɛ ɔyɛ a, yɛɛ Dwɔhyua noko lile zolɛ. Ɔyɛle debie biala mɔɔ Ɛdɛnkɛma zele Mosisi kɛ ɔyɛ la.

Dwɔhyua Buluku ne 23:6

Yemɔti bɛnlea boɛ na bɛli debie biala mɔɔ bɛhɛlɛ ye wɔ Mosisi Mɛla ne anu la azo. Bɛmmabu bɛ nye bɛgua ye kpɔkɛ ko bɔbɔ azo.