Dwɔhyua Buluku ne 1:6 - BAEBOLO ANZƐƐ BULUKU NWUANZANWUANZA

⁶ Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 1:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3

Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

2 Sam 10:12

Si wɔ ahonle, maa yɛhile yɛ mrenya yɛmaa yɛ menli ne nee yɛ Nyamenle ne azuamgbole ne mɔ. Ɛdɛnkɛma ɛhulolɛ ɛyɛ ɛkɛ.”

1 Arl 2:2

“Ɔka ekyii mekɔ me ɛkɛla nzi, yemɔti gyinla kpundii kɛ ralɛ nrenya,

1 Edk 22:13

Saa ɛdi mɛla ne mɔɔ Ɛdɛnkɛma luale Mosisi anwo zo vale manle Yizilayɛma la azo kpalɛ a, ɛbakpazi. Sie ɛ ti koonwu, na maa wɔ adwenle ɛgyinla, amaa debie biala andu wɔ ahonle.

1 Edk 28:10

Ɔwɔ kɛ ɛnwu ye kɛ Ɛdɛnkɛma ɛnlea nu ɛye wɔ kɛ ɛzi ye Ɛzonlenlɛ Sua nwuanzanwuanza ne. Si, fa wɔ ahonle nee wɔ anwosesebɛ kɔsɔɔti si.”

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

2 Edk 15:7

Na wɔmɔ, si wɔ ahonle! Mmamaa ɛ sa nu to, ɔluakɛ ɛbanyia ahatualɛ wɔ wɔ gyima nwo.”

2 Edk 20:11

Akee nea, yɛ moyɛlɛ a le kɛ bɛba bɛaravoa yɛ bɛavi azɛlɛ ye mɔɔ wɔva wɔmaa yɛ kɛ yɛdɛnla zo kpɔkpɔ la azo.

2 Edk 20:7

O yɛ Nyamenle, ɛdawɔ yɛɛ ɛvoanle menli mɔɔ ɛnee de azɛlɛ ye azo la ɛvile Yizilayɛma anyunlu, na ɛvale azɛlɛ ne ɛmanle ɛ gɔnwo Ebileham abo zo amra bɔkɔɔ a.

Edwɛndolɛ Buluku ne 27:14

Fa ɛ rɛle wula Ɛdɛnkɛma anu; mia ɛ nwo na si wɔ ahonle, ɛhɛe, fa ɛ rɛle wula Ɛdɛnkɛma anu.

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

Zɛkalaya Buluku ne 8:9

Tumivolɛ Ɛdɛnkɛma se, “Bɛdabɛ mɔɔ bɛlɛtie edwɛkɛ ɛhye mɔ bɛavi me kpɔmanvolɛma anloa la, bɛnyia akɛnrasesebɛ, kɛmɔ mekɛ mɔɔ bɛwula Tumivolɛ Ɛdɛnkɛma Sua ne aze la bɛnyianle la, amaa bɛahola bɛazi Ɛdɛnkɛma Ɛzonlenlɛ Sua ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:53

“Kyɛ azɛlɛ ne maa mbusua ekpunli ekpunli ne, kɛmɔ bɛ dodo de la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:53

Bɛva azɛlɛ ne bɛdɛnla zolɛ, ɔboalekɛ melɛfa meamaa bɛ.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Mɛla 1:8

Meva azɛlɛ ne amuala memaa bɛ. Bɛhɔ na bɛhɔva azɛlɛ ne bɛyɛ bɛ ɛdeɛ. Medame Ɛdɛnkɛma yɛɛ menvale membɔle bɛ nlenya mɔ ɛwɔkɛ a. Menganle ndane mengilele bɛ ze mɔ, Ebileham, Ayezeke, nee Gyekɔbo kɛ mebava meamaa bɛ nee bɛ bo zo amra.’ ”

Mɛla 11:8

“Bɛli mɛla ne mɔ mɔɔ meva memaa bɛ ɛnɛ la amuala azo, amaa bɛ nwo ayɛ se, bɛahola bɛahɔva azɛlɛ ne mɔɔ bɛkava bɛayɛ bɛ ɛdeɛ la,

Mɛla 31:23

Akee Ɛdɛnkɛma vale Nɛn ara Dwɔhyua gyima ne wulale ɔ sa nu na ɔzele ye kɛ, “Mia ɛ nwo na gyinla kpundii, ɔluakɛ ɛbava Yizilayɛma wɔadwu azɛlɛ ne mɔɔ menvale membɔle bɛ ɛwɔkɛ la azo. Me nee wɔ balua.”

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

Dwɔhyua Buluku ne 1:18

Awie biala mɔɔ kɛdu ɛ nloa kɛdo na ɔkɛhakyi ɔ nzi ɔkɛzi wɔ, na yeanli mɔɔ ɛkɛha la azo la, yɛbahu ye. Wɔmɔ gyinla kpundii na si pi.”

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 10:25

Akee Dwɔhyua zele safohyenlema ne kɛ, “Bɛmmasulo yɛɛ bɛmmamaa bɛ nwo bubu bɛ. Bɛgyinla ye mrenya zo na bɛmaa bɛ nwo ɛyɛ se, ɔluakɛ ɛhye yɛɛ Ɛdɛnkɛma bava ayɛ bɛ kpɔvolɛma mɔɔ bɛ nee bɛ baho la a.”

Dwɔhyua Buluku ne 13:6

Saedɛnema mɔɔ de awoka ne mɔ azo la azɛlɛ ne, ɔvi Lɛbanɔn awoka ne mɔ anu mɔɔ kɔdwu Mezelɛfo Meeyem la amuala. Medame mebadu bɛ muala meavi azɛlɛ ne azo na meava meamaa Yizilayɛma. Ɔwɔ kɛ ɛkyɛ azɛlɛ ne ɛmaa Yizilayɛma, kɛmɔ meha mehile wɔ kɛ ɛyɛ la.

Dwɔhyua Buluku ne 18:3

Zɔhane ati Dwɔhyua zele Yizilayɛma kɛ, “Kenlenzu a bɛkɔ na bɛahɔva azɛlɛ ne mɔɔ Ɛdɛnkɛma, mɔɔ le bɛ nlenya mɔ Nyamenle ne, ɛva ɛmaa bɛ la a?

Dwɔhyua Buluku ne 21:43

Yemɔti Ɛdɛnkɛma vale azɛlɛ ne amuala manle Yizilayɛma, kɛmɔ ɔvale ɔbɔle bɛ nlenya mɔ ɛwɔkɛ la. Akee mɔɔ bɛ sa hanle ye la, bɛdɛnlanle ɛkɛ ne kpɔkpɔ.

1 Sam 4:9

Yemɔti Filisitiama, bɛzi ahonle. Bɛho kɛ mrenya na anrɛɛ yɛkɛyɛ ahanra yɛkɛmaa Hibuluma kɛ mɔɔ ɛnee bɛle bɛmaa yɛ la. Yemɔti bɛho bɛhile kɛ bɛle mrenya.”