Dwɔhyua Buluku ne 1:5 - BAEBOLO ANZƐƐ BULUKU NWUANZANWUANZA

⁵ Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

Dwɔhyua Buluku ne 1:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:2

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu,

1 Arl 1:37

Na kɛ Ɛdɛnkɛma nee Belemgbunli Devidi ɛzi ɛdɛnla la zɔhane ala yɛɛ ɔ nee Sɔlɔmɔn ɛdɛnla, na ɔmaa ye belemgbunlililɛ ne ɛhɔ zolɛ ɛdɛla Belemgbunli Devidi ɛdeɛ ne bɔbɔ a.”

1 Arl 11:38

Saa ɛyɛ tieyɛ ɛmaa me bɔkɔɔ, ɛdi me mɛla zo, na ɛyɛ mɔɔ menwɔze wɔ la, ɛsɔ me nye, kɛmɔ me akɛlɛ Devidi yɛle la a, me nee wɔ badɛnla dahuu; ɛbazie Yizilayɛma na ɛ mra ali ebia ne, kɛmɔ menyɛle memanle Devidi la.

1 Arl 6:13

Eza me nee Yizilayɛma balua yɛɛ me rɛle ɛnrɛvi bɛ ɛlɛ.”

1 Arl 8:57

Ɛdɛnkɛma yɛ Nyamenle ne nee yɛ ɛlua, kɛmɔ ɔ nee yɛ ze mɔ luale la; ɔmmagyakyi yɛ yɛɛ ɔmmakpo yɛ.

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12

Nyamenle zele ye kɛ, “Me nee wɔ balua, na ɛhye bayɛ sɛkɛlɛneɛ amaa wɔ kɛ medame a mezoa wɔ a. Mekɛ mɔɔ ɛ nee menli ne kɛvi Yigyibiti la, bɛbarazonle Nyamenle wɔ boka ɛhye azo.”

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Gyɛlɛmaya Buluku ne 1:8

Mmasulo bɛ, ɔluakɛ me nee wɔ lua; mebalie wɔ. Medame Ɛdɛnkɛma a mese a.”

Daneɛle Buluku ne 11:16

Selea belemgbunli ne bayɛ mɔɔ ɔdaye ɔkulo la. Awie biala ɛnrɛhola ɔ nyunlu gyinla. Ɔbava azɛlɛ ne mɔɔ bɛva bɛbɔ ɛwɔkɛ la kpokpoti yeayɛ ye ɛdeɛ.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

Mɛla 20:1

“Saa bɛkɔ konle nloa kɛ bɛ nee bɛ kpɔvolɛma kaho, na bɛnwu kɛ kpɔvolɛma ɛlɔnema ne anwo zonle tɛla bɛ na bɛlɛ mgbɔnwɔ nee konle ehwili dɔɔnwo a, bɛmmasulo bɛ, ɔluakɛ Ɛdɛnkɛma bɛ Nyamenle ne mɔɔ nee bɛ vi Yigyibiti rale la nee bɛ a lua a.

Mɛla 20:4

Ɔluakɛ Ɛdɛnkɛma bɛ Nyamenle ne, yemɔ yɛɛ ɔ nee bɛ kɔ ɔ nee bɛ kpɔvolɛma ne ahɔho na yeamaa bɛali konim a.’

Mɛla 31:23

Akee Ɛdɛnkɛma vale Nɛn ara Dwɔhyua gyima ne wulale ɔ sa nu na ɔzele ye kɛ, “Mia ɛ nwo na gyinla kpundii, ɔluakɛ ɛbava Yizilayɛma wɔadwu azɛlɛ ne mɔɔ menvale membɔle bɛ ɛwɔkɛ la azo. Me nee wɔ balua.”

Mɛla 4:31

ɔluakɛ Ɛdɛnkɛma bɛ Nyamenle ne le Nyamenle mɔɔ se anwunvɔne a. Ɔnrɛye bɛ anrinli ɔnrɛdo bɛ sa nu, ɔnrɛzɛkye bɛ, yɛɛ ɔ rɛle ɛnrɛvi ngyekyeleɛ ne mɔɔ ɔ nee bɛ ze mɔ yɛle na ɔhanle ndane ɔdole zolɛ la.

Mɛla 7:24

Ɔbaye bɛ arelemgbunli ne mɔ yeamaa bɛ na bɛamaa bɛ aluma aminli ewiade ye anu. Awie biala ɛnrɛhola bɛ nyunlu gyinla, kɔkpula kɛ bɛkɛzɛkye menli zɔhane mɔ kɔsɔɔti la.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Dwɔhyua Buluku ne 1:17

Yɛbadie ɛ ne, kɛmɔ yɛdiele Mosisi ane la. Ɛdɛnkɛma wɔ Nyamenle ne nee wɔ ɛlua, kɛmɔ ɔ nee Mosisi luale la.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 21:44

Ɛdɛnkɛma manle bɛ anzonudwolɛ wɔ bɛ azɛlɛ ne azo, kɛmɔ ɛwɔkɛ ne mɔɔ ɔbɔle bɛ nlenya mɔ la se la. Bɛ kpɔvolɛma ne anu ko bɔbɔ angola bɛ nyunlu gyinla, ɔboalekɛ Ɛdɛnkɛma manle bɛlile konim wɔ bɛ muala bɛ nwo zo.

Dwɔhyua Buluku ne 3:7

Ɛdɛnkɛma zele Dwɔhyua kɛ, “Ɛnɛ kenle ye mebayɛ wɔ sonlakpole meamaa Yizilayɛma amuala abɔ ɔ bo ali wɔ eni na bɛanwu ye wienyi kɛ me nee wɔ lua, kɛmɔ me nee Mosisi luale la.

Dwɔhyua Buluku ne 6:27

Na Ɛdɛnkɛma nee Dwɔhyua luale, na ye nganeɛ hɔle maanle ne anu ɛleka biala.

Maanlebuvolɛma Buluku ne 2:18

Mekɛ biala mɔɔ Ɛdɛnkɛma kɛmaa bɛ sonla kɛ ɔli bɛ ti la, ɔ nee ye dua na ɔdie Yizilayɛma ɔfi bɛ kpɔvolɛma asa anu, wɔ mekɛ mɔɔ ahenle mɔɔ li bɛ ti la de aze la. Ɔluakɛ ɔyɛ na bɛkile bɛ nyane nee abodelɛ na bɛse kɛ bɛsu a ɛnee ɔyɛ Ɛdɛnkɛma alɔbɔlɛ.

Maanlebuvolɛma Buluku ne 6:16

Na Ɛdɛnkɛma soanvolɛ ne zele ye kɛ, “Me nee wɔ bahɔ. Ɛbahu Medeanema kɔsɔɔti kɛ asɛɛ bɛle sonla kokye ala.”

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.