Dwɔhyua Buluku ne 1:4 - BAEBOLO ANZƐƐ BULUKU NWUANZANWUANZA

⁴ Ɔvi ɛsɛlɛ ne anloa lɔ bakpula Lɛbanɔn ɛke, toonwo mɔɔ kɔ azule kpole Yufileti ne anloa, ɔlua Hɛtema maanle ne anu kɔkpula Nyevile Kpole ne anloa wɔ sɛnzɛne adɔleɛ lɔ la, meva memaa wɔ.

Dwɔhyua Buluku ne 1:4 ပူးပေါင်းရင်းမြစ်များ

1 Arl 10:29

Bɛtɔ konle ehwili ko dwɛtɛ fufule ɛya nsia wɔ Yigyibiti yɛɛ ɛkpɔnwɔ ko dwɛtɛ fufule ɛya ko abulanlu na belemgbunli ne gualilɛma ne azia adɔne bɛ amaa Hɛte nee Selea arelemgbunli.

1 Arl 4:21

Sɔlɔmɔn ziele maanle ne kɔsɔɔti, ɛbɔ ye Azule Yufileti mɔɔ bagua Filisitiama azɛlɛ zo, ɔdwu Yigyibiti ɛweɛne zo amuala la rahotole Sɔlɔmɔn na bɛduale adwule mɔɔ fɛta la bɛmanle ye.

1 Edk 18:3

Akee Belemgbunli Devidi hɔtetale Belemgbunli Hadadizɛ mɔɔ sie Selea maanle ne mɔɔ bɛfɛlɛ ye Zoba, mɔɔ zua Heemate maanzinli ne la, ɔboalekɛ ɛnee Hadadizɛ ɛlɛbɔ mɔdenle araze Yufileti sɔlɔ ahɔva ɛkɛ ne azɛlɛ ne.

1 Edk 5:9

Ɛnee bɛlɛ nyɛmoa dɔɔnwo wɔ Geleade azɛlɛ zo, yemɔti bɛvale azɛlɛ ne toonwo bɛhɔdwule Azule Yufileti ne anloa mɔɔ di kɔ aduduleɛ afoa nu ɛsɛlɛ ne azo la.

Ɛzela Buluku ne 4:20

Ɛnee Gyɛlusalɛm lɛ arelemgbunli anwo ɛzulolɛ mɔɔ anwo yɛ se a, na bɛziele maanle maanle mɔɔ wɔ Azule Yufileti Adɔleɛ afoa nu la amuala. Ɔlua zolɛ bɛmanle menli duale adwule manle bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Mɛla 1:7

bɛzia bɛhɔzɔ bɛ adendulɛ ne azo na bɛhɔ Amɔle maanle nu awoka ne mɔ azo nee maanle maanle mɔɔ zuozua ɛkɛ ne la anu, Dwɔdan Bɔnza, awoka ne mɔ nee azɛlɛ sɛsɛ ne mɔ azo, nyiakɛ maanzinli nu, nee Mɛdetɛlenia Nyevile ne anloa. Bɛhɔ Keenama nee Lɛbanɔnoma azɛlɛ ne mɔ azo toonwo bɛhɔkpula Azule kpole Yufileti ne anloa.

Mɛla 11:24

Ɛleka biala mɔɔ bɛ gyakɛ kɛtia la bayɛ bɛ ɛdeɛ. Bɛ azɛlɛ ne tɛtɛlɛ bɔ ye ɛsɛlɛ ne anloa ɔkɔ Lɛbanɔn, na ɔvi Azule Yufileti ne anloa ɔkɔgua adɔleɛ nyevile ne anloa.

Mɛla 3:25

Mesɛlɛ wɔ, maa mempɛ azule ye mengɔ ɔ nzi lɔ na mengɔnwu azɛlɛ kpalɛ ne mɔɔ la Azule Dwɔdan ne anzi lɔ awoka ne mɔ azo la nee Lɛbanɔn.’

Yekile 9:14

Ɛnelɛ ne zele Nyamenle soanvolɛ ne mɔɔ lɛ aweɛne tendenle ne mɔɔ tɔ zolɛ nsia la kɛ, “Sianyizianyi Nyamenle soanvolɛma nna ne mɔɔ bɛkyekye bɛ wɔ azule kpole ‘Yufileti’ anloa la!”