Dwɔhyua Buluku ne 1:2 - BAEBOLO ANZƐƐ BULUKU NWUANZANWUANZA

² “Me sonvolɛ Mosisi ɛwu. Zɔhane ati boɔboa ɛ nwo na ɛ nee Yizilayɛma kɔsɔɔti bɛhɔpɛ Azule Dwɔdan ne bɛhɔ ɔ nzi lɔ azɛlɛ ne mɔɔ mefa meamaa bɛ la azo.

Dwɔhyua Buluku ne 1:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:8

Na mebava azɛlɛ ne mɔɔ ɛlɛkpɔsakpɔsa zolɛ la meamaa wɔ nee ɛ bo zo amra. Bɛbava Keena azɛlɛ ne kɔsɔɔti bɛayɛ bɛ ɛdeɛ, na mebayɛ bɛ Nyamenle.”

Nihɛmaya Buluku ne 9:23

Ɛmanle bɛ mralɛ dɔɔnwo kɛ anwomanyunlu nwɔlɔra, na ɛmanle bɛhonle bɛvale maanle ne mɔɔ ɛvale ɛbɔle bɛ nlenya mɔ ɛwɔkɛ la.

Dwobu Buluku ne 1:8

Na Ɛdɛnkɛma zele Seetan kɛ, “Wɔnwu me sonvolɛ Dwobu, awie biala mɔɔ le kɛ ɔdaye la ɛnle aleɛabo, ɛtane biala ɛnle ɔ nwo yɛɛ ɔdi nɔhalɛ. Ɔsulo Nyamenle yɛɛ ɔtwe ɔ nwo ɔfi ɛtane nwo.”

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:7

Na me sonvolɛ Mosisi ɛdeɛ, asolo ye, meva ye mezie me menli Yizilayɛma kɔsɔɔti anloa.

Mɛla 3:28

Fa ɛlɔne ne wula Dwɔhyua asa anu; si ye ahonle na maa ye anwosesebɛ. Ɔluakɛ yemɔ yɛɛ ɔbali menli ne ati bɛahɔpɛ azule ne bɛahɔ ɔ nzi lɔ na yeahɔva azɛlɛ ne mɔɔ ɛ nye banwu ye la yeamaa bɛ a.’

Mɛla 31:7

Akee Mosisi vɛlɛle Dwɔhyua na ɔdendɛle ɔhilele ye wɔ Yizilayɛma kɔsɔɔti anyunlu kɛ, “Mmamaa ɛ rɛle bɔ. Mia ɛ nwo, ɔluakɛ ɛdawɔ yɛɛ ɛ nee menli ɛhye mɔ bahɔ azɛlɛ ne mɔɔ Ɛdɛnkɛma ɛva ɛbɔ bɛ ze mɔ ɛwɔkɛ la azo na bɛahɔva a.

Mɛla 34:5

Yemɔti Ɛdɛnkɛma sonvolɛ Mosisi wule Mowabe azɛlɛ zo, kɛmɔ Ɛdɛnkɛma hanle la.

Dwɔhyua Buluku ne 1:1

Ɛdɛnkɛma sonvolɛ Mosisi wule la, Ɛdɛnkɛma zele Nɛn ara Dwɔhyua mɔɔ le Mosisi boavolɛ la kɛ,

Dwɔhyua Buluku ne 1:11

“Bɛhɔ menli ne mɔ anu na bɛze bɛ kɛ, ‘Bɛkpondɛ aleɛ na bɛboɔboa bɛ nwo, ɔboalekɛ ɛnɛ anwo zo kenle nsa bɛbahɔpɛ Azule Dwɔdan ne bɛahɔ ɔ nzi lɔ na bɛahɔva azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la.’ ”