Dwɔhyua Buluku ne 1:17 - BAEBOLO ANZƐƐ BULUKU NWUANZANWUANZA

¹⁷ Yɛbadie ɛ ne, kɛmɔ yɛdiele Mosisi ane la. Ɛdɛnkɛma wɔ Nyamenle ne nee wɔ ɛlua, kɛmɔ ɔ nee Mosisi luale la.

Dwɔhyua Buluku ne 1:17 ပူးပေါင်းရင်းမြစ်များ

2 Sam 14:17

Wɔ sonvolɛ raalɛ, menyianle adwenle kɛ me awulae belemgbunli baha me ahonle ado azule nu, ɔluakɛ me awulae belemgbunli le kɛ Nyamenle soanvolɛ la, ɔze kpalɛ, ɔze ɛtane. Ɛdɛnkɛma wɔ Nyamenle ne nee wɔ ɛlua.”

1 Arl 1:37

Na kɛ Ɛdɛnkɛma nee Belemgbunli Devidi ɛzi ɛdɛnla la zɔhane ala yɛɛ ɔ nee Sɔlɔmɔn ɛdɛnla, na ɔmaa ye belemgbunlililɛ ne ɛhɔ zolɛ ɛdɛla Belemgbunli Devidi ɛdeɛ ne bɔbɔ a.”

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

Edwɛndolɛ Buluku ne 20:1

Ɛdɛnkɛma ɛdie wɔ wɔ anwongyelelɛ nu! Gyekɔbo Nyamenle ne duma ɛbɔ ɛ nwo bane!

Edwɛndolɛ Buluku ne 20:4

Ɔmaa ɛ sa ɛha mɔɔ ɛkpondɛ la, na ɔmaa wɔ adwenle ngyehyɛlɛ muala ɛyɛ zɔ.

Edwɛndolɛ Buluku ne 20:9

O Ɛdɛnkɛma, maa belemgbunli ne ɛli konim; yɛfɛlɛ wɔ a die yɛ zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:18

Na Ɛdɛnkɛma zele Mosisi kɛ, “Ye Nɛn ara Dwɔhyua, ɔle sonla mɔɔ sunsum ne wɔ ye nu. Fa ɛ sa gua ɔ ti zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:20

Fa wɔ tumi ne bie maa ye, amaa Yizilayɛma kɔsɔɔti ayɛ tieyɛ amaa ye.

Edwɛkpa ne kɛmɔ Mateyu hɛlɛle la 21:9

Na menli dɔɔnwo ne mɔɔ li ɔ nyunlu nee ɔ nzi la deɛdeanle nuhua kɛ, “Ayɛlɛyelɛ ɛha Devidi Ara ne! Nyamenle ɛyila mɔɔ lua Awulae duma nu ɛlɛba la! Bɛye Nyamenle ayɛlɛ!”

Mɛla 34:9

Akee Nɛn ara Dwɔhyua nrɛlɛbɛ ne yɛle kpole, ɔluakɛ ɛnee Mosisi ɛva ɔ sa ɛgua ɔ ti zo. Yemɔti Yizilayɛma diele ye na bɛlile mɛla mɔɔ Ɛdɛnkɛma vale manle Mosisi la azo.

Dwɔhyua Buluku ne 1:16

Menli ne buale Dwɔhyua kɛ, “Yɛbayɛ debie biala mɔɔ wɔha wɔhile yɛ la, yɛɛ yɛbahɔ ɛleka biala mɔɔ ɛkɛze yɛ kɛ yɛhɔ la.

Dwɔhyua Buluku ne 1:18

Awie biala mɔɔ kɛdu ɛ nloa kɛdo na ɔkɛhakyi ɔ nzi ɔkɛzi wɔ, na yeanli mɔɔ ɛkɛha la azo la, yɛbahu ye. Wɔmɔ gyinla kpundii na si pi.”

Dwɔhyua Buluku ne 1:5

Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 4:14

Mɔɔ Ɛdɛnkɛma yɛle ye kenle ko ne la manle Yizilayɛma anye zɔle Dwɔhyua kpole kpalɛ na bɛzulole ye, kɛmɔ bɛzulole Mosisi toonwo ɔhɔle ewule nu la.

1 Sam 17:37

Ɛdɛnkɛma mɔɔ liele me vile awenade nee bedi ne mɔ asa anu la balie me avi Filisitianli ɛhye asa anu.” Sɔɔlo zele Devidi kɛ, “Kɔ, Ɛdɛnkɛma nee wɔ ɛhɔ.”

1 Sam 20:13

Saa ɔlɛ ɛ nwo adwenle ɛtane biala na meammaa wɔande, na eza meanlie wɔ ngoane a, Ɛdɛnkɛma ɛdua me kakɛ ɛgua me bie zo. Ɛdɛnkɛma nee wɔ ɛlua, kɛmɔ ɔ nee egya lua la.