Dwɔhyua Buluku ne 1:14 - BAEBOLO ANZƐƐ BULUKU NWUANZANWUANZA

¹⁴ Bɛ ye mɔ, bɛ mra yɛɛ bɛ nlankɛ ne mɔ baha ɛke wɔ azɛlɛ ye mɔɔ Mosisi ɛva ɛmaa bɛ la azo, na bɛ ɛlɔnema ne mɔ mɔɔ kola ko la apɛ azule ne ahɔboa bɛ mediema Yizilayɛma wɔ Dwɔdan ne anzi lɔ,

Dwɔhyua Buluku ne 1:14 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:18

Na Nyamenle manle bɛbɔle fienemgbole ne mgbɔlɔka bɛvale Ndɔ Nyevile ne adenle zo. Yizilayɛma vile Yigyibiti wɔ mekɛ mɔɔ ɛnee bɛwie bɛ nwo boɔboa wɔ konle nu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:26

Yɛ mra, yɛ mraalɛ, yɛ mboane, yɛɛ yɛ nlankɛ bawoa Geleade azuamgbole ne mɔ azo.

Mɛla 20:8

“Akee mgbanyima ne mɔ ɛze menli ne mɔ bieko kɛ, ‘Nwane a sulo na ye ahonle ɛdu a? Ɔzia ɔhɔ sua nu na anrɛɛ ɔkɛmaa ɔ gɔnwo mɔ ahonle kɛdu kɛ ye ɛdeɛ ne la.’

Mɛla 3:19

Bɛ ye mɔ, bɛ mra nee bɛ nlankɛ (meze kɛ bɛlɛ nlankɛ dɔɔnwo) baha ɛke, wɔ azuamgbole mɔɔ meva memaa bɛ la azo

Mɛla 33:21

Bɛnleanle nu bɛvale azɛlɛ kpalɛ ne, ɔluakɛ ɔle safohyenle kyɛfoa; ɔrale abusua mgbanyinli ne mɔ anwo ɛkɛ na ɔmanle Yizilayɛma lile Ɛdɛnkɛma mɛla ne mɔ azo.”

Dwɔhyua Buluku ne 1:13

“Bɛhakye edwɛkɛ mɔɔ Ɛdɛnkɛma sonvolɛ Mosisi hanle hilele bɛ la. Ɔse, ‘Ɛdɛnkɛma bɛ Nyamenle ne ɛmaa bɛ ɛleka mɔɔ bɛtɛnla bɛalie bɛ ɛnwomenle a, na yeva azɛlɛ ɛhye yemaa bɛ.’

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 4:12

Wulubɛn nee Gaade mbusua ekpunli ne mɔ anu mrenya nee Manasɛ abusua ekpunli foa ko ne boɔboale bɛ nwo kɛ bɛkɔ konle na bɛpɛle bɛlile menli ne mɔ anyunlu, kɛmɔ Mosisi zele bɛ la.

Yekile 17:4

Raalɛ ne mɔɔ de zolɛ la heda arelemgbunli ɛdanlɛ kɔkɔlɛ, buluwu nee akɔlɛ ɛnlome afonla na yeva ezukoa nvutuke anwoneɛ, mgbɔba, yɛɛ avikpa yeziezie ɔ nwo. Ɔlɛ ezukoa nvutuke dwora ɔ sa nu. Munzule ninyɛne mgbane mgbane mɔɔ le bɛkyi nee ye adwɔmanebɔlɛ nwo ninyɛndane ngome a wɔ nu a.