Dwɔhyua Buluku ne 1:1 - BAEBOLO ANZƐƐ BULUKU NWUANZANWUANZA

¹ Ɛdɛnkɛma sonvolɛ Mosisi wule la, Ɛdɛnkɛma zele Nɛn ara Dwɔhyua mɔɔ le Mosisi boavolɛ la kɛ,

Dwɔhyua Buluku ne 1:1 ပူးပေါင်းရင်းမြစ်များ

1 Arl 19:16

Kpokpa Gyihu, Nemehyae ara nrenya ne noko nwole kɛ ɔbali Yizilayɛ belemgbunli, na kpokpa Hyeefate mɔɔ vi Ebɛle Mɛhola la ara nrenya Yilaehya ɔdaye nwole maa ɔyɛ Nyamenle kpɔmanvolɛ ɔli wɔ agya.

2 Arl 3:11

Gyɛhɔhyafate bizale kɛ, “Na Ɛdɛnkɛma kpɔmanvolɛ biala ɛnle ɛke ɛleka bie mɔɔ yɛkola yɛdua ɔ nwo zo yɛbiza Ɛdɛnkɛma ɔ?” Yizilayɛ belemgbunli ne sonvolɛma ne mɔ ko buale kɛ, “Hyeefate ara Yilaehya wɔ ɛke. Yemɔ yɛɛ anrɛɛ boa Yilaegya wɔ ye gyima ne ɛyɛlɛ nu a.”

Nihɛmaya Buluku ne 8:17

Bɛ kɔsɔɔti mɔɔ bɛvi nlɔnu bɛrale la sisile kpɔda dɛnlanle ɔ bo. Ɔvi Nɛn ara Dwɔhyua mekɛ zo toonwo mɔɔ radwule mekɛ zɔhane la, bɔ zo mɔɔ bɛyɛ ɛhye bie ɔ. Yemɔti awie biala anwo zandele ye na ɔ nye liele.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:13

Yemɔti Mosisi nee ye sonvolɛ Dwɔhyua dwazole, na Mosisi hɔle Nyamenle boka ne azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:28

Nɛn ara nrenya Dwɔhyua mɔɔ le Mosisi sonvolɛ na ɔle ye menli ne mɔɔ yekpa nu yeye bɛ la anu ko la hanle kɛ, “Me menle Mosisi, tua bɛ kpunli!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:7

Na me sonvolɛ Mosisi ɛdeɛ, asolo ye, meva ye mezie me menli Yizilayɛma kɔsɔɔti anloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:16

Menli mɔɔ Mosisi zoanle bɛ kɛ bɛhɔkpɔla azɛlɛ ne la ɛne. Na ɔkpale Nɛn ara nrenya Hohyia duma ne na ɔdonle ye Dwɔhyua.

Edwɛkpa ne kɛmɔ Luku hɛlɛle la 16:10

Sonla biala mɔɔ di nɔhalɛ wɔ debie nretee biala anwo la di nɔhalɛ noko wɔ ninyɛne mgbole nwo, yɛɛ sonla biala mɔɔ le awule wɔ debie nretee nwo la le awule wɔ ninyɛne mgbole nwo.

Ɛzoanvolɛma Gyima ne 7:45

Nzinlii yɛ nlenya mɔ vale Ɛdanlɛ Sua ne mɔɔ bɛliele ye bɛ ze mɔ ɛkɛ ne la lile bɛ nyunlu na bɛ nee Dwɔhyua hɔle bɛhɔhonle bɛvale maanle maanle mɔɔ Nyamenle manle bɛlile bɛ nwo zo konim la. Na ɔwoale bɛ nwo ɛkɛ ne toonwo ɔradwule Devidi mekɛ zo.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Mɛla 1:38

‘Ɛdawɔ noko ɛ gyakɛ ba ɛnrɛtia ɛkɛ ne ɛlɛ. Nɛn ara Dwɔhyua mɔɔ boa wɔ la, yemɔ a ɔbahɔ azɛlɛ ne azo a. Si ye ahonle, ɔluakɛ ɔbamaa Yizilayɛma ahɔva azɛlɛ ne.’

Mɛla 31:23

Akee Ɛdɛnkɛma vale Nɛn ara Dwɔhyua gyima ne wulale ɔ sa nu na ɔzele ye kɛ, “Mia ɛ nwo na gyinla kpundii, ɔluakɛ ɛbava Yizilayɛma wɔadwu azɛlɛ ne mɔɔ menvale membɔle bɛ ɛwɔkɛ la azo. Me nee wɔ balua.”

Mɛla 31:3

Ɛdɛnkɛma bɛ Nyamenle ne ɔdaye yɛɛ ɔ nee bɛ bahɔ, yeahɔzɛkye maanle maanle ɛhye mɔ yeamaa bɛ, yeamaa bɛali bɛ nwo zo konim a. Dwɔhyua yɛɛ bali bɛ ti a, kɛmɔ Ɛdɛnkɛma ɛha ɛdo ɛkɛ ne la.

Mɛla 33:1

Nyilalɛ mɔɔ Nyamenle sonla Mosisi zɛlɛle manle Yizilayɛma kolaa na yeawu la ɛne:

Mɛla 34:12

Nyamenle kpɔmanvolɛ biala ɛtɛfindele mɔɔ Ɛdɛnkɛma ɛmaa yeyɛ nwanwane ninyɛne ɛzulolɛ mgbole ɛhile Yizilayɛma ɛdɛla mɔɔ Mosisi yɛle la a.

Mɛla 34:5

Yemɔti Ɛdɛnkɛma sonvolɛ Mosisi wule Mowabe azɛlɛ zo, kɛmɔ Ɛdɛnkɛma hanle la.

Mɛla 34:9

Akee Nɛn ara Dwɔhyua nrɛlɛbɛ ne yɛle kpole, ɔluakɛ ɛnee Mosisi ɛva ɔ sa ɛgua ɔ ti zo. Yemɔti Yizilayɛma diele ye na bɛlile mɛla mɔɔ Ɛdɛnkɛma vale manle Mosisi la azo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Gyemise Kɛlata ne 1:1

Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 1:2

“Me sonvolɛ Mosisi ɛwu. Zɔhane ati boɔboa ɛ nwo na ɛ nee Yizilayɛma kɔsɔɔti bɛhɔpɛ Azule Dwɔdan ne bɛhɔ ɔ nzi lɔ azɛlɛ ne mɔɔ mefa meamaa bɛ la azo.

Dwɔhyua Buluku ne 12:6

Ɛdɛnkɛma sonvolɛ Mosisi nee Yizilayɛma a lile arelemgbunli nwiɔ ɛhye mɔ anwo zo konim a. Na Ɛdɛnkɛma sonvolɛ Mosisi vale bɛ azɛlɛ ne mɔ manle Wulubɛn nee Gaade mbusua ekpunli ne mɔ kɛ bɛva bɛyɛ bɛ ɛdeɛ.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.