Hozia Buluku ne 13:9 - BAEBOLO ANZƐƐ BULUKU NWUANZANWUANZA

⁹ “Yizilayɛma, mebazɛkye bɛ! Na nwane a kɛhola kɛboa bɛ a?

Hozia Buluku ne 13:9 ပူးပေါင်းရင်းမြစ်များ

2 Edk 28:23

Ɔhɔle Dɛmasekɛsema awozonle ne mɔ mɔɔ ɛli ɔ nwo zo konim la azo ɔhɔbɔle azu ɔmanle bɛ na ɔzele kɛ, “Selea awozonle ne mɔ boale bɛ, yemɔti mebɔ azu meamaa awozonle ne mɔ na bɛaboa medame noko.” Na bɛmɛ bɔbɔ yɛɛ akee bɛmanle ɔdaye nee Yizilayɛma amuala nwunle bɛ nyunlu a.

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Edwɛndolɛ Buluku ne 33:20

Yɛ ɛkɛla kendɛ Ɛdɛnkɛma; ɔle yɛ moalɛ nee yɛ enyinlike.

Edwɛndolɛ Buluku ne 46:1

Nyamenle le yɛ ɛvealeka nee yɛ anwosesebɛ, yɛ mgbemgbene nu boavolɛ wɔ anwongyelelɛ nu.

Mrɛlɛbulɛ Buluku ne 6:32

Sonla mɔɔ fa awuvolɛ raalɛ la ɛnlɛ adwenle; sonla mɔɔ yɛ ɛhye la sɛkye ɔ nwo.

Mrɛlɛbulɛ Buluku ne 8:36

na mɔɔ asa kɛhoati me la baboda; bɛdabɛ mɔɔ bɛkyi me la amuala kulo ewule.”

Ayezaya Buluku ne 3:11

Munzule ɛha amumuyɛnli ne! Ɔnrɛwie boɛ ɛlɛ, ɔluakɛ mɔɔ yeyɛ la, bɛbayɛ ye bie bɛazie ɔ bo zo.

Ayezaya Buluku ne 3:9

Bɛ mɔguazo ne di daselɛ tia bɛ. Bɛka bɛ nyɛleɛ ɛtane ne mɔ baguasee kɛ Sodɔm la. Bɛnvea nwolɛ. Munzule ɛha bɛ! Ɔluakɛ bɛhwe munzule bɛmaa bɛ nwo.

Gyɛlɛmaya Buluku ne 2:17

Yizilayɛ, ɛdawɔ a wɔmaa ɛhye ɛdo wɔ a! Ɛkpole Ɛdɛnkɛma wɔ Nyamenle ne, wɔ mekɛ mɔɔ ɛnee ɔlɛkile wɔ adenle ne la.

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Gyɛlɛmaya Buluku ne 4:18

Dwuda, wɔ ndenle mɔɔ ɛlua nu nee wɔ nyɛleɛ a ɛmaa ɛhye ɛra ɛ nwo zo a. Wɔ awieleɛ ne ala ɛne, wɔ awieleɛ ɛyɛ ɛnwonle, na yeha wɔ dedee yeha wɔ ahonle mɔɔ la ɛ kunlu la.

Gyɛlɛmaya Buluku ne 5:25

Bɛ amumuyɛ nee bɛ ɛtane ne mɔ ɛmaa ninyɛne kpalɛ ɛkpa bɛ ti.

Hozia Buluku ne 13:4

Ɛdɛnkɛma se, “Medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti la. Bɛnlɛ Nyamenle biala kɛ medame ala. Bɛye me a bɛnlɛ dievolɛ biala.

Hozia Buluku ne 14:1

Yizilayɛma, bɛzia bɛrɛla Ɛdɛnkɛma bɛ Nyamenle ne ɛkɛ, ɔluakɛ bɛ ninyɛndane ɛmaa bɛdu koti.

Hozia Buluku ne 7:14

Bɛ nzɛlɛlɛ ne mɔ ɛnvi bɛ ahonle nu, bɛda bɛ ɛkpa ne mɔ azo a bɛye awolɛ a. Abɛlɛ nee nza ti bɛbodɛboda bɛ nwo, bɛkpo me.

Hozia Buluku ne 7:15

Medame a mentetele bɛ mengilele bɛ anwosesebɛ a, noko bɛfa me nwo maamɔvo adwenle.

Malakae Buluku ne 1:12

Na bɛmɛ, saa bɛka kɛ ‘Ɛdɛnkɛma azukponle ne anwo ɛnde yɛɛ kpanwo ne ɛnle kpalɛ’ a ɛnee bɛgua azukponle ne anwo evinli.

Malakae Buluku ne 1:13

Bɛmɛ, bɛ edwɛkɛ a le kɛ, ‘Duzu ɛvɛlɛ a le ɛhye?’ Bɛka ɛhye na bɛakpobi bɛ nloa. “Saa bɛbabɔ azu a bɛfa nane mɔɔ bɛwuale, anzɛɛ ɛbubu anzɛɛ ewule ɛha ye la a bɛyɛ azubɔdeɛ bɛbɛlɛ me a. Asoo medie ɛhye a ɔyɛ boɛ?

Malakae Buluku ne 1:9

Bɛmɛ sɛlɛvolɛma, bɛzɛlɛ Nyamenle bɛmaa ɔ nye ɛlie yɛ nwo na ɔlo yɛ. Asoo bɛnea a ɔkɛlie bɛ sa nu azubɔdeɛ mɔɔ le zɛhae la?

Mɛla 33:26

Yizilayɛma, nyamenle bie ɛnle ɛkɛ mɔɔ le kɛ bɛ Nyamenle ne, mɔɔ dua ye belemgbunlililɛ nu vi anwuma baboa ye menli a.

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.