Hozia Buluku ne 11:3 - BAEBOLO ANZƐƐ BULUKU NWUANZANWUANZA

³ Noko medame yɛɛ mengilele Yifelaemma ɛdialɛ a; mendedɛle bɛ me sa zo, noko bɛnze kɛ medame a meneanle bɛ a.

Hozia Buluku ne 11:3 ပူးပေါင်းရင်းမြစ်များ

Edwɛndolɛ Buluku ne 107:20

Ɔhanle edwɛkɛ ne, na bɛ nwo zale, na ɔliele bɛ ɔvile ewule nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:4

‘Bɛnwunle mɔɔ medame Ɛdɛnkɛma menvale menyɛle Yigyibitima, na menvale bɛ wɔ kɔleɛ ndɛbalɛ zo membale me nwo ɛke la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:25

Bɛzonle me ngomekye, Ɛdɛnkɛma bɛ Nyamenle ne, na mebayila bɛ aleɛ nee bɛ nzule zo; eza mebaye anwondolɛ meavi bɛ avinli.

Ayezaya Buluku ne 1:2

Ɛdɛnkɛma zele kɛ, “Anwuma amra, bɛdie, aze amra, bɛyɛ ɛnzonlɛ bɛdie, ɔluakɛ medame Ɛdɛnkɛma, mese: Metete ngakula mrenya memaa bɛnyi, na bɛde me nwo atua.

Ayezaya Buluku ne 30:26

Siane ne ɛdalɛ ne bayɛ kpole kɛ sɛnzɛne ne ɛdalɛ la, yɛɛ sɛnzɛne ne ɛdalɛ bayɛ mɔnwo nsuu kɛ kenle nsuu ɛdalɛ wɔ mekɛ mɔɔ Ɛdɛnkɛma kɛze kɛ ɔyɛ ye menli ne ayile na yeakyekye bɛ nganlɛ ne mɔ mɔɔ yebɔ bɛ la azo la.

Ayezaya Buluku ne 46:3

“O Gyekɔbo abo zo amra, bɛdie me, O Yizilayɛma mɔɔ ɛha la, bɛdie me! Ɔvi bɛ awolɛ nu menlea bɛ boɛ toonwo a yeradwu ɛnɛ a.

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Gyɛlɛmaya Buluku ne 30:17

Mebayɛ bɛ nganlɛ ne mɔ ayile, na meamaa bɛ nwo aza. Medame Ɛdɛnkɛma a mese a, ɔboalekɛ bɛ kpɔvolɛma ɛlɛka kɛ, ‘Zayɔn ɛyɛ mgbane, ɛnɛ awie ɛndwenle ɔ nwo.’ ”

Gyɛlɛmaya Buluku ne 8:22

Asoo ayile biala ɛnle Geleade? Asoo ninsinli biala ɛnle ɛkɛ? Duzu ati a akee bɛtɛyɛle me menli ne ayile a?

Hozia Buluku ne 14:4

Ɛdɛnkɛma se, “Mebava me menli ne mɔɔ ɛnli nɔhalɛ la anwo edwɛkɛ meahyɛ bɛ. Mebava me ahonle muala meahulo bɛ, ɔluakɛ meye me ɛya ne bɛ nwo zo.

Hozia Buluku ne 2:8

Ɔnze kɛ medame a menvale abɛlɛ, nwanye, ɔlivi nwole, dwɛtɛ fufule, yɛɛ ezukoa nvutuke memanle ye a, yɛɛ bɛvale bɛzonlenle bozonle Beeyale ne a.

Hozia Buluku ne 7:1

“Mekɛ biala mɔɔ menwɔze kɛ meyɛ me menli Yizilayɛma ayile na meamaa bɛakpazi bieko la, debie mɔɔ menwu ye la ala a le Yifelaem amumuyɛ ɛbɛla ne nee Samɛlea munzule nyɛleɛ ne mɔ. Bɛdi bɛ nwo ndunlumi; bɛbubu nlenkɛ bɛwua; bɛkpokpo menli wɔ guabile ne mɔ azo.

Hozia Buluku ne 7:15

Medame a mentetele bɛ mengilele bɛ anwosesebɛ a, noko bɛfa me nwo maamɔvo adwenle.

Ɛzoanvolɛma Gyima ne 13:18

na ɔnyianle bɛ nwo abotane ɔnleanle bɛ gyɛlɛɛnye wɔ ɛsɛlɛ ne azo ɛvolɛ abulanla.

Mɛla 33:27

Damɛnlangoate Nyamenle ne anwo ɛkɛ a le bɛ tɛnlabelɛ a; bɛvea ɔ sa abo a, bɛ nwo kɔlɔnwo, ɔka bɛ kpɔvolɛma ɔgua ɔmaa bɛ, na yeaze bɛ kɛ, “Bɛhu bɛ.”

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.