Kɛlata mɔɔ bɛhɛlɛle bɛhɔmanle Hibuluma la 9:9 - BAEBOLO ANZƐƐ BULUKU NWUANZANWUANZA

⁹ Ɛhye le ɛzukoalɛdeɛ maa yɛ ɛnɛ mekɛ ye. Ɔkile kɛ ahyɛlɛdeɛ nee nane azubɔlɛ ne mɔɔ bɛbɔ bɛmaa Nyamenle la ɛngola ɛmmaa sonvolɛma ahonle nu ɛnde.

Kɛlata mɔɔ bɛhɛlɛle bɛhɔmanle Hibuluma la 9:9 ပူးပေါင်းရင်းမြစ်များ

Wulo 5:14

Noko ɔvi Adam anwo zo toonwo mɔɔ radwule Mosisi anwo zo la, ewule nyianle sonla nwo zo tumi, bɔbɔ menli mɔɔ bɛ ɛtane ne mɔ ɛnle kɛ Adam mɛladonlɛ ɛdeɛ ne la. Adam le sonla ko ne mɔɔ ɔwɔ kɛ ɔba la sɔhovolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:21

Ɛnee ɛhye kile kɛ mɛla ne tia Nyamenle ɛwɔkɛ ne mɔ ɔ? Kyɛkyɛ, ɔnle zɔhane fee. Saa mɛla bie wɔ ɛkɛ mɔɔ zolɛ ɛlilɛ maa menli ngoane a, anrɛɛ awie mɔɔ kɛli zolɛ la kɛzɔ Nyamenle anye.

Kɛlata mɔɔ bɛhɛlɛle bɛhɔmanle Hibuluma la 10:11

Dwuuma sɛlɛvolɛ biala bɔ azu dahuu yɛɛ ɔbɔ zɔhane azu ne ala wɔ mekɛ dɔɔnwo, noko azubɔlɛ ɛhye mɔ ɛngola ɛnye yɛ ɛnvi yɛ ɛtane ne mɔ anu.

Kɛlata mɔɔ bɛhɛlɛle bɛhɔmanle Hibuluma la 11:19

Ebileham nyianle adwenle kɛ Nyamenle kola dwazo mɔwuamra fi ewule nu, na amgba noko, Ebileham asa hanle Ayezeke vile ewule nu.

Kɛlata mɔɔ bɛhɛlɛle bɛhɔmanle Hibuluma la 5:1

Sɛlɛvolɛ Kpanyinli biala, bɛye ye bɛfi menli avinli na bɛtu ye kɛ ɔgyinla bɛ gyakɛ anu wɔ Nyamenle anyunlu na ɔva bɛ ahyɛlɛdeɛ ne mɔ ɔbɔ azu ɔzɛlɛ ɛtanefakyɛ ɔmaa bɛ.

Kɛlata mɔɔ bɛhɛlɛle bɛhɔmanle Hibuluma la 7:11

Ɔlua Livae abusua ne sɛlɛvolɛlilɛ gyima ngyehyɛlɛ ne azo yɛɛ bɛvale mɛla ne bɛrɛlɛle Yizilayɛma a. Na saa Livae abusua ne sɛlɛvolɛlilɛ gyima ne lile munli a, anrɛɛ Aalɔn yɛɛ ɔwɔ kɛ bɛsie ɔ gyakɛ anu a, na ɔnrɛhyia kɛ eza bɛkɛva sɛlɛvolɛ ngakyile bie bɛkɛzie Mɛlekezidɛke agyakɛ anu.

Kɛlata mɔɔ bɛhɛlɛle bɛhɔmanle Hibuluma la 8:4

Saa ɔwɔ ewiade ye anu a anrɛɛ ɔnrɛyɛ sɛlɛvolɛ ɛlɛ, ɔluakɛ sɛlɛvolɛma mɔɔ dua Mosisi mɛla ne azo fa ninyɛne bɔ azu la zonle.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.