Kɛlata mɔɔ bɛhɛlɛle bɛhɔmanle Hibuluma la 9:7 - BAEBOLO ANZƐƐ BULUKU NWUANZANWUANZA

⁷ noko Sɛlɛvolɛ Kpanyinli ne ala yɛɛ kɔ ndanlɛ sua ne mɔɔ wɔ sua ne mgbɛnu ne mɔɔ tɔ zolɛ nwiɔ la anzi la anu a, yɛɛ ɔkɔ ɛkɛ ne ɛvolɛ ɛvolɛ. Ɔlɛkɔ ɛkɛ a ɔfa mogya ɔkɔbɔ azu ɔmaa Nyamenle wɔ ɔdaye Sɛlɛvolɛ Kpanyinli ne nee menli kɔsɔɔti bɛ ɛtane mɔɔ bɛyɛ la ati.

Kɛlata mɔɔ bɛhɛlɛle bɛhɔmanle Hibuluma la 9:7 ပူးပေါင်းရင်းမြစ်များ

2 Sam 6:7

Ɛdɛnkɛma vale Ɛza anwo ɛya kpole na ɔhunle ye ɛkɛ ne ala, ɔboalekɛ ɔvale ɔ sa ɔhanle Ngyekyeleɛ Ɛlɛka ne. Ɛza wule lale Ɛlɛka ne anwo.

2 Edk 33:9

Belemgbunli Manasɛ lile Dwudama nee Gyɛlusalɛmma anyunlu manle bɛyɛle bɛkyi ninyɛne kpalɛ bɛdɛlale maanle maanle mɔɔ Ɛdɛnkɛma zɛkyele bɛ wɔ mekɛ mɔɔ Yizilayɛma ɛlɛba la anu amra.

Edwɛndolɛ Buluku ne 19:12

Awie ɛngola ɛnnwu ɔdaye ye nvonleɛ, Ɛdɛnkɛma, die me fi me nvonleɛ mɔɔ vea la anu.

Edwɛndolɛ Buluku ne 95:10

Mengyile awolɛndoazo zɔhane ɛvolɛ abulanla, na menganle kɛ, “Bɛle menli mɔɔ ɛsolo, na bɛmbu me ndenle ne mɔ bie a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:10

Ɛvolɛ biala ɔwɔ kɛ Aalɔn fa nane ne mɔɔ bɛkɛva bɛkɛbɔ ɛtane nwo azu ne la mogya ne bie gua azukponle ne mɛne ne azo ɔyɛ mgbɔdalɛ nzɛlɛlɛ. Ɔwɔ kɛ awolɛndoazo kɔsɔɔti yɛ ɛhye, ɔluakɛ ɔle nwuanzanwuanza kpalɛ ɔmaa medame, Ɛdɛnkɛma.”

Ayezaya Buluku ne 28:7

Menli ɛhye mɔ noko no nwanye bo yɛɛ bɛno nza ɛsesebɛ bɛtinda. Sɛlɛvolɛma nee Nyamenle kpɔmanvolɛma no nza ɛsesebɛ tinda. Nwanye maa bɛ adwenle ka bɔ nu yɛɛ nza ɛsesebɛ maa bɛtinda. Bɛfo wɔ bɛ ɛnyelɛzodeɛnwunlɛ nu, yɛɛ bɛmbua ndɛne fɔɔnwo.

Ayezaya Buluku ne 29:14

bɛnlea, eza mebava menli ɛhye mɔ meayɛ ninyɛne ɛzulolɛ bie mɔɔ yɛ nwanwane a. Bɛ nrɛlɛbɛvolɛma nrɛlɛbɛ baminli, yɛɛ bɛ menli mɔɔ nwu adwenle nu la deɛnwunlɛ baminli.”

Ayezaya Buluku ne 3:12

Ngakula yɛɛ akee sisi me menli ne a, yɛɛ mraalɛ a sie bɛ a. O me menli, bɛ mgbanyima ne mɔ ɛda bɛ nye zo, ɛminli bɛ ndenle mɔɔ ɔwɔ kɛ bɛdua nu la.

Ayezaya Buluku ne 9:16

Bɛdabɛ mɔɔ bɛli menli ɛhye mɔ anyunlu bɛkile bɛ adenle la minli bɛ, yɛɛ bɛdabɛ mɔɔ bɛli mgbanyinli nee Nyamenle kpɔmanvolɛma ɛhye mɔ anzi la noma bɔkɔɔ.

Hozia Buluku ne 4:12

Bɛkɔ baka dosinli nwo abisa yɛɛ bɛdabɛ bɛ kpɔma bɔbɔ bɔ bɛ munzule. Ɔluakɛ tuutuulilɛ sunsum ɛva bɛ ɛminli, ɛmaa bɛgyakyi bɛ Nyamenle ne ɛzonlenlɛ na bɛlɛdi awozonlezonlenlɛ nu tuutuu. Bɛbɔ azu wɔ awoka mgbole zo na bɛfa bɛ azubɔdeɛ bɛkɔ awoka ngyikyi ne mɔ azo, yɛɛ

Sɛlɛ 16:34

Ɛhye bayɛ mɛla mɔɔ bɛntulu ye ɛlɛ la amaa bɛ, amaa bɛava kenle ko wɔ ɛvolɛ biala anu bɛayɛ mgbɔdalɛ nzɛlɛlɛ bɛamaa Yizilayɛma amuala, wɔ bɛ ɛtane ne mɔ ati.” Na Mosisi yɛle mɔɔ Ɛdɛnkɛma zele ye la amuala.

Sɛlɛ 5:18

Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ wɔnlea wɔpɛ ye bolɛ mɔɔ nee ɛtane azubɔdeɛ bolɛ sɛ la ɔbɛlɛ sɛlɛvolɛ ne. Na sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ ɔ nye ɛnla nwolɛ na yeyɛ la anwo, na bɛkɛva bɛkɛhyɛ ye.

Emɔzo Buluku ne 2:14

Menli mɔɔ anwo yɛ ndɛ la ɛnrɛhola nriandi; anwosesebɛma agbɔkɛ nu batuto, yɛɛ katakyiema ɛnrɛhola bɛ nwo ngoane die.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:25

Sɛlɛvolɛ ne bayɛ mgbɔdalɛ nzɛlɛlɛ yeamaa Yizilayɛma kɔsɔɔti, na bɛava bɛ ɛtane bɛahyɛ bɛ, ɔboalekɛ tɛ bɛ nye fuu ɔ, yɛɛ eza bɛ nvonleɛ ne ati, bɛva bɛ azubɔdeɛ mɔɔ bɛyela ye bɛabɔ azu nee bɛ ɛtane azubɔdeɛ bɛrɛlɛ Ɛdɛnkɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.

Kɛlata mɔɔ bɛhɛlɛle bɛhɔmanle Hibuluma la 10:3

Na kɛ ɔde la a le kɛ, ɛvolɛ biala azubɔlɛ ne kakye bɛ ɛtane mɔɔ mekɛ biala bɛyɛ la.

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.

Kɛlata mɔɔ bɛhɛlɛle bɛhɔmanle Hibuluma la 9:3

Wɔ mgbɛnu ne mɔɔ tɔ zolɛ nwiɔ la anzi, ndanlɛ sua ko noko wɔ ɛkɛ; bɛfɛlɛ ɛkɛ ne Nwuanzanwuanza nu Nwuanzaanwu Ɛleka.