Kɛlata mɔɔ bɛhɛlɛle bɛhɔmanle Hibuluma la 9:4 - BAEBOLO ANZƐƐ BULUKU NWUANZANWUANZA

⁴ Ɛke yɛɛ ezukoa azukponle ne mɔɔ bɛkpu ɛyɛlɛ zo yɛɛ Ngyekyeleɛ Ɛlɛka ne mɔɔ bɛva ezukoa nvutuke bɛyɛ ye sɔɔnwo la wɔ a. Ezukoa dwora ne mɔɔ mana wɔ nu la gyi Ɛlɛka ne anu. Aalɔn baka ne mɔɔ kpakyele nya, nee awolɛ ndɛbandɛba nwiɔ ne mɔɔ bɛhɛlɛ mɛla ne zolɛ la wɔ Ɛlɛka ne anu.

Kɛlata mɔɔ bɛhɛlɛle bɛhɔmanle Hibuluma la 9:4 ပူးပေါင်းရင်းမြစ်များ

1 Arl 7:50

ahɔpo, dabekɛ, dwora mɔ, kula mɔɔ bɛgua ɛyɛlɛ nu, nee ahyɛnze mɔɔ bɛfa samɛnlakɛ bɛgua nu, yɛɛ akee Nwuanzanwuanza Nu Nwuanzaanwu Ɛleka ne anlenkɛ nee Ɛzonlenlɛ Sua mumua ne nlenkɛ ne mɔ ndɛla. Ɛhye mɔ amuala, bɛvale ezukoa nvutuke a bɛyɛle a.

1 Arl 8:21

Eza meyɛ ɛleka wɔ Ɛzonlenlɛ Sua ne anu meva Ɛdɛnkɛma Ngyekyeleɛ Ɛlɛka ne mɔɔ awolɛ ndɛbandɛba ne mɔ wɔ nu la mezie ɛkɛ. Ɔ nee yɛ nlenya mɔ a yɛle ngyekyeleɛ ne wɔ mekɛ mɔɔ ɔyele bɛ ɔvile Yigyibiti la a.”

1 Arl 8:9

Debie gyɛne biala ɛnle ɛlɛka ne anu kɛ awolɛ ndɛbandɛba nwiɔ ne mɔɔ Mosisi vale guale nu wɔ Saenae Boka ne azo, ɛleka mɔɔ Ɛdɛnkɛma nee Yizilayɛma yɛle ngyekyeleɛ ne la ala. Bɛyɛle ngyekyeleɛ ne wɔ mekɛ mɔɔ bɛvi Yigyibiti bɛlɛba la.

2 Edk 5:10

Ɛhwee ɛnle Ɛlɛka ne anu kɛ awolɛ ndɛbandɛba nwiɔ ne mɔɔ Mosisi vale guale nu wɔ Hɔlɛbe la. Hɔlɛbe a Ɛdɛnkɛma nee Yizilayɛma yɛle ngyekyeleɛ ne a, wɔ mekɛ mɔɔ ɔyele bɛ ɔvile Yigyibiti la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 26:33

Fa nzosɔnu ne mɔ sosɔ mgbɛnu ɛdanlɛ ne ngɛba ne mɔ mɔɔ dedɛ Ndanlɛ Sua ne ati zo ɛdeɛ ne mɔ anu la, na fa Ngyekyeleɛ Ɛlɛka ne mɔɔ awolɛ ndɛbandɛba nwiɔ ne gua nuhua la sie mgbɛnu ɛdanlɛ ne anzi. Ɛdanlɛ ne bahyɛ sua ne anu nwiɔ, yeapɛ Ɛleka Nwuanzanwuanza ne yeavi Nwuanzanwuanza Nu Nwuanzaanwu Ɛleka ne anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:18

Mɔɔ Nyamenle wiele tendɛ kile Mosisi wɔ Saenae Boka ne azo la, ɔvale awolɛ ndɛbandɛba nwiɔ ne mɔɔ Nyamenle mumua ne ɛva ɔ sa ɛrɛlɛsɛka ɛhɛlɛ mɛla ne mɔ zolɛ la ɔmanle Mosisi.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:15

Akee Mosisi vale awolɛ ndɛbandɛba nwiɔ ne mɔɔ bɛhɛlɛ mɛla ne mɔ wɔ bɛ nyunlu nee bɛ nzi la vi boka ne azo tolole rale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:29

Mɔɔ Mosisi vale awolɛ ndɛbandɛba nwiɔ ne mɔɔ Mɛla Bulu ne wɔ zolɛ la vi Saenae Boka ne azo dwule aze la, ɛnee ɔ nyunlu ɛlɛta nwohyee, ɔboalekɛ ɛnee ɔ nee Nyamenle ɛdendɛ, noko ɛnee Mosisi ɛnze kɛ ɔ nyunlu ɛlɛta.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 37:25

Ɔvale akasea ndaboa ɔbobɔle azukponle mɔɔ bɛyela ɛyɛlɛ wɔ zo la. Ye tɛbanu ne mɔ amuala sɛ, ye tendenle le asɛɛ mita foa ko, ye tɛtɛlɛ le asɛɛ mita foa ko, yɛɛ ye anwumahɔlɛ le asɛɛ mita ko. Bɛyɛle bɛmanle ɔ nee ɔ bati nna ne azo kpokpɔkoo ne mɔ nee ye yɛle debie ko.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:35

Ngyekyeleɛ Ɛlɛka ne mɔɔ awolɛ ndɛbandɛba ne mɔ gua nu la, ye mbaka ne mɔ nee ɔ ti ne;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:3

Fa Ngyekyeleɛ Ɛlɛka ne sie nu, na fa mgbɛnu ɛdanlɛ ne wa ɔ nyunlu.

Sɛlɛ 16:12

Akee ɔbava kyɛnze mɔɔ bɛfa bɛkpu ɛyɛlɛ la yeavula samɛnlankɛ wɔ Ɛdɛnkɛma azukponle ne azo, na eza yeavula ɛyɛlɛ evuanlɛ mɔɔ bɛnlu ye ekyii la ɔ sa nwiɔ yeara mgbɛnu ɛdanlɛ ne akunlu wɔ Nwuanzanwuanza nu Nwuanzaanwu Ɛleka ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:10

Ɛdɛnkɛma zele Mosisi kɛ, “Fa Aalɔn baka ɛdeɛ ne sia kɔdo Ngyekyeleɛ Ɛlɛka ne anyunlu. Bɛva bɛzie bɛmaa ɔyɛ kɔkɔbɔlɛ ɔmaa Yizilayɛma mɔɔ te atua la kɛ, saa bɛangyakyi bɛ ɛdendɛlɛ mɔɔ bɛtendɛ bɛtia me la a, bɛbawu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:5

Na sonla ne mɔɔ menlea nu meye ye la baka ɛdeɛ ne bafifi. Ɔlua adenle ɛhye azo, mebadua Yizilayɛma mɔɔ tendɛ tia wɔ dahuu la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:8

Aleɛ hyenle na Mosisi hɔle Ndanlɛ Sua ne anu la, ɔnwunle kɛ Aalɔn baka ɛdeɛ ne mɔɔ gyi ɛkɛ maa Livae abusua ekpunli ne la ɛfifi. Baka ne ɛfefɛ nya, ɛbɔ ndotolo na yezo alemɔn ma, bɔbɔ bɛbolo.

Mɛla 9:11

Kenle kɔkɔlɛ abulanla ne awieleɛ, akee Ɛdɛnkɛma vale awolɛ ndɛbandɛba nwiɔ ne mɔɔ ngyekyeleɛ ne wɔ zolɛ la manle me.

Mɛla 9:9

Mekɛ mɔɔ mengɔle boka ne azo kɛ mekalie awolɛ ndɛbandɛba ne mɔɔ Ɛdɛnkɛma Ngyekyeleɛ ne mɔɔ ɔ nee bɛ yɛle la wɔ zo la, menlile kenle kɔkɔlɛ abulanla wɔ ɛkɛ ne; meanli aleɛ yɛɛ meanno nzule.

Yekile 11:19

Na bɛbukele Nyamenle Ɛzonlenlɛ Sua ne mɔɔ wɔ anwuma lɔ la, na Ngyekyeleɛ Ɛlɛka ne anwo lale ɛkɛ ne wienyi. Na ɛsɛlɛmanye kpakyekpakyele, maanle nu hulule, azɛlɛ kpusule, na ezuawolɛ dɔle kpole bie.

Yekile 8:3

Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.