Kɛlata mɔɔ bɛhɛlɛle bɛhɔmanle Hibuluma la 9:1 - BAEBOLO ANZƐƐ BULUKU NWUANZANWUANZA

¹ Ɛnee alumua ngyekyeleɛ ne lɛ ɛzonlenlɛ nwo ngyehyɛlɛ yɛɛ ɛleka mɔɔ bɛhyehyɛ kɛ ɔle nwuanzanwuanza na ɔwɔ kɛ bɛsonle ɛkɛ ne la.

Kɛlata mɔɔ bɛhɛlɛle bɛhɔmanle Hibuluma la 9:1 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:8

Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli.

Yizikeɛle Buluku ne 43:11

Na saa mɔɔ bɛyɛ la maa nyiane tɔ bɛ nye zo a, akee kile bɛ kɛ Ɛzonlenlɛ Sua ne si de nee kɛ bɛzile bɛhyehyɛle ye, ye anuhɔlɛ ne mɔ nee ye nlenkɛ mgbole ne mɔ, yɛɛ kɛ sua mumua ne kpole si de la. Akee maa bɛnwu nwolɛ mɛla nee ngyehyɛlɛ ne mɔ amuala. Kɛlɛ ɛhye wɔ bɛ nyunlu ɛkɛ, amaa bɛanwu ye mɛla ne nee ngyehyɛlɛ ne mɔ na bɛali zolɛ.

Sɛlɛ 18:30

Yemɔti bɛli me edwɛkɛ zo, na bɛmmayɛ nyɛleɛ ɛtane ne mɔ bie, na bɛbu munzule amaamuo ne mɔɔ menli mɔɔ lumuale azɛlɛ ne azo la bule la bie. Bɛmmayɛ ye zɔhane bɛgua bɛ nwo evinli. Medame a mele Ɛdɛnkɛma bɛ Nyamenle ne a.”

Sɛlɛ 22:9

“Yemɔti bɛli me mɛla zo na anrɛɛ bɛkɛli ɛzonle na bɛkɛwu kɛ bɛvonle me mɛla ne a; medame a mele Ɛdɛnkɛma mɔɔ maa bɛ nwo te a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:12

Bɛmmagyakyi aleɛ ne bie bɛmaa aleɛ kye zolɛ, yɛɛ bɛmmabɔ nane ne bowule biala anu. Bɛli Akpabɛnwo Ɛvoyia ne, kɛmɔ ngyehyɛlɛ ne mɔ se la.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

Kɛlata mɔɔ bɛhɛlɛle bɛhɔmanle Hibuluma la 8:13

Saa Nyamenle ɛlɛka ngyekyeleɛ fofolɛ nwo edwɛkɛ a, ɛnee ɔkile kɛ yemaa alumua ngyekyeleɛ ne ɛyɛ mgbane. Debie biala mɔɔ kɛkpa nwolɛ la ɛngyɛ biala na yeaminli.

Kɛlata mɔɔ bɛhɛlɛle bɛhɔmanle Hibuluma la 8:2

Ɔyɛ ye Sɛlɛvolɛ Kpanyinli gyima ne wɔ anwuma lɔ Nwuanzanwuanza Ɛleka ne, wɔ ndanlɛ sua ne mɔɔ tɛ sonla a zile na Nyamenle ɔdaye a yezi la anu.

Kɛlata mɔɔ bɛhɛlɛle bɛhɔmanle Hibuluma la 8:7

Saa alumua ngyekyeleɛ ne lile munli a, anrɛɛ yeangyia kɛ eza bɛkɛkyekye fofolɛ.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.