Kɛlata mɔɔ bɛhɛlɛle bɛhɔmanle Hibuluma la 8:9 - BAEBOLO ANZƐƐ BULUKU NWUANZANWUANZA

⁹ Ɔnrɛyɛ kɛ ngyekyeleɛ ne mɔɔ me nee bɛ nlenya mɔ kyekyele wɔ mekɛ mɔɔ menyele bɛ menvile Yigyibiti azɛlɛ zo la. Bɛanli nɔhalɛ wɔ zɔhane ngyekyeleɛ ne mɔɔ me nee bɛ kyekyele la anwo, yemɔti meandɛne bɛ zo, Medame Awulae a mese a.

Kɛlata mɔɔ bɛhɛlɛle bɛhɔmanle Hibuluma la 8:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:16

Noko Lɔɔto hwenlehwenlenle ɔ bo aze, yemɔti menli ne mɔ zɔle ye nee ɔ ye nee ɔ mra mraalɛ ne mɔ asa na bɛ nee bɛ rale suakpole ne kandiba, ɔluakɛ ɛnee Ɛdɛnkɛma se bɛ anwunvɔne.

Dwobu Buluku ne 8:20

“Noko, Nyamenle ɛnrɛkpo mɔɔ ɛnze nwolɛ bie la, yɛɛ ɔnrɛzɔ ɛtanevolɛma asa.

Edwɛndolɛ Buluku ne 105:43

Yemɔti ɔlile ye menli ne anyunlu anyelielɛ nu, ɔvale edwɛndolɛ ɔlile ye menli ne mɔɔ yekpa nu yeye bɛ la ati.

Edwɛndolɛ Buluku ne 77:20

Ɛhanle wɔ menli ne kɛ mboane na ɛlile bɛ nyunlu, Mosisi nee Aalɔn a nleanle bɛ nwo zo a.

Edwɛndolɛ Buluku ne 78:57

Bɛkpole ye na bɛyɛle ngunzi kɛ bɛ nlenya mɔ; bɛhyibale bɛ nwo kɛ ɛdabaka kyealera.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:8

Adenle ne mɔɔ mengilele bɛ kɛ bɛlua nu la, bɛanlua nuhua; bɛgua ɛnlankɛ nyinli ananze na bɛzonle ye, bɛbɔ azu bɛmaa ye na bɛha kɛ, ‘O Yizilayɛ, yɛ nyamenle ne mɔɔ yele yɛ vile Yigyibiti azɛlɛ zo la, yemɔ ɛne!’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:10

Ɛdɛnkɛma zele Mosisi kɛ, “Nea, me nee Yizilayɛma kyekye ngyekyeleɛ. Mebayɛ nwanwane ninyɛne mɔɔ bɛtɛyɛle bie wɔ aleɛabo anzɛɛ maanle biala anu ɛlɛ la, wɔ wɔ menli ne kɔsɔɔti anyunlu. Na menli ne mɔɔ ɛwɔ bɛ avinli la amuala banwu nwanwane ninyɛne mgbole mɔɔ Ɛdɛnkɛma yɛ la, ɔluakɛ debie mɔɔ mebamaa wɔayɛ la yɛ ɛzulolɛ.

Sɔlɔmɔn Edwɛne 8:5

Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 41:13

Ɔluakɛ medame, Ɛdɛnkɛma bɛ Nyamenle, melɛ bɛ sa fema ne anu. Medame yɛɛ melɛka meahile bɛ a: Bɛmmasulo na mebaboa bɛ.”

Ayezaya Buluku ne 51:18

Mralɛ mrenya bebelebe ne mɔɔ bɛwo bɛ la, bɛnnyia nuhua ko bɔbɔ ɛnli bɛ ti. Mralɛ mrenya bebelebe ne mɔɔ bɛtete bɛ la, bɛnnyia nuhua ko ɛnzɔ bɛ avinli.

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Gyɛlɛmaya Buluku ne 31:32

Ngyekyeleɛ ɛhye ɛnrɛyɛ kɛ mɔɔ me nee bɛ ze mɔ vi Yigyibiti ba la me nee bɛ yɛle la. Ɛnee mele kɛ kunli memaa bɛ, noko bɛanli me ngyekyeleɛ zɔhane azo.

Gyɛlɛmaya Awolɛyelɛ 4:16

Ɛdɛnkɛma mumua ne a ɛkponde bɛ a; ɔnrɛbu bɛ bieko; yeambu sɛlɛvolɛma ne mɔ, yeanze mgbanyima ne mɔ anwunvɔne.

Yizikeɛle Buluku ne 16:59

Awulae Nyamenle ne se, “Ɛhɛe, mɔɔ wɔyɛ la mebadua wɔ nwolɛ kakɛ kɛ wɔdo ndane na wɔtulu ngyekyeleɛ ne.

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Emɔzo Buluku ne 5:22

Bɛfa bɛ ɛyelalɛ azubɔdeɛ nee bɛ ma azubɔdeɛ ne mɔ bɛba bɔbɔ ɛdeɛ, noko menrɛlie, yɛɛ menrɛnlea bɛ nane dɔlera anzonudwolɛ azubɔdeɛ ne mɔ bɔbɔ.

Malakae Buluku ne 2:13

Debie bieko mɔɔ eza bɛyɛ la ɛne: Bɛtwi monle wɔ Ɛdɛnkɛma azukponle ne azo. Bɛsu na bɛdi nyane bɛ nuhua kɛ ɛnɛ ɔnlie bɛ azubɔlɛ ninyɛne ne mɔ, yɛɛ ɔ nye ɛnlie nwolɛ.

Edwɛkpa ne kɛmɔ Maake hɛlɛle la 8:23

Gyisɛse zɔle nrenya ne asa na ɔvale ye ɔhɔle namule ne kandiba. Ɔseanle nyɛlɛ ɔguale ɔ sa nu na ɔvale ɔhanle nrenya ne anye, ɔvale ɔ sa ɔguale ɔ nwo zo na akee ɔbizale ye kɛ, “Ɛnwu debie ɔ?”

Ɛzoanvolɛma Gyima ne 13:11

Awulae ɛdua wɔ kakɛ, ɔmaa ɛ nye ɛzi ɔhɔkpula mekɛ ekyi bie mɔɔ ɛnnwu debie biala a.” Na ɛkɛ ne ala awozinli vale Ɛlemase manle ɔlile nvuovua na ɔzɛlɛle kɛ awie ɛzɔ ɔ sa ɛhile ye adenle.

Ɛzoanvolɛma Gyima ne 7:36

Ɔvale ɛvolɛ abulanla ɔyɛle nwanwane ninyɛne nee sɛkɛlɛneɛ wɔ Yigyibiti nee Nyevile Kɔkɔlɛ ne anloa, yɛɛ fienemgbole ne anu na ɔyele menli ne ɔvile Yigyibiti.

Ɛzoanvolɛma Gyima ne 9:8

Sɔɔlo vi azɛlɛ ne anwo dwazole la ɛnee ɔ nye ɛzi. Yemɔti bɛsosɔle ɔ sa bɛ nee ye hɔle Dɛmasekɛse.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:24

Debie zɛhae ka yɛ edwɛkɛ mɔɔ ndelebɛbo wɔ nu a: mraalɛ nwiɔ ne gyi ɛkɛ maa ngyekyeleɛ nwiɔ. Raalɛ ne mɔɔ wole ɔ mra ɛdeɛ ne wɔ akɛlɛ ɛzonlenlɛ nu la a le Heega; ɔgyi ɛkɛ ɔmaa ngyekyeleɛ ne mɔɔ bɛyɛle ye wɔ Boka Saenae azo la.

Mɛla 29:1

Edwɛkɛ agbɔkɛ mɔɔ wɔ ngyekyeleɛ ne mɔɔ Ɛdɛnkɛma manle Mosisi nee Yizilayɛma yɛle la anu la ɛne: Bɛyɛle ngyekyeleɛ ɛhye wɔ Mowabe azɛlɛ zo, yɛɛ asolo mɔɔ Ɛdɛnkɛma nee bɛ yɛle wɔ Saenae Boka la.

Mɛla 29:12

amaa bɛ nee Ɛdɛnkɛma bɛ Nyamenle ne ayɛ ngyekyeleɛ ɛhye ɛnɛ,

Mɛla 29:25

Na menli baye ɔ nloa kɛ, ‘Ɔboalekɛ menli ne kpole Ɛdɛnkɛma, bɛ ze mɔ Nyamenle ne ngyekyeleɛ ne mɔɔ ɔ nee bɛ yɛle, wɔ mekɛ mɔɔ ɔ nee bɛ vi Yigyibiti radwule ɛke la,