Kɛlata mɔɔ bɛhɛlɛle bɛhɔmanle Hibuluma la 8:8 - BAEBOLO ANZƐƐ BULUKU NWUANZANWUANZA

⁸ Ɔluakɛ Nyamenle nwu nvonleɛ dɔɔnwo wɔ ye menli nwo, yemɔti ɔse, “Medame Awulae mese, mekɛ bara mɔɔ me nee Yizilayɛma nee Dwuda abusua ekpunli ne bakyekye ngyekyeleɛ fofolɛ a.

Kɛlata mɔɔ bɛhɛlɛle bɛhɔmanle Hibuluma la 8:8 ပူးပေါင်းရင်းမြစ်များ

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Gyɛlɛmaya Buluku ne 23:5

“Bɛnlea, mekɛ ɛlɛba mɔɔ mebamaa tenlene Ɛhane akpakye Devidi sua nu. Ɔbali belemgbunli na ɔ nee ye menli ne adɛnla nrɛlɛbɛ nu, yeali edwɛkɛ pɛlepɛle nee tenlene nu wɔ azɛlɛ ne azo.

Gyɛlɛmaya Buluku ne 23:7

“Yemɔti bɛnlea, mekɛ ɛlɛba mɔɔ menli ɛnrɛha kɛ, ‘Tease Ɛdɛnkɛma mɔɔ yele Yizilayɛma vile Yigyibiti azɛlɛ zo la ati.’

Gyɛlɛmaya Buluku ne 30:3

Ɔluakɛ mekɛ bara mɔɔ mebava me menli Yizilayɛma nee Dwudama agyadeɛ meazia meamaa bɛ a. Mebava bɛ meazia meara azɛlɛ ne mɔɔ menvale memanle bɛ ze mɔ la azo na bɛava bɛayɛ bɛ ɛdeɛ. Medame Ɛdɛnkɛma a mese a.”

Gyɛlɛmaya Buluku ne 31:27

Ɛdɛnkɛma se, “Mekɛ bie bara mɔɔ mebamaa Dwuda nee Yizilayɛ maanle nu ayɛ menli nee nane ngome a.

Gyɛlɛmaya Buluku ne 31:38

Ɛdɛnkɛma se, “Mekɛ bara, na bɛbakyekye me suakpole Gyɛlusalɛm bieko, ɔvi Hananili Tawa ne anwo yeahɔkpula Muleɛ Anlenkɛ Kpole ne anwo.

Gyɛlɛmaya Buluku ne 32:40

Me nee bɛ bayɛ ngyekyeleɛ mɔɔ bɛntulu ye ɛlɛ la, amaa meangyakyi bɛ boɛyɛlɛ. Mebamaa bɛanwu kɛ me nwo yɛ ɛzulolɛ, amaa bɛangakyi bɛ nzi bɛanzi me.

Yizikeɛle Buluku ne 37:26

Me nee bɛ bayɛ anzonudwolɛ ngyekyeleɛ; ɔbayɛ me nee bɛ yɛ ngyekyeleɛ mɔɔ bɛntulu ye ɛlɛ a. Mebayila bɛ na meamaa bɛ nwo azo, na meazi me Ɛzonlenlɛ Sua ne bɛ avinli, mɔɔ bɛndu ye bieko ɛlɛ a.

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Maake hɛlɛle la 14:24

na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Luku hɛlɛle la 17:22

Akee ɔzele ye ɛdoavolɛma ne kɛ, “Mekɛ bara mɔɔ bɛ kunlu a anrɛɛ bɛkɛnwu Sonla Ra ne mekɛ ne anu kenle ko bɔbɔ, na bɛnrɛnwu ye.

Edwɛkpa ne kɛmɔ Luku hɛlɛle la 22:20

Zɔhane ala noko yɛɛ mɔɔ bɛwiele debie di la, ɔvale dwora ne ɔmanle bɛ na ɔhanle kɛ, “Dwora ɛhye mɔɔ bɛlɛno nu la a le Nyamenle ngyekyeleɛ fofolɛ ne mɔɔ bɛva me mogya ne bɛzɔ ɔ nloa la; bɛlie bɛnlo.]

Edwɛkpa ne kɛmɔ Luku hɛlɛle la 5:38

Mɔɔ bɛyɛ la a le kɛ, bɛfa nwanye ndokuma bɛgua nwoma kodoku fofolɛ nu.

1 Kɔl 11:25

Zɔhane ala yɛɛ mɔɔ bɛwiele aleɛ ne di la, ɔvale dwora ne, na ɔzele kɛ, “Dwora ɛhye a le Nyamenle Ngyekyeleɛ Fofolɛ ne mɔɔ bɛva me mogya ne bɛhye ɔ bo la. Kenle biala mɔɔ bɛlɛno nu la, bɛyɛ ye zɔhane bɛva bɛhakye me.”

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

Mɛla 29:14

Tɛ bɛ ngome yɛɛ me nee bɛ ɛlɛyɛ ngyekyeleɛ ɛhye a.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 7:22

Ngakyile ɛhye maa Gyisɛse yɛ ngyekyeleɛ kpalɛ bie agyinlanudivolɛ.

Kɛlata mɔɔ bɛhɛlɛle bɛhɔmanle Hibuluma la 8:13

Saa Nyamenle ɛlɛka ngyekyeleɛ fofolɛ nwo edwɛkɛ a, ɛnee ɔkile kɛ yemaa alumua ngyekyeleɛ ne ɛyɛ mgbane. Debie biala mɔɔ kɛkpa nwolɛ la ɛngyɛ biala na yeaminli.

Kɛlata mɔɔ bɛhɛlɛle bɛhɔmanle Hibuluma la 8:6

Na kɛ ɔde la a le kɛ bɛmaa Gyisɛse sɛlɛvolɛ gyima mɔɔ sonle bolɛ kpole tɛla dɛba ne la. Ɔboalekɛ ɔgyi ninyɛne kpalɛ nwo ɛwɔkɛ zo.

Kɛlata mɔɔ bɛhɛlɛle bɛhɔmanle Hibuluma la 9:15

Ɛhye ati Kelaese a le sonla mɔɔ de ngyekyeleɛ fofolɛ ne abo a, amaa bɛdabɛ mɔɔ Nyamenle ɛvɛlɛ bɛ la anyia ye nyilalɛ ne mɔɔ ɛnlɛ awieleɛ mɔɔ ɔvale ɔbɔle ɛwɔkɛ la bie. Ɛhye kola yɛ zɔhane, ɔboalekɛ bɛha mogya bɛgua, bɛva bɛye menli kɔsɔɔti bɛvi bɛ ɛtane mɔɔ bɛyɛle wɔ mekɛ mɔɔ bɛwɔ alumua ngyekyeleɛ ne abo la anu.