Kɛlata mɔɔ bɛhɛlɛle bɛhɔmanle Hibuluma la 7:5 - BAEBOLO ANZƐƐ BULUKU NWUANZANWUANZA

⁵ Livae abo zo amra noko mɔɔ le sɛlɛvolɛma la, mɛla ne kile kɛ Yizilayɛma ɛhyɛ mɔɔ bɛkɛnyia ye biala la anu bulu na bɛdu ɛkpɔ ko bɛmaa bɛ. Ɛhye kile kɛ ɔwɔ kɛ sɛlɛvolɛma ne die zɛhae debie fi bɛdabɛ bɛ maanle nu amra lɔ, wɔ mekɛ mɔɔ bɛ muala bɛle Ebileham abo zo amra la.

Kɛlata mɔɔ bɛhɛlɛle bɛhɔmanle Hibuluma la 7:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:11

Na Nyamenle zele ye kɛ, “Mame a mele Nyamenle Bedevinli ne a. Ɛbanyia ɛ bo zo amra dɔɔnwo na bɛ nwo azo. Ɛbayɛ maanle na maanle maanle dɔɔnwo vi wɔ nuhua bavinde, na arelemgbunli vi wɔ nuhua avinde.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 46:26

Menli mɔɔ Gyekɔbo nee bɛ hɔle Yigyibiti, mɔɔ le ɔdaye ɔ bo zo amra fɔɔnwo la, saa ɛye ɔ mra mrenya ne mɔ mraalɛ ne mɔ nu a, bɛlua menli abulasia nee nsia.

1 Arl 8:19

Noko tɛ wɔmɔ a ɛbazi a. Ɛ ra, ɛdawɔ ɛ kunlu ralɛ nrenya yɛɛ bazi me Ɛzonlenlɛ Sua ne a.’

Nihɛmaya Buluku ne 13:10

Eza menwunle kɛ bɛnva aleɛ mɔɔ ɔwɔ kɛ Livaema asa ka ye la bɛmmaa bɛ. Ɔlua zolɛ Livaema nee edwɛndolɛma bie mɔ mɔɔ yɛ gyima ne la ɛzia ɛhɔ bɛ ɛya avule ne mɔ anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:5

Gyekɔbo abo zo amra ne mɔ kɔsɔɔti le abulasuu; ɛnee Dwosefi yemɔ ɔwɔ Yigyibiti dɛbadɛba.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Mɛla 26:12

“Ɛvolɛ nsa biala bɛ aleɛ mɔɔ bɛkɛnyia ye la, bɛbu nuhua bulu, bɛdu ɛkpɔ ko bɛmaa bɛva bɛmaa Livaema, nyɛvolɛ, nrisa, yɛɛ ahunlanvolɛ mɔɔ wɔ bɛ azua ne mɔ azo la, amaa bɛdabɛ bɛanyia bie bɛali bɛ ko ayi.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

Kɛlata mɔɔ bɛhɛlɛle bɛhɔmanle Hibuluma la 7:10

Ɔluakɛ saa bɔbɔ bɛtɛwole Livae a, ɛnee ɔwɔ ɔ nlenya Ebileham akunlu wɔ mekɛ mɔɔ Mɛlekezidɛke yiale ye la.