Kɛlata mɔɔ bɛhɛlɛle bɛhɔmanle Hibuluma la 7:16 - BAEBOLO ANZƐƐ BULUKU NWUANZANWUANZA

¹⁶ Tɛ sonla ngyehyɛlɛ nee amaamuo zo a ɔlua mɔɔ bɛyɛle Mɛlekezidɛke sɛlɛvolɛ a, na ɔlua tumi mɔɔ ngoane mɔɔ ɛnlɛ awieleɛ la lɛ ye la azo a bɛwulale ye sɛlɛvolɛ a.

Kɛlata mɔɔ bɛhɛlɛle bɛhɔmanle Hibuluma la 7:16 ပူးပေါင်းရင်းမြစ်များ

Wulo 7:14

Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:3

Zɔhane ala yɛɛ yɛdayɛ noko yɛde a; mɔɔ ɛnee yɛle ngakula wɔ sunsum nu la yɛyɛle ngakula yɛmanle ewiade ye anu tumi muala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Kɔlɔ 2:14

Ɔpɛle yɛ ɛtane nwo kakɛ biala mɔɔ maa mɛla ne kyekye yɛ la anu, ɔyele ye ɛkɛ ne na ɔvale ɔbɔle meanubaka ne azo.

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

Kɛlata mɔɔ bɛhɛlɛle bɛhɔmanle Hibuluma la 10:1

Dwuuma mɛla ne ɛnle ninyɛne fɔɔnwo ne mɔɔ wɔ ɛkɛ ne la nɔhalɛ sɔhovolɛ. Ɔle ninyɛne kpalɛ mɔɔ bara la sɔhovolɛ ekyi bie. Azu ko ne ala yɛɛ ɛvolɛ biala bɛbɔ a. Ɛhye ati bɛnrɛhola bɛnrɛlua mɛla ne azo bɛnrɛmaa menli mɔɔ kpondɛ Nyamenle la ɛnrɛlua dahuu azubɔlɛ ko ne ala azo ɛnrɛzɔ Nyamenle anye.

Kɛlata mɔɔ bɛhɛlɛle bɛhɔmanle Hibuluma la 7:15

Edwɛkɛ ne anye la ɛkɛ ne wienyi, kɛ sɛlɛvolɛ fofolɛ mɔɔ le kɛ Mɛlekezidɛke la ɛvinde.

Kɛlata mɔɔ bɛhɛlɛle bɛhɔmanle Hibuluma la 7:17

Ɔluakɛ Nyamenle Edwɛkɛ ne se, “Ɛle sɛlɛvolɛ dahuu kɛ Mɛlekezidɛke la.”

Kɛlata mɔɔ bɛhɛlɛle bɛhɔmanle Hibuluma la 7:21

Na Gyisɛse sɛlɛvolɛlilɛ ɛdeɛ ne ndane wɔ nwolɛ. Nyamenle Edwɛkɛ ne se, “Awulae ɛha ndane na ɔnrɛhakyi ye adwenle ɛlɛ: ‘Ɛle sɛlɛvolɛ dahuu.’ ”

Kɛlata mɔɔ bɛhɛlɛle bɛhɔmanle Hibuluma la 7:28

Mosisi Mɛla ne maa adenle maa bɛyɛ menli mɔɔ ɛndenrɛ la sɛlɛvolɛ mgbanyinli. Na Nyamenle ɛwɔkɛ ne mɔɔ ndane ne wɔ nu, na ɔrale nzinlii la, yɛɛ ɛye Ralɛ ne mɔɔ di munli dahuu la kɛ ɔyɛ Sɛlɛvolɛ Kpanyinli a.

Kɛlata mɔɔ bɛhɛlɛle bɛhɔmanle Hibuluma la 7:3

Mɛlekezidɛke ɛhye, debie biala ɛnle ɛkɛ mɔɔ kile yɛ ɔ ze anzɛɛ ɔ nli a, na yeayɛ ye abusua. Zɔhane ala yɛɛ debie ɛnle ɛkɛ mɔɔ kile yɛ ye awolɛ kenle anzɛɛ ye ewule kenle a. Ɔle kɛ Nyamenle Ara ne ala la; ɔle Sɛlɛvolɛ dahuu.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.