Kɛlata mɔɔ bɛhɛlɛle bɛhɔmanle Hibuluma la 7:1 - BAEBOLO ANZƐƐ BULUKU NWUANZANWUANZA

¹ Mɛlekezidɛke ɛhye, anrɛɛ ɔle belemgbunli wɔ Salɛm, eza ɔle Anwuma Anwuma Nyamenle ne Sɛlɛvolɛ. Mɔɔ Ebileham vi konle ne mɔɔ ɔlile arelemgbunli nna bie anwo zo konim la anloa ɛlɛba la, Mɛlekezidɛke yiale ye na ɔyilale ye,

Kɛlata mɔɔ bɛhɛlɛle bɛhɔmanle Hibuluma la 7:1 ပူးပေါင်းရင်းမြစ်များ

Edwɛndolɛ Buluku ne 57:2

Mesu mefɛlɛ Anwuma Anwuma Nyamenle, Nyamenle mɔɔ maa ye edwɛkɛ di munli maa me la.

Edwɛndolɛ Buluku ne 76:2

Bɛkyekye ye tɛnlabelɛ wɔ Gyɛlusalɛm, ye sua nu wɔ Zayɔn Boka.

Edwɛndolɛ Buluku ne 78:35

Bɛhakyele kɛ Nyamenle le bɛ bodane, Anwuma Anwuma Nyamenle ne le bɛ dievolɛ.

Edwɛndolɛ Buluku ne 78:56

Noko bɛzɔle Anwuma Anwuma Nyamenle ne bɛnleanle, na bɛdele ɔ nwo atua; bɛanli ye mɛla ne mɔ azo.

Daneɛle Buluku ne 4:2

Anwuma Anwuma Nyamenle ne ɛyɛ nwanwane ninyɛne, ɛye sɛkɛlɛneɛ ɛhile me, na ɔle kpalɛ kɛ menwɔha menwɔhile bɛ.

Daneɛle Buluku ne 5:18

“Nana, Anwuma Anwuma Nyamenle ne yɛle ɛ ze Nɛbukadenɛza belemgbunli kpole na ɔnyianle ɔ nyunlu.

Daneɛle Buluku ne 5:21

Bɛvoanle ye bɛvile menli avinli, ye adwenle yɛle kɛ nane adwenle na ɔ nee nanemgbole hɔdɛnlanle. Ɔlile ndile kɛ ɛnlankɛ nyinli la, ɛbɔlɛ dɔle loale ye hɔdwule kɛ ɔnwunle kɛ Anwuma Anwuma Nyamenle ne a sie ewiade a, yɛɛ ɔfa ɔmaa sonla mɔɔ ɔkulo ye la nea zolɛ.

Maeka Buluku ne 6:6

Duzu a menva membɛlɛ Ɛdɛnkɛma a, duzu a menva membanzonle Nyamenle mɔɔ wɔ anwuma la a? Asoo menva nlankɛ ndonrandonra mɔɔ ɛli ɛvolɛ ko menyɛ ɛyelalɛ azubɔdeɛ membɛla ɔ nyunlu?

Edwɛkpa ne kɛmɔ Maake hɛlɛle la 5:7

na ɔhanle ye kpole kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mefa Nyamenle mekpa wɔ kyɛlɛ, mmatea me!”

Ɛzoanvolɛma Gyima ne 16:17

Ɔdoale yɛ nee Pɔɔlo na ɔlile yɛ nzi ɔdeɛdeanle nu kɛ, “Anwuma Anwuma Nyamenle ne sonvolɛma, mɔɔ bɔ ngoanelielɛ adenle ne anwo nolo la ɛne!”

Kɛlata mɔɔ bɛhɛlɛle bɛhɔmanle Hibuluma la 6:20

Ɛleka ɛhye yɛɛ Gyisɛse, ɔlua yɛdayɛ yɛ ti, yelumua lɔ, yehɔyɛ Sɛlɛvolɛ Kpanyinli, kɛmɔ Mɛlekezidɛke la a.

Kɛlata mɔɔ bɛhɛlɛle bɛhɔmanle Hibuluma la 7:2

na Ebileham hyɛle mɔɔ ɔnyianle ye wɔ konle ne anu la amuala anu bulu na ɔdule ɛkpɔ ko ɔmanle ye. (Mɛlekezidɛke duma ne abo ngilenu mɔɔ lumua la a le “Pɛlepɛlelilɛ Belemgbunli” yɛɛ kɛmɔ ɛnee ɔle belemgbunli wɔ Salɛm la, ye duma ne abo eza kile “Anzonudwolɛ Belemgbunli.”)

Kɛlata mɔɔ bɛhɛlɛle bɛhɔmanle Hibuluma la 7:3

Mɛlekezidɛke ɛhye, debie biala ɛnle ɛkɛ mɔɔ kile yɛ ɔ ze anzɛɛ ɔ nli a, na yeayɛ ye abusua. Zɔhane ala yɛɛ debie ɛnle ɛkɛ mɔɔ kile yɛ ye awolɛ kenle anzɛɛ ye ewule kenle a. Ɔle kɛ Nyamenle Ara ne ala la; ɔle Sɛlɛvolɛ dahuu.

Kɛlata mɔɔ bɛhɛlɛle bɛhɔmanle Hibuluma la 7:6

Mɛlekezidɛke ɛnle Livae anlɔnra, noko ɔliele Ebileham, mɔɔ Nyamenle ɛbɔ ye ɛwɔkɛ la ninyɛne ne mɔɔ ɔhyɛle nu bulu na ɔdule ko ɔmanle ye la na ɔyilale ye.