Kɛlata mɔɔ bɛhɛlɛle bɛhɔmanle Hibuluma la 6:9 - BAEBOLO ANZƐƐ BULUKU NWUANZANWUANZA

⁹ Noko ayi mɔ, saa yɛtendɛ zɛhae bɔbɔ a, yɛ adwenle si pi wɔ bɛ nwo. Yɛze kɛ nyilalɛ kpalɛ bie wɔ ɛkɛ mɔɔ beta ngoanelielɛ nwo a.

Kɛlata mɔɔ bɛhɛlɛle bɛhɔmanle Hibuluma la 6:9 ပူးပေါင်းရင်းမြစ်များ

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Edwɛkpa ne kɛmɔ Maake hɛlɛle la 16:16

Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

1 Kɔl 10:14

Ɛhye ati ayi mɔ, bɛhwe bɛ nwo bɛvi awozonle ɛzonlenlɛ nwo.

2 Kɔl 12:19

Wɔannea a bɛkɛdwenle kɛ yɛbɔ mɔdenle yɛaza yɛ ne wɔ bɛ nyunlu. Ɔnle zɔhane fee! Yɛtendɛ, kɛmɔ Kelaese kulo kɛ yɛtendɛ wɔ Nyamenle anyunlu la. Ayi mɔ, debie biala mɔɔ yɛyɛ la, bɛdabɛ bɛ kpalɛ ti ɔ.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

2 Kɔl 7:10

Ɔluakɛ nyanelilɛ mɔɔ Nyamenle ze nuhua la maa sonla nu ɔ nwo na ɔnyia ngoane, ɔmmaa ɔnvu ɔ nwo; ewiade ye anu nyanelilɛ maa ewule.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Kɛlata mɔɔ bɛhɛlɛle bɛhɔmanle Hibuluma la 10:34

Bɛ nee menli mɔɔ bɛguale bɛ efiade la lile nyane, yɛɛ mɔɔ bɛzale bɛ bɛliele bɛ nwo ninyɛne bɔbɔ la, yeanvane bɛ nwo fee, ɔboalekɛ ɛnee bɛze kɛ bɛlɛ ninyɛne kpalɛ mɔɔ ɛnzɛkye ɛlɛ la wɔ ɛkɛ.

Kɛlata mɔɔ bɛhɛlɛle bɛhɔmanle Hibuluma la 10:39

Yɛnle menli mɔɔ yɛsia yɛ nzi na yɛminli a. Yɛlɛ diedi, yemɔti yɛlɛ ngoane.

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

2 Pit 3:1

Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,

1 Dw 2:7

Ayi mɔ, mengɛlɛ mɛla fofolɛ biala membɛlɛ bɛ; dɛba ko ne ala mɔɔ mɔlebɛbo ne bɛnyianle ye la a melɛ melɛbɛlɛ bɛ a. Mɛla dɛba ne a le nrɛlaleɛ ne mɔɔ bɛde ye dɛba la.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.