Kɛlata mɔɔ bɛhɛlɛle bɛhɔmanle Hibuluma la 6:2 - BAEBOLO ANZƐƐ BULUKU NWUANZANWUANZA

² ɛsalɛ mɔɔ bɛfa bɛgua bɛ nwo zo, ewudwazo ne nee ndɛnebualɛ mɔɔ ɛnlɛ awieleɛ la anwo ɔ. Bɛmaa yɛzukoa yɛhɔ yɛ nyunlu,

Kɛlata mɔɔ bɛhɛlɛle bɛhɔmanle Hibuluma la 6:2 ပူးပေါင်းရင်းမြစ်များ

Nolo 12:14

Ɔluakɛ Nyamenle babua debie biala mɔɔ yɛyɛ, nee awozinli nu nyɛleɛ biala anwo ndɛne, kpalɛ o, ɛtane o.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Mateyu hɛlɛle la 3:14

Na Dwɔn hanle kɛ, “Menfɛta kɛ menwɔzɔne wɔ. Wɔmɔ a ɔwɔ kɛ ɛsɔne me a, na duzu ati a wɔra kɛ menzɔne wɔ ɛ?”

Edwɛkpa ne kɛmɔ Maake hɛlɛle la 16:16

Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Edwɛkpa ne kɛmɔ Maake hɛlɛle la 7:4

Eza bɛnli debie biala mɔɔ vi gua nu la, kyesɛ bɛdumua bɛnrinzi nwolɛ, yɛɛ bɛlɛ ngilehilelɛ dɔɔnwo mɔɔ fane kɛ bɛsi bɛnrinzi ahɔpo, ahyɛnze yɛɛ kɔbele mbuakɛ nee mgba nwo la.)

Edwɛkpa ne kɛmɔ Maake hɛlɛle la 7:8

“Bɛmɛ, bɛva Nyamenle mɛla ne bɛzie ahane na bɛdi bɛ mɔmoane amra ngilehilelɛ ne mɔ azo.”

Edwɛkpa ne kɛmɔ Luku hɛlɛle la 11:38

Falasiinli ne nwunle kɛ Gyisɛse annrinzi ɔ sa anwo, kɛmɔ bɛ mɛla ne kile la na yeabɔ ɔ bo kɛ ɔdi debie, yemɔti ɔzinle ɔ nwo.

Edwɛkpa ne kɛmɔ Luku hɛlɛle la 12:50

Noko akee ɔwɔ kɛ mesɔ amaneɛnwunlɛ sa, na saa ɛhye ɛtɛsenle a me ti akunlu ɛtɛgyale!

Edwɛkpa ne kɛmɔ Luku hɛlɛle la 14:14

na Nyamenle kɛyila wɔ. Ɔluakɛ bɛmɛ, bɛdabɛ bɛnrɛhola bɛnrɛzie wɔ ɛdeɛ ne abo zo. Nyamenle ala a bazie ɔ bo zo amaa wɔ wɔ mekɛ mɔɔ menli kpalɛ ne mɔ vi ewule nu kɛdwazo la a.”

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Dw 1:33

Ɛnee menze kɛ yemɔ ɔ; noko Nyamenle ne mɔɔ zoanle me kɛ menva nzule menzɔne la zele me kɛ, ‘Ɛbanwu kɛ Sunsum ne ɛrazinze nrenya bie anwo zo; sonla zɔhane a le sonla ne mɔɔ ɔbava Sunsum Nwuanzanwuanza ne yeazɔne la.’

Dw 5:29

na bɛvi bɛ nla ne mɔ anu bɛbavinde: bɛdabɛ mɔɔ bɛlile boɛ la badwazo na bɛanyia ngoane mɔɔ ɛnlɛ awieleɛ, na bɛdabɛ mɔɔ bɛlile ɛtane la badwazo na bɛabua bɛ ewule fɔlɛ.”

Ɛzoanvolɛma Gyima ne 10:47

“Menli ɛhye mɔ ɛnyia Sunsum Nwuanzanwuanza ne, kɛmɔ yɛnyianle ye ala la. Anzɛɛ awie kɛhola kɛze kɛ ɔnle kɛ yɛfa nzule yɛsɔne bɛ ɔ?”

Ɛzoanvolɛma Gyima ne 13:3

Bɛhyele ɛhɔne bɛyɛle nzɛlɛlɛ, bɛvale bɛ sa bɛguale bɛ ti zo na bɛguale bɛ adenle.

Ɛzoanvolɛma Gyima ne 16:15

Na ɔmanle bɛzɔnenle ye nee ye sua nu amra amuala, na ɔzele yɛ kɛ, “Saa bɛbu me kɛ melɛ diedi wɔ Awulae anu a, ɛnee bɛ nee me ɛradɛnla me sua nu.” Ɔtinlinle zolɛ na ɔ nee yɛ hɔle.

Ɛzoanvolɛma Gyima ne 16:33

Dɔnehwele ne anu ala, pilizama sinzavolɛ ne miemianle bɛ nganlɛ ne mɔ, na ɔvale nwole ɔtotole nu, na ɔmanle bɛzɔnenle ye nee ye sua nu amra amuala.

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 24:15

Me anyelazo mɔɔ melɛ wɔ Nyamenle anu la le kɛ mɔɔ bɛdabɛ bɛlɛ ye ala la, kɛ menli kɔsɔɔti, ɛtanevolɛma nee kpalɛyɛlɛma badwazo ara ngoane nu.

Ɛzoanvolɛma Gyima ne 24:21

Bɛannwu ɛhwee kɛ edwɛkɛ kpɔkɛ ko ne ala mɔɔ menganle wɔ mekɛ mɔɔ megyi bɛ nyunlu wɔ bagua ne anu la kɛ, ‘Bɛva me bɛra bɛ nyunlu ɛke, ɔluakɛ medie medi kɛ bɛbadwazo mɔwuamra bɛara ngoane nu bieko.’ ”

Ɛzoanvolɛma Gyima ne 24:25

Pɔɔlo noko hɔle zolɛ, na mɔɔ ɔka boɛlilɛ, bɛ nwo zo ɛhomonlɛ, yɛɛ Ndɛnebualɛ Kenle ne mɔɔ bara la anwo edwɛkɛ la, Filekese ahonle dule na ɔzele kɛ, “Yeyɛ boɛ, kɔ. Saa menyia alagye a mebazoa meamaa bɛarava wɔ bieko.”

Ɛzoanvolɛma Gyima ne 26:8

Na duzu ati yɛɛ bɛmɛ Dwuuma bɛnlie bɛnli kɛ Nyamenle badwazo mɔwuamra ɛ?

Ɛzoanvolɛma Gyima ne 4:2

Bɛvale ɛya kpole, ɔluakɛ ɛnee ɛzoanvolɛma ne ɛlɛkilehile menli ne mɔ kɛ Gyisɛse ɛdwazo ɛvi ewule nu, na ɔle sɛkɛlɛneɛ mɔɔ kile kɛ mɔwuamra badwazo ara ngoane nu bieko a.

Ɛzoanvolɛma Gyima ne 6:6

Bɛvale bɛ bɛmanle ɛzoanvolɛma ne, ɛzoanvolɛma ne vale bɛ sa guale bɛ ti zo na bɛyɛle nzɛlɛlɛ bɛmanle bɛ.

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

1 Kɔl 10:2

Bɛzɔnenle bɛ muala kɛ Mosisi ɛdoavolɛma wɔ amungu ne nee nyevile ne anu.

1 Kɔl 12:13

Zɔhane ala yɛɛ bɛlua Nyamenle Sunsum ne azo bɛzɔne yɛ muala, bɛyɛ yɛ sonlabaka ko, na bɛmaa yɛ muala, Dwuuma nee bɛdabɛ mɔɔ bɛnle Dwuuma, ahanra nee alehelɛ, Nyamenle Sunsum ko ne ala a.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:21

Na ɔbalua tumi ne mɔɔ maa ɔkola ɔfa ninyɛne kɔsɔɔti ɔbawula ɔ bo la azo yeahakyi yɛ nwonane wulera ɛhye yeayɛ ye kɛ ye anyunlunyia nwonane ɛdeɛ ne la.

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

2 Tem 2:18

bɛgyakyi nɔhalɛ adenle ne na bɛlɛsɛkye diedima ne mɔ adwenle kɛ ewudwazo mekɛ ne ɛpɛ nu ɛze dɛbadɛba.

Kɛlata mɔɔ bɛhɛlɛle bɛhɔmanle Hibuluma la 11:35

Diedi zo yɛɛ ɔlua mɔɔ mraalɛ mɔɔ bɛ mra wule la bɛdwazole bɛ bɛrale ngoane nu a. Bie mɔ noko mɔɔ kpole ewiade ye anu fanwodi biala la, bɛyɛle bɛ asa na bɛwule, amaa Nyamenle adwazo bɛ ahɔ ngoane kpalɛ nu.

Kɛlata mɔɔ bɛhɛlɛle bɛhɔmanle Hibuluma la 9:10

Aleɛ nee nza nee bɛ nwo ɛnluanlɛ ngakyile nwo nyɛleɛ yɛɛ bɛyɛ a. Na ɛhye noko le ɛnyelɛ zo debie mɔɔ wɔ ɛkɛ a, kɔkpula mekɛ mɔɔ Nyamenle kɛhakyi ninyɛne kɔsɔɔti fofolɛ la.

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.