Kɛlata mɔɔ bɛhɛlɛle bɛhɔmanle Hibuluma la 5:7 - BAEBOLO ANZƐƐ BULUKU NWUANZANWUANZA

⁷ Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.

Kɛlata mɔɔ bɛhɛlɛle bɛhɔmanle Hibuluma la 5:7 ပူးပေါင်းရင်းမြစ်များ

Edwɛndolɛ Buluku ne 22:24

Ɔluakɛ ɔmkpo ehyianvolɛma, yɛɛ ɔmbu ɔ nye ɔngua bɛ amaneɛnwunlɛ zo; ɔngakyi ɔ nzi ɔ nzi bɛ, bɛfɛlɛ ye a ɔtie bɛ.”

Edwɛndolɛ Buluku ne 69:1

O Nyamenle, die me! ɔluakɛ azule ɛyi ɛva me.

Edwɛndolɛ Buluku ne 88:1

O Ɛdɛnkɛma, me Nyamenle, alehyenlɛ nu mefɛlɛ wɔ kɛ ɛboa me; aledwolɛ nu noko mesu mefɛlɛ wɔ.

Ayezaya Buluku ne 49:8

Ɛdɛnkɛma se, “Mekɛ dwule mɔɔ ɔwɔ kɛ menwu bɛ anwunvɔne la, membuale bɛ, mekɛ ne mɔɔ ɔwɔ kɛ medie bɛ ngoane la, memboale bɛ; mezinza bɛ, na mebɔ bɛ nwo bane, melua bɛ nwo zo me nee menli ne ɛyɛ ngyehyɛlɛ, kɛ bɛbadɛnla azɛlɛ ne azo, na bɛahyɛ azɛlɛ ne mɔɔ ɛdɔ mgbane la;

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Edwɛkpa ne kɛmɔ Mateyu hɛlɛle la 27:46

Mɔɔ dɔne nsa asɛɛ ɛbɔ la, Gyisɛse deanle nuhua hanle ye Hibulu aneɛ nu kɛ, “Yilae, Yilae, lɛma sabaketani?” Ɔ bo a le, “Me Nyamenle, me Nyamenle, duzu ati a wɔkpo me ɛ?”

Edwɛkpa ne kɛmɔ Mateyu hɛlɛle la 27:50

Na Gyisɛse deanle nu kpole bieko na ɔwule.

Edwɛkpa ne kɛmɔ Maake hɛlɛle la 15:34

Na bɛbɔle ewiazo dɔne nsa la, Gyisɛse deanle nu zele kɛ, “Yilowae, Yilowae, lɛma sabaketani?” Ɔ bo a le, “Me Nyamenle, me Nyamenle, duzu ati a wɔkpo me ɛ?”

Edwɛkpa ne kɛmɔ Maake hɛlɛle la 15:37

Na Gyisɛse deanle nu kpole bie na ɔwule.

Edwɛkpa ne kɛmɔ Luku hɛlɛle la 23:46

Na Gyisɛse deanle nu kpole kɛ, “Egya! Me ɛkɛla wɔ ɛ sa nu!” Ɔhanle ɛhye na ɔwule.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 11:35

Gyisɛse zunle.

Dw 11:42

Meze kɛ dahuu ɛtie me edwɛkɛ, na melɛka ɛhye wɔ menli mɔɔ kɛkala wɔ ɛke la ati, amaa bɛalie bɛali kɛ ɛdawɔ a ɛzoanle me a.”

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 10:10

Ɔlua ɛhye ati, kɛmɔ Gyisɛse Kelaese yɛle mɔɔ Nyamenle kpondɛ la, ye azu ne mɔɔ ɔvale ɔ nwo ɔyɛle azubɔdeɛ ɔbɔle ye kokye ne ala la ɛde yɛ nwo bɔkɔɔ ɛvi ɛtane nwo.

Kɛlata mɔɔ bɛhɛlɛle bɛhɔmanle Hibuluma la 10:5

Ɔlua ɛhye ati mɔɔ Kelaese bara ewiade la, ɔzele Nyamenle kɛ, “Ɛmkpondɛ azubɔlɛ nee azubɔdeɛ noko wɔmaa me nwolɛ nwonane.

Kɛlata mɔɔ bɛhɛlɛle bɛhɔmanle Hibuluma la 11:7

Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

1 Dw 4:3

yɛɛ sunsum biala mɔɔ ɛnlie Gyisɛse ɛndo nu la ɛnle Nyamenle Sunsum. Sunsum ɛhye le Kelaese Kpɔvolɛ ne sunsum ne mɔɔ bɛdele kɛ ɔbara, na kɛkala ɔwɔ ewiade ye anu dɛbadɛba la.

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.