Kɛlata mɔɔ bɛhɛlɛle bɛhɔmanle Hibuluma la 5:12 - BAEBOLO ANZƐƐ BULUKU NWUANZANWUANZA

¹² Ɔluakɛ mekɛ ɛdwu mɔɔ saa bɛle kilehilevolɛma bɔbɔ a anrɛɛ ɔmbɔ nzonle a, noko kɛkala bɛtɛkpondɛ awie mɔɔ bɔ ɔ bo yeahilehile bɛ Nyamenle Edwɛkɛ ne ɛzukoalɛdeɛ ne mɔ mɔɔ lumua la. Bɛngola aleɛ mɔɔ anu yɛ se la di. Ɛhye ati bɛkpondɛ nyɛfonzule bɛanlo.

Kɛlata mɔɔ bɛhɛlɛle bɛhɔmanle Hibuluma la 5:12 ပူးပေါင်းရင်းမြစ်များ

2 Sam 16:23

Mekɛ ne anu, folɛ biala mɔɔ Ahetɔfɛle kɛdu la le kɛ asɛɛ Nyamenle a ɛha a. Yemɔti Devidi nee Abesalɛm lile Ahetɔfɛle folɛdulɛ biala azo.

Ɛzela Buluku ne 7:10

Ɛzela ɛnee ɛdu ɔ nwo ɛmaa na yeva ye mekɛ kɔsɔɔti yezukoa Ɛdɛnkɛma Mɛla ne mɔɔ yeva yemaa Yizilayɛma la kpalɛ, na yevua kɛ ɔdi zolɛ na yeahilehile Yizilayɛma noko.

Edwɛndolɛ Buluku ne 34:11

Bɛrɛla, O ayi mɔ, bɛdie me, mebahilehile bɛ Ɛdɛnkɛma ɛzulolɛ ne.

Ayezaya Buluku ne 28:13

Zɔhane ati Ɛdɛnkɛma edwɛkɛ ne bayɛ bɛ kɔme nu edwɛkɛ agbɔkɛ agbɔkɛ, ɛhonlone, ɛhonlone, ɛke ekyi, nehane ekyi, amaa bɛahɔ na bɛadu bɛagua alɛnranyunlu, bɛabubu na bɛahye bɛ ɛhane nu bɛ nee bɛ ahɔ.

Ayezaya Buluku ne 55:1

Ɛdɛnkɛma se, “Awie biala mɔɔ nzuhɔne ɛlɛku ye la ɛrɛla ɛranlo nzule; yɛɛ mɔɔ ɛnlɛ ezukoa la ɛrɛla ɛradɔ aleɛ ɛli. Bɛrɛla, bɛradɔ nwanye nee meleke, bɛnlɛ bolɛ yɛɛ bɛnva ezukoa bɛndɔ.

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Edwɛkpa ne kɛmɔ Maake hɛlɛle la 9:19

Gyisɛse zele bɛ kɛ, “Bɛmɛ mɔɔ bɛnlɛ diedi a! Me nee bɛ ɛdɛnla ɔhɔkpula kenlenzu? Menyia bɛ nwo abotane ɔhɔkpula kenlenzu? Bɛva kakula ne bɛrɛlɛ me!”

Ɛzoanvolɛma Gyima ne 7:38

Yemɔ yɛɛ mekɛ mɔɔ bɛyiale ɛsɛlɛ ne azo la ɔ nee Nyamenle soanvolɛ ne dendɛle wɔ Boka Saenae azo, na ɔliele Nyamenle nrɛlaleɛ ne mɔɔ ɛnɛ ɛradwu yɛ nwo zo la ɔrɛlɛle yɛ nlenya mɔ a.

Wulo 3:2

Nɔhalɛ bɔkɔɔ, wɔ adenle biala azo! Ɔboalekɛ alumua ne, bɛmɛ yɛɛ Nyamenle vale ye ngilehilelɛ ne wulale bɛ sa nu a.

1 Kɔl 14:19

Noko akee saa yɛyia nuhua kɛ yɛsonle a, menwɔhulo kɛ menwɔha edwɛkɛ agbɔkɛ nnu mɔɔ menli te ɔ bo la, amaa meava meahilehile awie mɔ, tɛla kɛ menwɔha edwɛkɛ agbɔkɛ apenle ngoko bulu wɔ aneɛ ngakyile nu mɔɔ awie ɛnrɛde ɔ bo la.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:3

Zɔhane ala yɛɛ yɛdayɛ noko yɛde a; mɔɔ ɛnee yɛle ngakula wɔ sunsum nu la yɛyɛle ngakula yɛmanle ewiade ye anu tumi muala.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:1

Awieleɛ ne, mediema, bɛmaa bɛ nye ɛlie kɛ bɛra Awulae ɛkɛ a. Ɔnyɛ me ɛvɛlɛ kɛ mesi mɔɔ mehɛlɛ ye dɛba la azo wɔ bɛ kpalɛyɛlɛ ti a.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

Kɛlata mɔɔ bɛhɛlɛle bɛhɔmanle Hibuluma la 10:32

Bɛhakye mɔɔ zile bɛ nwo zo wɔ mekɛ mɔɔ Nyamenle wienyi ne dale bɛ nwo zo la. Bɛnwunle amaneɛ dɔɔnwo, noko abodelɛ ne ambo bɛ nwo zo ɛlɛ.

Kɛlata mɔɔ bɛhɛlɛle bɛhɔmanle Hibuluma la 5:11

Yɛlɛ dɔɔnwo yɛka wɔ edwɛkɛ ɛhye anwo, noko nuhua ngilenu bayɛ se amaa bɛ, ɔboalekɛ bɛ ndelebɛbo le ekyi.

Kɛlata mɔɔ bɛhɛlɛle bɛhɔmanle Hibuluma la 5:13

Awie mɔɔ no nyɛfonzule la tɛde adɔma; ɔnlɛ adwenle biala wɔ ɛtane nee kpalɛ nwo.

Kɛlata mɔɔ bɛhɛlɛle bɛhɔmanle Hibuluma la 6:1

Zɔhane ati, bɛmaa yɛhɔ zolɛ yɛzukoa yɛyɛ mgbanyinli na yɛgyakyi Kelaese ɛdoavolɛ nwo ɛzukoalɛdeɛ ne mɔ mɔɔ lumua la. Tɛ bɔ zo mɔɔ eza yɛbɔ ɔ bo yɛazukoa kɛ ɔwɔ kɛ yɛfi ninyɛndane nwo na yɛdie Nyamenle yɛdi ɔ, anzɛɛ ngilehilelɛ mɔɔ fane ɛzɔnenlɛ ngakyile nwo,

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.