Kɛlata mɔɔ bɛhɛlɛle bɛhɔmanle Hibuluma la 4:9 - BAEBOLO ANZƐƐ BULUKU NWUANZANWUANZA

⁹ Ɛhye ati Ɛnwomenlelielɛ Kenle tɛbɔ ɛkɛ ne tɛmaa Nyamenle menli ne, kɛmɔ Nyamenle liele ye ɛnwomenle wɔ kenle ne mɔɔ tɔ zolɛ nsuu la azo la.

Kɛlata mɔɔ bɛhɛlɛle bɛhɔmanle Hibuluma la 4:9 ပူးပေါင်းရင်းမြစ်များ

Edwɛndolɛ Buluku ne 47:9

Ewiade arelemgbunli boɔboa bɛ nloa, kɛmɔ Ebileham Nyamenle ne menli ne yɛ la. Ɔluakɛ ewiade ye enyinlike kɔsɔɔti le Nyamenle ɛdeɛ; ye belemgbunlililɛ le kpole kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:30

Yemɔti menli ne liele bɛ ɛnwomenle kenle nsuu ne.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 57:2

Bɛdabɛ mɔɔ bɛdi boɛ la da die bɛ ɛnwomenle wɔ bɛ ɛkpa zo.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 11:25

Ɔhulole kɛ ɔ nee Nyamenle menli ne kɛli nyane tɛla kɛ ɔ nye kɛlie ɛtane nwo mekɛ ekyi bie a.

Kɛlata mɔɔ bɛhɛlɛle bɛhɔmanle Hibuluma la 3:11

Menvale ɛya na menganle ndane kɛ, ‘Bɛ gyakɛ ba ɛnrɛtia ɛleka mɔɔ meyɛ kɛ memaa bɛaralie bɛ ɛnwomenle la!’ ”

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Kɛlata mɔɔ bɛhɛlɛle bɛhɔmanle Hibuluma la 4:10

Ɔluakɛ awie mɔɔ kɛnyia ɛnwomenlelielɛ ne mɔɔ Nyamenle ɛva ɛbɔ ɛwɔkɛ la die ye ɛnwomenle wɔ ɔdaye ye gyima nwo, kɛmɔ Nyamenle liele ye ɛnwomenle wɔ ye gyima nwo la.

Kɛlata mɔɔ bɛhɛlɛle bɛhɔmanle Hibuluma la 4:3

Ɛhye ati yɛdayɛ mɔɔ yɛdie yɛdi la angome a banyia ɛnwomenlelielɛ ne mɔɔ Nyamenle ɛva ɛbɔ ɛwɔkɛ la a. Ɔle kɛmɔ ɔhanle la. Ɔse, “Menvale ɛya na menganle ndane kɛ, ‘Bɛ gyakɛ ba ɛnrɛtia ɛleka mɔɔ meyɛ kɛ memaa bɛaralie bɛ ɛnwomenle la.’ ” Ɔhanle ɛhye, noko ɛnee yewie ye gyima yɛ dɛba, ɔvi ewiade mɔlebɛbo ne amuala.

Kɛlata mɔɔ bɛhɛlɛle bɛhɔmanle Hibuluma la 4:8

Ɔluakɛ saa Dwɔhyua holale manle menli ne liele bɛ ɛnwomenle a, anrɛɛ Nyamenle eza ɛnrɛha kenle fofolɛ nwo edwɛkɛ bieko.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”