Kɛlata mɔɔ bɛhɛlɛle bɛhɔmanle Hibuluma la 4:8 - BAEBOLO ANZƐƐ BULUKU NWUANZANWUANZA

⁸ Ɔluakɛ saa Dwɔhyua holale manle menli ne liele bɛ ɛnwomenle a, anrɛɛ Nyamenle eza ɛnrɛha kenle fofolɛ nwo edwɛkɛ bieko.

Kɛlata mɔɔ bɛhɛlɛle bɛhɔmanle Hibuluma la 4:8 ပူးပေါင်းရင်းမြစ်များ

1 Edk 7:27

Nɛn, yɛɛ Dwɔhyua.

Edwɛndolɛ Buluku ne 105:44

Na ɔvale maanle maanle ne mɔ azɛlɛ ne ɔmanle bɛ; na bɛvale menli ne ɛya avule kɔsɔɔti,

Edwɛndolɛ Buluku ne 78:55

Ɔvoanle maanle maanle ɔvile bɛ nye zo; ɔhyɛle azɛlɛ ne ɔmanle bɛvale bɛyɛle bɛ ɛdeɛ, na ɔmanle Yizilayɛma dɛnlanle bɛ azua ne mɔ anu.

Ɛzoanvolɛma Gyima ne 7:45

Nzinlii yɛ nlenya mɔ vale Ɛdanlɛ Sua ne mɔɔ bɛliele ye bɛ ze mɔ ɛkɛ ne la lile bɛ nyunlu na bɛ nee Dwɔhyua hɔle bɛhɔhonle bɛvale maanle maanle mɔɔ Nyamenle manle bɛlile bɛ nwo zo konim la. Na ɔwoale bɛ nwo ɛkɛ ne toonwo ɔradwule Devidi mekɛ zo.

Mɛla 12:9

Ɔluakɛ bɛtɛbadwule ɛleka mɔɔ bɛdie bɛ ɛnwomenle la, yɛɛ bɛtɛdwule agyadeɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ la azo.

Mɛla 25:19

Yemɔti saa Ɛdɛnkɛma bɛ Nyamenle ne maa bɛ nwo tɔ bɛ wɔ azɛlɛ ne mɔɔ Ɛdɛnkɛma bɛ Nyamenle ɛlɛfa amaa bɛ la azo, mɔɔ kpɔvolɛ biala ɛngyegye bɛ bieko la a, bɛhu Amalɛkema amuala; bɛmmagyakyi ko bɔbɔ na awie ava abɔ bɛ duma bieko wɔ ewiade ye anu. Bɛmmamaa bɛ rɛle fi ɛhye fee.

Kɛlata mɔɔ bɛhɛlɛle bɛhɔmanle Hibuluma la 1:1

Mɔmoane ne, Nyamenle vale ndenle dɔɔnwo azo luale ye kpɔmanvolɛma anwo zo dendɛle hilele yɛ nlenya mɔ wɔ mekɛ dɔɔnwo ne ala,

Kɛlata mɔɔ bɛhɛlɛle bɛhɔmanle Hibuluma la 4:9

Ɛhye ati Ɛnwomenlelielɛ Kenle tɛbɔ ɛkɛ ne tɛmaa Nyamenle menli ne, kɛmɔ Nyamenle liele ye ɛnwomenle wɔ kenle ne mɔɔ tɔ zolɛ nsuu la azo la.

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 11:23

Dwɔhyua vale azɛlɛ ne amuala, kɛmɔ Ɛdɛnkɛma zele Mosisi la. Dwɔhyua vale azɛlɛ ne manle Yizilayɛma kɛ bɛ ɛdeɛ ɔ na bɛdɛnla zolɛ. Ɔhyɛle nu ngyebangyeba ɔmanle Yizilayɛ mbusua ekpunli ekpunli ne mɔ. Akee Yizilayɛma liele bɛ ɛnwomenle na bɛgyakyile konle.

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,