Kɛlata mɔɔ bɛhɛlɛle bɛhɔmanle Hibuluma la 4:2 - BAEBOLO ANZƐƐ BULUKU NWUANZANWUANZA

² Ɔluakɛ yɛdayɛ noko yɛde Edwɛkpa ne, kɛmɔ bɛdele la. Bɛdele edwɛkɛ ne, na kɛmɔ bɛanlie bɛanli la ati, yeanyɛ nvasoɛ yeammaa bɛ.

Kɛlata mɔɔ bɛhɛlɛle bɛhɔmanle Hibuluma la 4:2 ပူးပေါင်းရင်းမြစ်များ

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Wulo 2:25

Saa bɛdi mɛla ne azo a, ɛnee bɛ mrenyanu nzonlɛyɛlɛ ne le nvasoɛ, na saa bɛnli mɛla ne azo a, ɛnee noko anrɛɛ bɛanyɛ bɛ mrenyanu nzonlɛ bɔbɔ.

Wulo 3:3

Na saa yera kɛ menli ne bie mɔ anli nɔhalɛ a, ɛnee ɔkile kɛ Nyamenle ɔdaye ɔnrɛli nɔhalɛ ɔ?

1 Kɔl 13:3

Saa mefa me nwo ninyɛne muala mekyɛ ehyianvolɛma na mefa me sonlabaka ye memaa kɛ bɛyela ye, na menlɛ ɛhulolɛ a, nvasoɛ biala ɛnle zolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:2

Bɛha ko ɛhye bɛmaa mendie, asoo mɛla ne mɔɔ bɛlile zo la ati a Nyamenle vale ye Sunsum ne manle bɛ a, anzɛɛ bɛdiele Edwɛkpa ne na bɛliele bɛlile la ati ɔ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:8

Nyamenle Edwɛkɛ ne se, “Nyamenle balua bɛdabɛ mɔɔ bɛnle Dwuuma la diedi zo yeamaa bɛazɔ ɔ nye.” Ɛhye kile kɛ Nyamenle Edwɛkɛ ne lumuale nwunle ye, na ɔbɔle Edwɛkpa ne nolo ɔhilele Ebileham kɛ, “Ɛ nwo zo yɛɛ Nyamenle balua ayila maanle maanle kɔsɔɔti a.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:13

Bɛdabɛ bɛze kɛ me nwo mɔɔ dole me la ati a menyianle adenle membɔle Edwɛkpa ne nolo mengilele bɛ a.

Mɛla 1:32

Noko ɛhye mɔ amuala anzi, bɛanlie Ɛdɛnkɛma bɛ Nyamenle ne bɛanli.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.

Kɛlata mɔɔ bɛhɛlɛle bɛhɔmanle Hibuluma la 3:12

Me mediema diedima, bɛnlea boɛ na bɛ bie mɔ ansolo, na bɛande bɛ nwo bɛanvi tease Nyamenle ne anwo.

Kɛlata mɔɔ bɛhɛlɛle bɛhɔmanle Hibuluma la 4:6

Kɛmɔ bɛdabɛ mɔɔ bɛlumuale bɛdele Edwɛkpa ne la bie mɔ yɛle anzosesebɛ la, bɛannyia Nyamenle ɛnwomenlelielɛ ne, ɔboalekɛ bɛanlie bɛanli. Ɛhye kile kɛ ɛnee bie mɔ wɔ ɛkɛ mɔɔ bɛbanyia ɛwɔkɛ ne a.

Gyemise Kɛlata ne 1:21

Yemɔti bɛvuandi subane ɛtane nee nyɛleɛ ɛtane kɔsɔɔti bɛgua na bɛdo bɛ nwo aze bɛmaa Nyamenle, bɛlie edwɛkɛ ne mɔɔ yelua ye wɔ bɛ ahonle nu la bɛdo nu, na yemɔ yɛɛ ɔkola ɔdie bɛ ngoane a.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.