Kɛlata mɔɔ bɛhɛlɛle bɛhɔmanle Hibuluma la 3:9 - BAEBOLO ANZƐƐ BULUKU NWUANZANWUANZA

⁹ Bɛ nlenya mɔ nwunle gyima kpalɛ mɔɔ menlile memanle bɛ ɛvolɛ abulanla anu la, noko bɛgyegyele me na bɛzɔle me bɛnleanle.

Kɛlata mɔɔ bɛhɛlɛle bɛhɔmanle Hibuluma la 3:9 ပူးပေါင်းရင်းမြစ်များ

Edwɛndolɛ Buluku ne 95:9

mɔɔ bɛ nlenya mɔ zɔle me nleanle, na bɛgyegyele me, wɔ mekɛ mɔɔ ɛnee bɛnwu me gyima la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:4

‘Bɛnwunle mɔɔ medame Ɛdɛnkɛma menvale menyɛle Yigyibitima, na menvale bɛ wɔ kɔleɛ ndɛbalɛ zo membale me nwo ɛke la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:22

Na Ɛdɛnkɛma zele Mosisi kɛ, “Ɛhye yɛɛ ɛbaha wɔahile Yizilayɛma a: Bɛdabɛ bɛnwu ye bɛ nye zo kɛ mevi anwuma me nee wɔ ɛdendɛ.

Emɔzo Buluku ne 2:10

Eza menyele bɛ menvile Yigyibiti azɛlɛ zo, na menlile bɛ nyunlu wɔ fienemgbole ne anu toonwo ɛvolɛ abulanla, na menvale Amɔlema azɛlɛ ne memanle bɛ, memanle bɛvale bɛyɛle bɛ ti anwo ɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:33

Bɛ mra bahakyi mboaneneavolɛma, bɛaluolua fienemgbole ye anu toonwo ɛvolɛ abulanla. Nɔhalɛ mɔɔ bɛanli la ati, bɛbanwu amaneɛ toonwo kɔkpula kɛ bɛ bo kɛdu bɔkɔɔ la.

Edwɛkpa ne kɛmɔ Luku hɛlɛle la 7:22

Na ɔbuale Dwɔn ɛdoavolɛma ne kɛ, “Bɛzia bɛhɔ na bɛhɔha mɔɔ bɛnwu ye nee mɔɔ bɛde la amuala bɛhile Dwɔn: anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo menli mɔɔ ɛwu la bɛba ngoane nu, na bɛbɔ Edwɛkpa ne nolo bɛkile ehyianvolɛma.

Ɛzoanvolɛma Gyima ne 13:8

Na Ɛlemase (Ngonyianli ne duma wɔ Giliki nu ɛne) ammaa bɛ adenle, na ɔyɛle kɛ ɔkakyi Amɛnlado ne adwenle, amaa yeanlie ɛzonlenlɛ fofolɛ ɛhye yeanli.

Ɛzoanvolɛma Gyima ne 7:36

Ɔvale ɛvolɛ abulanla ɔyɛle nwanwane ninyɛne nee sɛkɛlɛneɛ wɔ Yigyibiti nee Nyevile Kɔkɔlɛ ne anloa, yɛɛ fienemgbole ne anu na ɔyele menli ne ɔvile Yigyibiti.

Mɛla 11:7

Bɛdabɛ bɛ nye ɛnwu ninyɛne mgbole mɔɔ Ɛdɛnkɛma yɛle la amuala.

Mɛla 29:2

Mosisi manle Yizilayɛma kɔsɔɔti rayiale na ɔzele bɛ kɛ, “Bɛdabɛ bɛ nye nwiɔ, bɛnwunle debie mɔɔ Ɛdɛnkɛma yɛle wɔ Yigyibiti azɛlɛ zo, nee mɔɔ ɔvale ɔyɛle Yigyibiti belemgbunli ne nee ye mgbanyima nee maanle ne amuala la.

Mɛla 4:3

Bɛ nye ɛnwu mɔɔ Ɛdɛnkɛma yɛle wɔ Beeyale Piyɔ Boka la. Ɛdɛnkɛma bɛ Nyamenle ne zɛkyele bɛdabɛ mɔɔ ɛnee bɛsonle Beeyale ne mɔɔ wɔ Piyɔ la.

Mɛla 4:9

Bɛnlea boɛ na bɛzie bɛ adwenle koonwu, amaa bɛ rɛle anvi ninyɛne mɔɔ bɛdabɛ bɛnwu ye bɛ nye zo la. Bɛmmamaa bɛ rɛle fi ye ɛlɛ wɔ mekɛ mɔɔ bɛde ngoane nu la. Bɛhilehile bɛ mra nee bɛ nlɔnra

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Mɛla 8:4

Ɛvolɛ abulanla ye anu, bɛ adɛladeɛ antete yɛɛ bɛ gyakɛ noko amkpomgba.

Dwɔhyua Buluku ne 23:3

Bɛdabɛ bɛnwu debie mɔɔ bɛmɛ bɛ ti Ɛdɛnkɛma bɛ Nyamenle ne ɛva ɛyɛ maanle maanle ɛhye mɔ la. Ɛdɛnkɛma bɛ Nyamenle ne a ɛho ɛmaa bɛ a.

Dwɔhyua Buluku ne 24:7

bɛzunle bɛvɛlɛle me kɛ memboa bɛ, na menvale awozinli mendole bɛ nee Yigyibitima avinli. Memanle nyevile azɛlɛkye bule guale bɛ nwo zo na bɛwule. Bɛze mɔɔ menvale menyɛle Yigyibitima la. “ ‘Bɛdɛnlanle ɛsɛlɛ ne azo bɛhyɛle dɔɔnwo.