Kɛlata mɔɔ bɛhɛlɛle bɛhɔmanle Hibuluma la 3:8 - BAEBOLO ANZƐƐ BULUKU NWUANZANWUANZA

⁸ bɛmmayɛ anzosesebɛ, kɛmɔ bɛ nlenya mɔ yɛle na bɛdele Nyamenle anwo atua, na mekɛ ne anu bɛzɔle ye bɛnleanle wɔ ɛsɛlɛ ne azo la.

Kɛlata mɔɔ bɛhɛlɛle bɛhɔmanle Hibuluma la 3:8 ပူးပေါင်းရင်းမြစ်များ

2 Arl 17:14

Noko bɛandie, yɛɛ bɛanli zolɛ. Bɛyɛle anzosesebɛ, kɛmɔ bɛ nlenya mɔ yɛle la; bɛanlie Ɛdɛnkɛma bɛ Nyamenle ne bɛanli.

2 Edk 30:8

Bɛmmayɛ anzosesebɛ kɛmɔ bɛ ze mɔ yɛle la. Bɛva bɛ nwo bɛmaa Ɛdɛnkɛma na bɛrɛla ye Ɛzonlenlɛ Sua ye mɔɔ yede nwolɛ wɔ melɛ mɔɔ ɛnlɛ awieleɛ la anu, na bɛrazonle Ɛdɛnkɛma bɛ Nyamenle ne, na ye ɛya kpole ne avi bɛ nwo zo.

2 Edk 36:13

Belemgbunli Zɛdikaya dele Belemgbunli Nɛbukadenɛza mɔɔ manle ɔvale Nyamenle ɔhanle ndane la anwo atua. Ɔyɛle anzosesebɛ na ɔzuanle anyetele kɛ ɔnrɛzonle Ɛdɛnkɛma, Yizilayɛ Nyamenle ne.

Nihɛmaya Buluku ne 9:16

Noko yɛ mgbanyima yɛle mgbanyizonle nee anzosesebɛ, na bɛkpole kɛ bɛnrɛli wɔ mɛla ne mɔ azo.

Dwobu Buluku ne 9:4

Ɔle nrɛlɛbɛvolɛ, yɛɛ ye anwosesebɛ le bedevinli; nwane a nee ye ɛdwudwu na yenyia gyinlagyakɛ a?

Edwɛndolɛ Buluku ne 106:14

Bɛnyianle atiakunluwɔzo ɛtane wɔ fienemgbole ne anu, na bɛzɔle Nyamenle bɛnleanle wɔ ɛsɛlɛ ne azo;

Edwɛndolɛ Buluku ne 78:18

Bɛ ahonle nu, bɛzɔle Nyamenle bɛnleanle, na bɛbizale aleɛ mɔɔ bɛdabɛ bɛkulo la.

Edwɛndolɛ Buluku ne 78:56

Noko bɛzɔle Anwuma Anwuma Nyamenle ne bɛnleanle, na bɛdele ɔ nwo atua; bɛanli ye mɛla ne mɔ azo.

Edwɛndolɛ Buluku ne 95:8

Bɛmmayɛ anzosesebɛ, kɛmɔ bɛyɛle wɔ Mɛleba, kɛmɔ mekɛ ne anu bɛyɛle wɔ Masa fienemgbole ne anu,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:7

Na ɔvɛlɛle ɛleka zɔhane Masa nee Mɛleba ɔboalekɛ Yizilayɛma ne mɔ bɔle tokule zɔle Ɛdɛnkɛma nleanle, na bɛhanle kɛ, “Asoo Ɛdɛnkɛma wɔ yɛ avinli anzɛɛ ɔnle yɛ avinli?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:15

Na mɔɔ belemgbunli ne nwunle kɛ ahɛlɛne ne mɔ ɛwu la, ɔyɛle dapele bieko, yeandie mɔɔ Ɛdɛnkɛma hanle la.

Mrɛlɛbulɛ Buluku ne 28:14

Nyilalɛ ɛha sonla ne mɔɔ sulo Ɛdɛnkɛma dahuu la, na sonla mɔɔ le anzosesebɛ la badɔ munzule nu.

Mrɛlɛbulɛ Buluku ne 29:1

Sonla mɔɔ bɛtwi ɔ nyunlu a ɛnee anzosesebɛ ala a ɔyɛ la banwu ɔ nyunlu arɛlevilɛ nu mɔɔ ɔnrɛhola ɔ nloa gyinla a.

Gyɛlɛmaya Buluku ne 7:26

noko bɛandie me, anzɛɛ bɛangyea bɛ nzo bɔbɔ. Akee bɔbɔ bɛyɛle anzosesebɛ kpole kpalɛ bɛdɛlale bɛ ze mɔ.

Daneɛle Buluku ne 5:20

Ɔ ti anu yɛle ye fɛ manle ɔmemanle ɔ nwo zo, ɔyɛle anzosesebɛ, yemɔti bɛliele ye belemgbunlililɛ ne wɔ ɔ sa nu na bɛyele ye anyunlunyia ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Edwɛkpa ne kɛmɔ Mateyu hɛlɛle la 13:15

Ɔluakɛ menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Saa tɛ ye zɔhane a, anrɛɛ bɛ nye kɛnwu debie, bɛ nzo kɛde edwɛkɛ, bɛ adwenle kɛde edwɛkɛ bo, na bɛkɛzia bɛkɛra bɛkɛmaa menwɔyɛ bɛ ayile.’

Ɛzoanvolɛma Gyima ne 19:9

Na kɛmɔ bie mɔ ahonle ɛsolo la ati, bɛ muala bɛanlie bɛanli. Bie mɔ dendɛle ɛtane tiale Awulae Adenle ne wɔ menli somaa ne anyunlu. Zɔhane ati Pɔɔlo gyakyile bɛ na ɔ nee diedima ne mɔ akee kɔtendɛ na ɔkilehile bɛ wɔ Taelanɛse sukulu sua ne anu alehyenlɛ biala.

Ɛzoanvolɛma Gyima ne 7:36

Ɔvale ɛvolɛ abulanla ɔyɛle nwanwane ninyɛne nee sɛkɛlɛneɛ wɔ Yigyibiti nee Nyevile Kɔkɔlɛ ne anloa, yɛɛ fienemgbole ne anu na ɔyele menli ne ɔvile Yigyibiti.

1 Kɔl 10:9

Ɔnle kɛ yɛsɔ Awulae yɛnea, kɛmɔ bɛ bie mɔ yɛle a nwɔlɛ kekale bɛ hunle bɛ la.

Mɛla 6:16

“Bɛmmasɔ Ɛdɛnkɛma bɛ Nyamenle ne bɛnea, kɛmɔ bɛzɔle ye bɛnleanle wɔ Masa la.

1 Sam 6:6

Duzu ati a bɛyɛ anzosesebɛ, kɛmɔ Yigyibiti belemgbunli nee Yigyibitima yɛle la ɛ? Bɛhakye kɛ Nyamenle zile dole bɛ agyiba na nzinlii ɔyɛle bɛ koasea ɔmanle Yizilayɛma vile Yigyibiti la.