Kɛlata mɔɔ bɛhɛlɛle bɛhɔmanle Hibuluma la 3:6 - BAEBOLO ANZƐƐ BULUKU NWUANZANWUANZA

⁶ Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 3:6 ပူးပေါင်းရင်းမြစ်များ

Edwɛndolɛ Buluku ne 2:12

anrɛɛ saa ɔfa ɛya a bɛkɛdɔ nzonle, ɔluakɛ ɔngyɛ na yeava ɛya. Nyilalɛ ɛha bɛdabɛ mɔɔ bɛnriandi bɛkɔfea ye nu la.

Yizikeɛle Buluku ne 46:10

Saa bɛlɛkɔ ɛkɛ ne a, ɔwɔ kɛ belemgbunli ne nee bɛ a kɔ a, yɛɛ saa bɛlɛfinde a, ɔwɔ kɛ belemgbunli ne nee bɛ a finde a.

Edwɛkpa ne kɛmɔ Mateyu hɛlɛle la 10:22

Me ti, menli kɔsɔɔti bakpɔ bɛ. Noko mɔɔ kɛgyinla kpundii kɛhɔ awieleɛ la, Nyamenle kɛlie ye ngoane.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Edwɛkpa ne kɛmɔ Mateyu hɛlɛle la 24:13

Noko sonla mɔɔ kɛgyinla kpundii kɛhɔ awieleɛ la banyia ngoane mɔɔ ɛnlɛ awieleɛ.

Wulo 11:22

Ɛhye maa yɛnwu kɛ Nyamenle si se anwunvɔne na eza ɔ sa yɛ ɛnlomboɛ la. Ɔ sa yɛ ɛnlomboɛ maa bɛdabɛ mɔɔ bɛkpo aze la, noko saa bɛtɛnla ye kpalɛyɛlɛ ne abo dahuu a, anrɛɛ ɔkɛze bɛ anwunvɔne. Na saa bɛanyɛ ye zɔhane a ɔbakpanekpane bɛdabɛ noko yeagua.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:12

Yɛ nee Kelaese yɛ koyɛlɛ ne, nee diedi mɔɔ yɛlɛ ye wɔ ye nuhua la ati, yɛkola yɛbɔ kpɔkɛ na yɛsi yɛ kɛnra yɛfinde Nyamenle anyunlu.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

1 Tɛs 5:16

Dahuu bɛmaa bɛ nye ɛlie,

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

Kɛlata mɔɔ bɛhɛlɛle bɛhɔmanle Hibuluma la 1:2

na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.

Kɛlata mɔɔ bɛhɛlɛle bɛhɔmanle Hibuluma la 10:19

Zɔhane ati, mediema, yɛlɛ adenle bɔkɔɔ kɛ yɛdua Gyisɛse ewule ne azo yɛfa mgbɛnu ɛdanlɛ ne anu yɛkɔ Nwuanzanwuanza nu Nwuanzaanwu Ɛleka ne.

Kɛlata mɔɔ bɛhɛlɛle bɛhɔmanle Hibuluma la 10:21

Kɛmɔ yɛlɛ sɛlɛvolɛ kpole mɔɔ nea Nyamenle sua ne azo la,

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 10:35

Zɔhane ati bɛmmakpo aze fee, ɔluakɛ ɛhye mɔ amuala, ahatualɛ kpole bie li ɔ nzi.

Kɛlata mɔɔ bɛhɛlɛle bɛhɔmanle Hibuluma la 11:1

Diedi a le kɛ yɛkɛzi pi wɔ ninyɛne mɔɔ yɛ nye la zolɛ la anwo, na yɛkɛlie ninyɛne mɔɔ ɛnyelɛ ɛnnwu bɛ la yɛkɛdo nu kɛ bɛwɔ ɛkɛ.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

Kɛlata mɔɔ bɛhɛlɛle bɛhɔmanle Hibuluma la 6:11

Yɛ kunlu a anrɛɛ bɛ nuhua ko biala bagyinla kpundii ahɔ awieleɛ, amaa mɔɔ bɛ nye la zolɛ la bɛ sa aha ye.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.

1 Pit 4:17

Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.

Yekile 2:25

Mɔɔ meka meahile bɛ ala la a le kɛ bɛzɔ mɔɔ bɛlɛ ye la anu kpalɛ kɔkpula mekɛ mɔɔ menwɔra la.

Yekile 2:26

Mɔɔ kɛli konim, na ɔkɛyɛ mɔɔ mekpondɛ la nɔhalɛ nu kɛhɔ awieleɛ la, mebava tumi ne mɔɔ Egya vale manle me la meamaa ye. Mebamaa yeali maanle maanle dɔɔnwo anwo zo konim, yeava tumi yeazie bɛ, na yeabubu bɛ kɛ abua. Eza mebava nwonlomɔ ɛwɔlɔra ne meamaa ye.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.