Kɛlata mɔɔ bɛhɛlɛle bɛhɔmanle Hibuluma la 3:5 - BAEBOLO ANZƐƐ BULUKU NWUANZANWUANZA

⁵ Mosisi lile nɔhalɛ kɛ ɔle akɛlɛ wɔ Nyamenle sua nu, na ɔlile ninyɛne mɔɔ Nyamenle baha nwolɛ bie wɔ kenle bie la anwo daselɛ.

Kɛlata mɔɔ bɛhɛlɛle bɛhɔmanle Hibuluma la 3:5 ပူးပေါင်းရင်းမြစ်များ

Nihɛmaya Buluku ne 9:14

Ɛhilele bɛ kɛ bɛzie Ɛnwomenlelielɛ Kenle ne nwuanzanwuanza, na ɛluale wɔ sonvolɛ Mosisi anwo zo ɛvale mɛla ne ɛmanle bɛ.

Edwɛndolɛ Buluku ne 105:26

Ɛdɛnkɛma zoanle ye sonvolɛ Mosisi, yɛɛ Aalɔn mɔɔ yekpa nu yeye bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:31

Eza Yizilayɛma nwunle gyima kpole mɔɔ Ɛdɛnkɛma lile tiale Yigyibitima la. Menli ne zulole Ɛdɛnkɛma na bɛliele Ɛdɛnkɛma nee ye sonvolɛ Mosisi bɛlile.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:16

Mosisi yɛle debie biala, kɛmɔ Ɛdɛnkɛma zele ye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:7

Na me sonvolɛ Mosisi ɛdeɛ, asolo ye, meva ye mezie me menli Yizilayɛma kɔsɔɔti anloa.

Edwɛkpa ne kɛmɔ Mateyu hɛlɛle la 24:45

“Ɛnee akee, sonvolɛ nɔhavo mɔɔ ze nrɛlɛbɛ la a le boni? Yemɔ a le sonvolɛ ne mɔɔ ɔ menle ɛva ye kɛ ɔnlea sonvolɛma mɔɔ ɛha la anwo zo na ɔmaa bɛ aleɛ wɔ mekɛ ne anloa, na ɔ menle ne bato ye kɛ ɔlɛyɛ ye zɔhane la. Ɛhye le nyilalɛ kpole maa sonvolɛ ne.

Edwɛkpa ne kɛmɔ Mateyu hɛlɛle la 25:21

Ɔ menle ne zele ye kɛ, ‘Mo, wɔbɔ mɔdenle bɔkɔɔ; ɛle sonvolɛ kpalɛ mɔɔ di nɔhalɛ a! Wɔbɔ mɔdenle wɔnlea ezukoa ekyi ye azo boɛ, yemɔti mebava wɔ meazie ninyɛne mgbole nloa. Bɛla balie ɛ nye wɔ me nwo ɛke!’

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Edwɛkpa ne kɛmɔ Luku hɛlɛle la 24:27

Akee Gyisɛse bɔle ɔ bo vile Mosisi mbuluku ne mɔ nee mɔɔ Nyamenle kpɔmanvolɛma ɛha na bɛhɛlɛ wɔ Nyamenle Edwɛkɛ ne anu wɔ ɔ nwo la azo na ɔhilehilele nu ɔhilele bɛ.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Ɛzoanvolɛma Gyima ne 7:37

Mosisi ɛhye ala a zele Yizilayɛma kɛ, ‘Nyamenle baye ye kpɔmanvolɛ avi bɛ avinli yeazoa ye bɛ nwo, kɛmɔ ɔzoanle me la.’

Wulo 3:21

Kɛkala, adenle mɔɔ Nyamenle dua zo maa menli sɔ ɔ nye la ɛrala ɛkɛ wienyi, yɛɛ ɔnvane mɛla ne anwo hweledede. Mɛla mumua ne nee Nyamenle kpɔmanvolɛma di ɛhye anwo daselɛ.

1 Kɔl 4:2

Debie ko mɔɔ ɔwɔ kɛ sonvolɛ zɛhae yɛ la a le kɛ ɔkɛli nɔhalɛ ɔkɛmaa ɔ menle ne.

Mɛla 3:24

‘O Awulae Nyamenle, bɔ zo mɔɔ wɔbɔ ɔ bo ɛlɛkile wɔ sonvolɛ wɔ kpoleyɛlɛ nee wɔ tumi a. Ɔluakɛ nyamenle biala ɛnle anwuma anzɛɛ aze mɔɔ kola yɛ ninyɛne mgbole nee nwanwane gyima kɛ wɔmɔ ala.

Mɛla 34:5

Yemɔti Ɛdɛnkɛma sonvolɛ Mosisi wule Mowabe azɛlɛ zo, kɛmɔ Ɛdɛnkɛma hanle la.

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

Kɛlata mɔɔ bɛhɛlɛle bɛhɔmanle Hibuluma la 1:1

Mɔmoane ne, Nyamenle vale ndenle dɔɔnwo azo luale ye kpɔmanvolɛma anwo zo dendɛle hilele yɛ nlenya mɔ wɔ mekɛ dɔɔnwo ne ala,

Kɛlata mɔɔ bɛhɛlɛle bɛhɔmanle Hibuluma la 3:2

Ɔlile nɔhalɛ ɔmanle Nyamenle mɔɔ zoanle ye la, kɛmɔ Mosisi lile nɔhalɛ wɔ ye gyimayɛlɛ nu wɔ Nyamenle sua nu la.

Kɛlata mɔɔ bɛhɛlɛle bɛhɔmanle Hibuluma la 3:4

Sonla ala a si sua a, yɛɛ Nyamenle noko a ɛyɛ ninyɛne muala a.

Kɛlata mɔɔ bɛhɛlɛle bɛhɔmanle Hibuluma la 8:5

Na mɔɔ bɛyɛ la le gyima mɔɔ bɛyɛ ye wɔ anwuma lɔ la sɔhovolɛ. Ɔluakɛ mɔɔ Mosisi bazi ndanlɛ sua ne la, Nyamenle zele ye kɛ, “Bɔ mɔdenle kɛ ɛkɛyɛ debie biala ɛkɛmaa ɔkɛzɔho mɔɔ bɛvale bɛhilele wɔ wɔ boka ne azo lɔ la.”

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 1:2

“Me sonvolɛ Mosisi ɛwu. Zɔhane ati boɔboa ɛ nwo na ɛ nee Yizilayɛma kɔsɔɔti bɛhɔpɛ Azule Dwɔdan ne bɛhɔ ɔ nzi lɔ azɛlɛ ne mɔɔ mefa meamaa bɛ la azo.

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 8:31

Ɔyɛle ye kɛ mɔɔ Ɛdɛnkɛma sonvolɛ Mosisi hyehyɛle manle Yizilayɛma la. Ɔwɔ Mosisi mɛla ne anu kɛ ɔwɔ kɛ ɔyɛ “azukponle mɔɔ bɛva awolɛ mɔɔ bɛanva bulalɛ a bɛkpukekpukele la a bɛzile la.” Yemɔ azo yɛɛ bɛyelale nane ne bɛbɔle azu bɛmanle Ɛdɛnkɛma, na eza bɛbɔle anzonudwolɛ nwo azu a.

Dwɔhyua Buluku ne 8:33

Yizilayɛma amuala, bɛdabɛ mɔɔ bɛle nyɛvolɛ na bɛwɔ bɛ avinli nee bɛdabɛ Dwuuma amuala, bɛ nee bɛ mgbanyima nee mbɔlɔba mgbanyinli nee ndɛnebuavolɛma gyinlanle ye ɛhonlene nwiɔ wɔ Ɛdɛnkɛma Ngyekyeleɛ Ɛlɛka ne foa nee ye foa, na bɛnleanle Livae sɛlɛvolɛma ne mɔɔ zoale la. Menli ne foa ko anzi kɔ Gɛlaezem Boka yɛɛ foa ko noko anzi kɔ Yibale Boka. Ɛdɛnkɛma sonvolɛ Mosisi zele bɛ kɛ saa mekɛ ne dwu na bɛdie nyilalɛ a bɛgyinla ye zɔhane.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.