Kɛlata mɔɔ bɛhɛlɛle bɛhɔmanle Hibuluma la 3:18 - BAEBOLO ANZƐƐ BULUKU NWUANZANWUANZA

¹⁸ Mɔɔ Nyamenle ka ye ndane ne kɛ, “Bɛ gyakɛ ba ɛnrɛtia ɛleka mɔɔ meyɛ kɛ memaa bɛaralie bɛ ɛnwomenle la” ɛnee ɔ nee nwane mɔ? Ɔ nee menli mɔɔ dele atua la.

Kɛlata mɔɔ bɛhɛlɛle bɛhɔmanle Hibuluma la 3:18 ပူးပေါင်းရင်းမြစ်များ

Edwɛndolɛ Buluku ne 78:22

ɔboalekɛ bɛnlɛ diedi wɔ Nyamenle anu, yɛɛ bɛanva bɛ rɛle bɛanwula ye ngoanelielɛ tumi ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:23

nuhua ko bɔbɔ anye ba ɛnrɛnwu azɛlɛ ne mɔɔ menvale membɔle bɛ ze mɔ ɛwɔkɛ la azo; yɛɛ bɛdabɛ mɔɔ bɛkpole me la, bɛ nuhua ko bɔbɔ anye ba ɛnrɛnwu azɛlɛ ne azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:30

Menvale membɔle ɛwɔkɛ kɛ memaa bɛahɔdɛnla ɛkɛ, noko bɛ nuhua ko bɔbɔ agyakɛ ba ɛnrɛtia azɛlɛ ne azo, kyesɛ Gyɛfɛni ara nrenya Kalɛbe yɛɛ Nɛn ara nrenya Dwɔhyua ala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:12

Na Ɛdɛnkɛma zele Mosisi nee Aalɔn kɛ, “Kɛmɔ bɛanlie me bɛanli, bɛammaa Yizilayɛma annwu me kpoleyɛlɛ ne bɛdabɛ bɛ nye zo la, bɛnrɛli menli ɛhye mɔ ati bɛ nee bɛ ɛnrɛdwu azɛlɛ ne mɔɔ meva memaa bɛ la azo.”

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Wulo 11:30

Bɛmɛ mɔɔ bɛnle Dwuuma la, bɛkpole Nyamenle wɔ mekɛ mɔɔ ɛze ɛhɔ la, na ɛnɛ bɛnyia Nyamenle ɛlolɛ ne, ɔluakɛ Dwuuma ɛyɛ anzosesebɛ.

Mɛla 9:23

Eza mɔɔ bɛwɔ Keedɛhye Baanɛya la, Ɛdɛnkɛma zele bɛ kɛ, ‘Bɛhɔ na bɛhɔva azɛlɛ ne mɔɔ meva memaa bɛ la.’ Noko bɛdule Ɛdɛnkɛma bɛ Nyamenle ne anloa bɛdole; bɛanlie ye bɛanli yɛɛ bɛandie ɔ ne.

Kɛlata mɔɔ bɛhɛlɛle bɛhɔmanle Hibuluma la 3:11

Menvale ɛya na menganle ndane kɛ, ‘Bɛ gyakɛ ba ɛnrɛtia ɛleka mɔɔ meyɛ kɛ memaa bɛaralie bɛ ɛnwomenle la!’ ”

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Kɛlata mɔɔ bɛhɛlɛle bɛhɔmanle Hibuluma la 4:2

Ɔluakɛ yɛdayɛ noko yɛde Edwɛkpa ne, kɛmɔ bɛdele la. Bɛdele edwɛkɛ ne, na kɛmɔ bɛanlie bɛanli la ati, yeanyɛ nvasoɛ yeammaa bɛ.

Kɛlata mɔɔ bɛhɛlɛle bɛhɔmanle Hibuluma la 4:6

Kɛmɔ bɛdabɛ mɔɔ bɛlumuale bɛdele Edwɛkpa ne la bie mɔ yɛle anzosesebɛ la, bɛannyia Nyamenle ɛnwomenlelielɛ ne, ɔboalekɛ bɛanlie bɛanli. Ɛhye kile kɛ ɛnee bie mɔ wɔ ɛkɛ mɔɔ bɛbanyia ɛwɔkɛ ne a.