Kɛlata mɔɔ bɛhɛlɛle bɛhɔmanle Hibuluma la 3:16 - BAEBOLO ANZƐƐ BULUKU NWUANZANWUANZA

¹⁶ Nwane mɔ a dele Nyamenle ane noko bɛdele atua la? Bɛdabɛ kɔsɔɔti mɔɔ Mosisi hɔyele bɛ vile Yigyibiti la ɔ.

Kɛlata mɔɔ bɛhɛlɛle bɛhɔmanle Hibuluma la 3:16 ပူးပေါင်းရင်းမြစ်များ

Edwɛndolɛ Buluku ne 78:17

Noko bɛyɛle ɛtane dɔɔnwo bɛtiale ye, bɛdele Anwuma Anwumanli ne anwo atua wɔ ɛsɛlɛ ne azo.

Edwɛndolɛ Buluku ne 78:40

Bɛdele ɔ nwo atua dɔɔnwo wɔ fienemgbole ne anu, bɛmanle ɔlile nyane wɔ ɛsɛlɛ ne azo.

Gyɛlɛmaya Buluku ne 32:29

Babeloniama mɔɔ nee suakpole ye azo amra ɛlɛko la barado senle suakpole ye azo ayela ye, nee azua mɔɔ bɛkpu ɛyɛlɛ wɔ zolɛ bɛmaa bozonle Beeyale ne, na bɛva nza bɛye ɛdɛne zolɛ bɛmaa nyamenle gyɛne gyɛne bɛva bɛha me ɛya la.

Gyɛlɛmaya Buluku ne 44:3

ɔboalekɛ bɛyɛle amumuyɛ na bɛhanle me ɛya. Bɛkpunle ɛyɛlɛ bɛmanle nyamenle gyɛne gyɛne mɔɔ bɛmɛ o, bɛdabɛ o, bɛ ze mɔ o, biala ɛnze bɛ la na bɛzonlenle bɛ.

Gyɛlɛmaya Buluku ne 44:8

Duzu ati a bɛfa bɛ sa anloa gyima bɛka me ɛya, bɛkpu ɛyɛlɛ bɛmaa Yigyibiti ɛke mɔɔ bɛradɛnla la nyamenle ne mɔ na bɛsonle bɛ, amaa meazɛkye bɛ na bɛayɛ amowa nee agolobɛnwo menli wɔ maanle maanle mɔɔ wɔ ewiade la avinli ɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:2

Yizilayɛma ne kɔsɔɔti dendɛle tiale Mosisi nee Aalɔn hanle kɛ, “Ɔle kpalɛ kɛ anrɛɛ yɛwule Yigyibiti azɛlɛ zo! Anzɛɛ ɔle kpalɛ kɛ anrɛɛ yɛwule fienemgbole ɛhye anu!

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:24

Na me sonvolɛ Kalɛbe ɛdeɛ asolo ye sunsum ne na yeli nɔhalɛ yemaa me la ati, mebava ye meahɔ azɛlɛ ne mɔɔ ɔdaye ɔhɔkpɔlale la azo, na ɔ bo zo amra badɛnla zolɛ kpɔkpɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:30

Menvale membɔle ɛwɔkɛ kɛ memaa bɛahɔdɛnla ɛkɛ, noko bɛ nuhua ko bɔbɔ agyakɛ ba ɛnrɛtia azɛlɛ ne azo, kyesɛ Gyɛfɛni ara nrenya Kalɛbe yɛɛ Nɛn ara nrenya Dwɔhyua ala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:38

Busiama bulu nee nwiɔ ne, Dwɔhyua nee Kalɛbe ala a hale a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:4

Yemɔti bɛhanle bɛhilele bɛ nwo ngoko kɛ, “Bɛmaa yɛye safohyenle ɛli yɛ ti na yɛzia yɛhɔ Yigyibiti.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:65

Ɛdɛnkɛma zele kɛ menli ɛhye mɔ kɔsɔɔti bawu fienemgbole ne anu. Gyɛfɛni ara Kalɛbe nee Nɛn ara Dwɔhyua ala a hale a. Bɛ muala bɛwule.

Mɛla 1:38

‘Ɛdawɔ noko ɛ gyakɛ ba ɛnrɛtia ɛkɛ ne ɛlɛ. Nɛn ara Dwɔhyua mɔɔ boa wɔ la, yemɔ a ɔbahɔ azɛlɛ ne azo a. Si ye ahonle, ɔluakɛ ɔbamaa Yizilayɛma ahɔva azɛlɛ ne.’

Dwuudu Kɛlata ne 1:5

Bɛze ɛhye bɔkɔɔ, noko eza mekulo kɛ mekakye bɛ kɛ Awulae mɔɔ liele Yizilayɛma vile Yigyibiti azɛlɛ zo la eza nzinlii zɛkyele bɛdabɛ mɔɔ bɛanlie bɛanli la.