Kɛlata mɔɔ bɛhɛlɛle bɛhɔmanle Hibuluma la 3:12 - BAEBOLO ANZƐƐ BULUKU NWUANZANWUANZA

¹² Me mediema diedima, bɛnlea boɛ na bɛ bie mɔ ansolo, na bɛande bɛ nwo bɛanvi tease Nyamenle ne anwo.

Kɛlata mɔɔ bɛhɛlɛle bɛhɔmanle Hibuluma la 3:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Dwobu Buluku ne 21:14

“Bɛka bɛkile Nyamenle kɛ, ‘Ɛvi yɛ nwo ɛke kɔ! Yɛmkpondɛ wɔ ɛzonlenlɛ nwo ngilehilelɛ biala.

Dwobu Buluku ne 22:17

Bɛzele Nyamenle kɛ, ‘Ɛvi yɛ nwo ɛke kɔ! Duzu yɛɛ Tumivolɛ ne kɛhola kɛyɛ kɛmaa yɛ a?’

Edwɛndolɛ Buluku ne 18:21

ɔluakɛ meli Ɛdɛnkɛma mɛla ne mɔ azo, metɛkakyile me nzi metɛsile me Nyamenle ne anyefuu nu.

Mrɛlɛbulɛ Buluku ne 1:32

Bɛdabɛ mɔɔ bɛnze nwolɛ bie la kakyi bɛ nzi si nrɛlɛbɛ na bɛwu, yɛɛ ahoasea ahunlundwolɛ sɛkye bɛ;

Ayezaya Buluku ne 59:13

yɛkpo Ɛdɛnkɛma, yɛto ye mɛla ne mɔ na yɛkakyi yɛ nzi yɛsi yɛ Nyamenle ne, yɛte atua, yɛka nzisi edwɛkɛ, yɛbɔ adalɛ adwenle na yɛfa yɛto gua.

Gyɛlɛmaya Buluku ne 11:8

Noko bɛandie, yɛɛ bɛanli zolɛ. Ko biala ɔdaye ɔyɛle ɛtane mɔɔ ɔ kunlu dwo nwolɛ la. Yemɔti menvale ndeanlɛ kɔsɔɔti mɔɔ bɛhile wɔ ngyekyeleɛ ne anu la mendeanle bɛ, noko bɛampili.”

Gyɛlɛmaya Buluku ne 16:12

Akee bɛmɛ bɔbɔ bɛyɛ bɛmaa yebo bɛ ze mɔ ɛdeɛ ne azo. Ɔluakɛ nea, awie biala lua ɔdaye ye adenle ɛtane ɛdeɛ mɔɔ ɔ kunlu dwo nwolɛ la azo, yɛɛ bɛkpo kɛ bɛnrɛdie me ne.

Gyɛlɛmaya Buluku ne 17:5

Ɛdɛnkɛma se: “Munzule ɛha sonla ne mɔɔ fa ɔ rɛle wula sonla nu, ɔkpo me na ɔfa ɔ rɛle ɔwula sonla anwosesebɛ nu la.

Gyɛlɛmaya Buluku ne 17:9

“Ahonle le mɛlɛbɛla tɛla debie biala, yezɛkye yebo zolɛ; nwane a kɛhola kɛde ɔ bo a?

Gyɛlɛmaya Buluku ne 18:12

Na bɛbabua wɔ kɛ, ‘Yɛndie wɔ edwɛkɛ biala. Yɛyɛ mɔɔ wɔ yɛ ahonle nu la; yɛɛ awie biala babɔ ɛbɛla ɛtane mɔɔ ɔdaye ɔkulo la.’ ”

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Gyɛlɛmaya Buluku ne 3:17

Saa mekɛ zɔhane dwu a, bɛbavɛlɛ Gyɛlusalɛm “Ɛdɛnkɛma Belemgbunli Ebia.” Maanle maanle kɔsɔɔti bara me nyunlu arazonle me; bɛnrɛli bɛ ahonle ɛtane ne mɔ anzi bieko.

Gyɛlɛmaya Buluku ne 7:24

Noko bɛanli me edwɛkɛ ɛdeɛ ne mɔɔ menganle la azo, yɛɛ bɛambu ye bie; bɛdabɛ bɛlile bɛ ahonle ɛtane nzi bɛyɛle mɔɔ bɛdabɛ bɛ kunlu dwo la, na bɛzɛkyele bɔbɔ bɛdɛlale dɛba ne.

Yizikeɛle Buluku ne 14:5

amaa meado me sa mealie Yizilayɛma mɔɔ awozonlezonlenlɛ ti bɛhwe bɛ nwo bɛvi me nwo la.

Hozia Buluku ne 1:2

Mɔɔ Ɛdɛnkɛma dumua alua Hozia anwo zo adendɛ ahile Yizilayɛma la, ɔzele Hozia kɛ, “Kɔgya tuutuu raalɛ na wo tuutuu mralɛ. Ɔluakɛ azɛlɛ ne azo amra ɛkpo medame Ɛdɛnkɛma, na bɛlɛbɔ tuutuu ɛbɛla.”

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

Edwɛkpa ne kɛmɔ Mateyu hɛlɛle la 24:4

Gyisɛse buale bɛ kɛ, “Bɛnlea boɛ na awie ambɛlɛbɛla bɛ amminli bɛ.

Edwɛkpa ne kɛmɔ Maake hɛlɛle la 13:23

Bɛnlea bɛ nwo boɛ! Kɛ meha debie biala mehile bɛ kolaa na ɛhye mɔ azi ɛ!

Edwɛkpa ne kɛmɔ Maake hɛlɛle la 13:33

Bɛzinza na bɛnlea boɛ, ɔluakɛ bɛnze kenle ne mɔɔ mekɛ ne kɛdwu la.

Edwɛkpa ne kɛmɔ Maake hɛlɛle la 13:9

“Na bɛmɛ, bɛnlea bɛ nwo boɛ kpalɛ. Bɛbahye bɛ bɛahɔ kɔɔto. Bɛbabo bɛ wɔ nyianu azua ne mɔ anu; ɔlua me ti, bɛbagyinla mgbanyima nee arelemgbunli nyunlu na bɛaha Edwɛkpa ne bɛahile bɛ.

Edwɛkpa ne kɛmɔ Luku hɛlɛle la 21:8

Gyisɛse zele kɛ, “Bɛnlea boɛ; bɛmmamaa bɛbɛlɛbɛla bɛ. Ɔluakɛ menli dɔɔnwo balua me duma nu ara na bɛaraze bɛ kɛ, ‘Mame a mele Kelaese ne a,’ na eza bɛaha kɛ, ‘Mekɛ ne ɛbikye.’ Na bɛmmatoa bɛ.

Wulo 11:21

Ɔluakɛ saa Nyamenle anvavi Dwuuma ne mɔɔ le kɛ baka ne ɔdaye ye ngane ne mɔ la a, ɛnee ɔnrɛvavi bɛdabɛ noko.

1 Kɔl 10:12

Zɔhane ati bɛmaa mɔɔ dwenle kɛ ɔgyi boɛ la ɛnlea boɛ na yeandɔ aze.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

Kɛlata mɔɔ bɛhɛlɛle bɛhɔmanle Hibuluma la 10:31

Ɔkɛyɛ ɛzulolɛ ɛdeɛ, kɛ ɛkɛdɔ tease Nyamenle ne ɛhane nu a!

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

Kɛlata mɔɔ bɛhɛlɛle bɛhɔmanle Hibuluma la 3:10

Ɛhye ati menvale menli zɔhane mɔ anwo ɛya na menganle kɛ, ‘Bɛle menli mɔɔ bɛsolo na bɛkpo kɛ bɛnrɛli me mɛla zo a.’

Kɛlata mɔɔ bɛhɛlɛle bɛhɔmanle Hibuluma la 3:19

Ɛhye maa yɛnwu kɛ bɛandwu ɛleka ne, ɔboalekɛ bɛanlie bɛanli.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.