Kɛlata mɔɔ bɛhɛlɛle bɛhɔmanle Hibuluma la 2:4 - BAEBOLO ANZƐƐ BULUKU NWUANZANWUANZA

⁴ Mekɛ ko ne ala Nyamenle ɔdaye ɔlile daselɛ ɔvoale bɛ ɛdeɛ ne azo, na ɔvale Sunsum Nwuanzanwuanza nu ahyɛlɛdeɛ ɔmanle bɛ, ɔmanle bɛyɛle nwanwane ninyɛne, kɛmɔ ye ɛhulolɛdeɛ ne de la.

Kɛlata mɔɔ bɛhɛlɛle bɛhɔmanle Hibuluma la 2:4 ပူးပေါင်းရင်းမြစ်များ

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Edwɛkpa ne kɛmɔ Maake hɛlɛle la 6:14

Belemgbunli Hɛlɔdo dele ɛhye mɔ anwo bie, ɔluakɛ Gyisɛse nganeɛ ɛdwu ɛleka biala, na menli ɛlɛkeha kɛ, “Dwɔn Sɔnevolɛ ne ɛzia ɛra ngoane nu bieko, yemɔti a ɔkola ɔyɛ nwanwane ninyɛne ɛhye mɔ a.”

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:7

Bɛmaa yɛ nuhua ko biala ahyɛlɛdeɛ mɔɔ sonle bolɛ na ɔla mɔɔ Kelaese ɛzuzu ɛva ɛmaa ye la anwo.

Kɛlata mɔɔ bɛhɛlɛle bɛhɔmanle Hibuluma la 6:4

Ɔluakɛ ɔyɛ se ɔmaa bɛdabɛ mɔɔ anrɛɛ bɛlɛ diedi na bɛgyakyi nu la kɛ bɛkɛzia bɛkɛnlu bɛ nwo bieko. Ɛnee anrɛɛ bɛwɔ Nyamenle wienyi ne anu, bɛnyia Nyamenle nu ahyɛlɛdeɛ, na bɛnyia Sunsum Nwuanzanwuanza ne bie;