Kɛlata mɔɔ bɛhɛlɛle bɛhɔmanle Hibuluma la 2:3 - BAEBOLO ANZƐƐ BULUKU NWUANZANWUANZA

³ Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

Kɛlata mɔɔ bɛhɛlɛle bɛhɔmanle Hibuluma la 2:3 ပူးပေါင်းရင်းမြစ်များ

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 20:6

Mekɛ ne anu bɛdabɛ mɔɔ bɛde ɛnweanloa nehae la baha kɛ, ‘Bɛnlea mɔɔ ɛzi bɛdabɛ mɔɔ yɛvale yɛ rɛle yɛwulale bɛ nu, na yɛnriandile yɛhɔdanenle bɛ kɛ bɛboa yɛ na bɛlie yɛ bɛvi Aselea belemgbunli ne asa anu la anwo zo a! Na yɛmɛ, kɛ ɔkɛyɛ na yɛavi ɛsalɛ ɛ?’ ”

Ayezaya Buluku ne 51:5

Me ngoanelielɛ ne ɛbikye kpalɛ, me ngoanelielɛ ne ɛdwu bɛ nwo zo dɛbadɛba, na medame mumua ne mebazie maanle maanle ne mɔ. Maanle maanle mɔɔ wɔ moa la ɛlɛkendɛ me, bɛ nye la kɛ menwɔlie bɛ.

Ayezaya Buluku ne 51:8

Ɔluakɛ ɛlɛtɛba bali bɛ kɛ bɛdi ɛdanlɛ, yɛɛ sone bali bɛ kɛ bɛdi boane enrinli la; na me konimlilɛ ne badɛnla ɛkɛ ne dahuu, me ngoanelielɛ ne badwu awolɛndoazo kɔsɔɔti anwo zo.”

Ayezaya Buluku ne 62:11

Bɛdie, Ɛdɛnkɛma ɛbɔ nolo ɛmaa ewiade amuala ɛde kɛ, “Bɛha bɛhile Gyɛlusalɛmma kɛ, Bɛnlea, bɛ ngoanelielɛ ɛlɛba, Bɛnlea, ɔlɛ ye ahyɛlɛdeɛ ɔ sa nu, Ɔ nee ye menli mɔɔ yelie bɛ la ɛlɛba.”

Yizikeɛle Buluku ne 17:15

Noko Dwuda belemgbunli ne dele atua na ɔzoanle ɛbɔfoɔma wɔ Yigyibiti, amaa Yigyibitima amaa bɛ mgbɔnwɔ nee ɛlɔnema dɔɔnwo. Na ɛnee ɛnea a, asoo belemgbunli ɛhye bayɛ kpalɛ? Asoo sonla mɔɔ yɛ ninyɛne ɛhye mɔ la fi ɛsalɛ? Asoo ɔbahola yeatulu ngyekyeleɛ ne na yeava ɔ nwo dwɔɔ?

Yizikeɛle Buluku ne 17:18

Kɛmɔ ɔdonle ndane ne na ɔtulule ngyehyɛlɛ ne la ati, kɛmɔ ɔkponlenle ngyehyɛlɛ ne azo na akee ɔziale ɔyɛle ninyɛne ɛhye mɔ la ati, ɔ nwo ɛnrɛvi nu.”

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Maake hɛlɛle la 1:14

Nzinlii mɔɔ bɛhyele Dwɔn bɛdole efiade la, Gyisɛse hɔle Galeli hɔbɔle Edwɛkpa ne nolo kɛ,

Edwɛkpa ne kɛmɔ Luku hɛlɛle la 1:2

Bɛhɛlɛle ninyɛne mɔɔ bɛdabɛ mɔɔ mɔlebɛbo ne bɛnwunle ye bɛ nye zo na bɛbɔle ye nolo la hanle hilele yɛ la.

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Edwɛkpa ne kɛmɔ Luku hɛlɛle la 24:19

Ɔbizale bɛ kɛ, “Duzu edwɛkɛ?” Bɛbuale ye kɛ, “Edwɛkɛ mɔɔ ɛzi Gyisɛse mɔɔ vi Nazalɛte la anwo zo la.” Akee bɛvale bɛzɔle zolɛ kɛ, “Nrenya ɛhye le Nyamenle kpɔmanvolɛ, yɛɛ wɔ Nyamenle nee menli kɔsɔɔti anyunlu, ɔhilele kɛ tumi wɔ ye edwɛkɛhanlɛ nee ye nyɛleɛ nu.

Dw 15:27

Na bɛdabɛ noko bɛbaha me nwo edwɛkɛ, ɔboalekɛ ɔvi mɔlebɛbo ne amuala, bɛ nee me a lua a.

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

Wulo 2:3

Na ayi, ɛdawɔ mumua ne ɛyɛ nyɛleɛ mɔɔ ɛbua awie mɔ nwolɛ fɔlɛ la bie. Ɛnee ɛdwenle kɛ ɛkɛvi nu wɔ Nyamenle ndɛnebualɛ ne anu ɔ?

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

Kɛlata mɔɔ bɛhɛlɛle bɛhɔmanle Hibuluma la 1:1

Mɔmoane ne, Nyamenle vale ndenle dɔɔnwo azo luale ye kpɔmanvolɛma anwo zo dendɛle hilele yɛ nlenya mɔ wɔ mekɛ dɔɔnwo ne ala,

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

Kɛlata mɔɔ bɛhɛlɛle bɛhɔmanle Hibuluma la 1:2

na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Dw 1:1

Yɛlɛkɛlɛ bɛ wɔ ngoane Edwɛkɛ ne mɔɔ mɔlebɛbo ne ɛnee ɔwɔ ɛkɛ ne na yɛde, yɛnwu ye yɛ nye zo, yɛnlea ye kpalɛ, na yɛva yɛ sa yɛha ye la anwo.

Dwuudu Kɛlata ne 1:17

Na me mediema, bɛhakye mɔɔ yɛ Awulae Gyisɛse Kelaese ɛzoanvolɛma ne hanle hilele bɛ la.

Yekile 7:10

Bɛdeanle nu bɛzele kɛ, “Ngoanelielɛ vi yɛ Nyamenle ne mɔɔ de belemgbunli ebia kpole ne azo la nee Boaneralɛ ne.”