Kɛlata mɔɔ bɛhɛlɛle bɛhɔmanle Hibuluma la 13:9 - BAEBOLO ANZƐƐ BULUKU NWUANZANWUANZA

⁹ Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

Kɛlata mɔɔ bɛhɛlɛle bɛhɔmanle Hibuluma la 13:9 ပူးပေါင်းရင်းမြစ်များ

Edwɛndolɛ Buluku ne 112:8

Ye ahonle gyi pi, ɔnzulo, kɔkpula kɛ ɔkɛli ye kpɔvolɛma anwo zo konim.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:4

Gyisɛse buale bɛ kɛ, “Bɛnlea boɛ na awie ambɛlɛbɛla bɛ amminli bɛ.

Edwɛkpa ne kɛmɔ Luku hɛlɛle la 5:38

Mɔɔ bɛyɛ la a le kɛ, bɛfa nwanye ndokuma bɛgua nwoma kodoku fofolɛ nu.

Ɛzoanvolɛma Gyima ne 20:30

Mekɛ bara mɔɔ menli vi bɛ avinli badwazo araha edwɛkɛ adalɛ ahwe diedima ne bie mɔ ahɔli bɛ nzi a.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 14:2

Bie diedi maa ɔdi debie biala, na mɔɔ ye diedi le ekyi la di nya nya nee mbakama ala.

Wulo 14:6

Mɔɔ dwenle nwolɛ sie kenle ko kɛ ɔhyia ɔtɛla kenle mɔɔ ɛha la yɛ ye zɔhane wɔ Awulae anyunlunyia ti; mɔɔ di debie biala la yɛ ye zɔhane wɔ Awulae anyunlunyia ti, ɔboalekɛ ɔyɛ Nyamenle mo wɔ aleɛ biala mɔɔ ɔbali la anwo. Mɔɔ kpo kɛ ɔnrɛli debie biala la yɛ ye zɔhane wɔ Awulae anyunlunyia ti, ɔluakɛ ɔdaye noko ɔyɛ Nyamenle mo wɔ nwolɛ.

1 Kɔl 6:13

Awie noko bahola aha kɛ, “Bɛbɔle aleɛ bɛmanle ɛkolɛ, yɛɛ bɛbɔle ɛkolɛ bɛmanle aleɛ.” Ɔle zɔhane, noko Nyamenle bazɛkye bɛ mu nwiɔ. Bɛmmafa bɛ sonlabaka ne bɛbɔ ɛbɛla mgbane mgbane biala; bɛva bɛzonle Awulae. Awulae a maa sonlabaka ne mɔɔ ɔhyia nwo la a.

1 Kɔl 8:8

Nɔhalɛ, aleɛ ɛnrɛva yɛ ɛnrɛdwu Nyamenle anyunlu. Yemɔti saa yɛanli a yɛnrɛminli debie biala, yɛɛ saa yɛdi noko a yɛnrɛnyia nvasoɛ biala.

2 Kɔl 1:21

Nyamenle ɔdaye a ɔsi yɛ nee bɛdabɛ pi wɔ Kelaese ati a; Nyamenle ɔdaye mumua ne a yeye yɛ yezie ɛkɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:1

Mediema, saa bɛnwu awie mɔɔ ɛlɛyɛ ɛtane a, bɛdabɛ mɔɔ Nyamenle Sunsum ne wɔ bɛ nu la ɛdenrɛ ye, noko anrɛɛ bɛyɛ ye bɛtɛɛ wɔ adenle kɛnlɛma nu. Bɛdabɛ noko bɛnlea bɛ nwo boɛ na bɛanyɛ mɔɔ ahenle yɛle la bie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

Kɔlɔ 2:4

Meka ɛhye meahile bɛ: bɛmmamaa awie fa ɔ nloa anu menlemenle yɛ bɛ koasea.

2 Tɛs 2:17

ɛmaa bɛ akɛnrasesebɛ na ɔmaa bɛyɛ se, bɛyɛ nla, bɛha na bɛyɛ mɔɔ le kpalɛ la amuala. la amuala.

2 Tɛs 2:2

bɛmmamaa bɛ adwenle yɛ bɛ kpomgbondee anzɛɛ bɛmmadi nyane wɔ nwolɛ na bɛdwenle kɛ asɛɛ Awulae Kenle zɔhane ɛraze dɛbadɛba. Ɔkɛyɛ kɛ bekezɛ ɔvindele Sunsum nu edwɛkɛ bie anu anzɛɛ Nyamenle Edwɛkɛ ne nolobɔlɛ nu, anzɛɛ yɛhɛlɛ ye wɔ yɛ ngɛlata mɔɔ yɛva yɛrɛlɛ bɛ la bie anu.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.