Kɛlata mɔɔ bɛhɛlɛle bɛhɔmanle Hibuluma la 13:8 - BAEBOLO ANZƐƐ BULUKU NWUANZANWUANZA

⁸ Kɛ Gyisɛse Kelaese si de anoma la, ɔle zɔhane ɛnɛ nee kenle biala.

Kɛlata mɔɔ bɛhɛlɛle bɛhɔmanle Hibuluma la 13:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:33

Ebileham luale “Tamaleseke” baka wɔ Biyɛhyiba ɛkɛ, na ɔzonlenle Ɛdɛnkɛma, Damɛnlangoate Nyamenle ne wɔ ɛkɛ ne.

Edwɛndolɛ Buluku ne 103:17

Ɛdɛnkɛma ɛhulolɛ kpundii ne wɔ ɛkɛ dahuu maa bɛdabɛ mɔɔ bɛsulo ye la, ye tenleneyɛlɛ ne wɔ ɛkɛ maa awolɛndoazo kɔsɔɔti.

Edwɛndolɛ Buluku ne 90:2

Mekɛ mɔɔ ɛkabɔ awoka, anzɛɛ azɛlɛ ye nee ewiade ye la, ɔvi tete, mɔɔ kɔdwu mekɛ mɔɔ ɛnlɛ awieleɛ, ɛle Nyamenle.

Edwɛndolɛ Buluku ne 90:4

Ɔluakɛ ɛvolɛ apenle ko le ɛ nye zo kɛ anoma ala mɔɔ ɛze ɛhɔ, anzɛɛ nɔɔzo dɔnehwele bie mɔɔ ɛze la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:14

Nyamenle zele Mosisi kɛ, “Medame a le Medame.” Na ɔzele kɛ, “Ka ɛhye kile Yizilayɛma kɛ, ‘Medame ɛzoa me bɛ nwo ɛke!’

Ayezaya Buluku ne 41:4

Ɔvi tete, wɔ awolɛndoazo muala anu, nwane a ɛyɛ ɛhye a? Medame Ɛdɛnkɛma ɔ, mele mɔlebɛbo, mele awieleɛ. Medame mumua ne ɛne.

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Malakae Buluku ne 3:6

Ɛdɛnkɛma se, “Medame Ɛdɛnkɛma, mengakyi ɛlɛ. Yemɔti bɛmɛ Gyekɔbo abo zo amra, bɛ bo zo ɛtɛbɔle bɔkɔɔ.

2 Kɔl 1:19

Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;

2 Kɔl 1:20

ɔluakɛ yemɔ a ɔle Nyamenle ɛwɔkɛ ne mɔ anu “Ɛhɛe” ne a. Ɛhye ati a yɛdua Gyisɛse Kelaese anwo zo yɛka “Amen” ne yɛwula Nyamenle anyunlunyia a.

Kɛlata mɔɔ bɛhɛlɛle bɛhɔmanle Hibuluma la 1:12

Ɛbanyenya bɛ kɛ ɛkpa, na wɔali bɛ kedayegua kɛ ɛdanlɛ. Na wɔmɔ dahuu kɛ ɛde ala la yɛɛ ɛde a, yɛɛ wɔ ngoane ɛnlɛ awieleɛ.”

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”