Kɛlata mɔɔ bɛhɛlɛle bɛhɔmanle Hibuluma la 13:7 - BAEBOLO ANZƐƐ BULUKU NWUANZANWUANZA

⁷ Bɛhakye bɛ mgbanyima ne mɔ, mɔɔ hanle Nyamenle edwɛkɛ ne hilele bɛ la. Bɛdwenle bɛnwu kɛ bɛzile bɛbɔle bɛ ɛbɛla ne la, nee bɛ ewule nu, na bɛzukoa bɛ diedi ne mɔɔ ɛnee bɛlɛ la.

Kɛlata mɔɔ bɛhɛlɛle bɛhɔmanle Hibuluma la 13:7 ပူးပေါင်းရင်းမြစ်များ

Sɔlɔmɔn Edwɛne 1:8

Wɔmɔ mɔɔ ɛ nwo yɛ fɛ tɛla mraalɛ kɔsɔɔti, ɛnze ɛleka ne ɔ? Dua nyɛmoa ne mɔ agyakɛ abo zo ne, na maa wɔ mbɔnkye ne mɔ ɛdidi mboaneneavolɛma ndanlɛ azua ne mɔ anwo.

Edwɛkpa ne kɛmɔ Mateyu hɛlɛle la 24:45

“Ɛnee akee, sonvolɛ nɔhavo mɔɔ ze nrɛlɛbɛ la a le boni? Yemɔ a le sonvolɛ ne mɔɔ ɔ menle ɛva ye kɛ ɔnlea sonvolɛma mɔɔ ɛha la anwo zo na ɔmaa bɛ aleɛ wɔ mekɛ ne anloa, na ɔ menle ne bato ye kɛ ɔlɛyɛ ye zɔhane la. Ɛhye le nyilalɛ kpole maa sonvolɛ ne.

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Edwɛkpa ne kɛmɔ Luku hɛlɛle la 5:1

Kenle ko bie mɔɔ Gyisɛse gyi Ginazalɛte Tandane ne anloa la, menli dɔɔnwo rale ɔ nwo ɛkɛ ne kɛ bɛbadie Nyamenle edwɛkɛ ne; na bɛhyelele ɔ nwo zo kpalɛ.

Edwɛkpa ne kɛmɔ Luku hɛlɛle la 8:11

“Akee ɛrɛlɛ ne abo ɛne: Ma ne a le Nyamenle edwɛkɛ ne.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 14:23

Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Wulo 10:17

Yemɔti, saa yɛte edwɛkɛ ne a yɛɛ yɛnyia diedi a, yɛɛ edwɛkɛ ne a le Kelaese ne anwo Edwɛkpa ne nolobɔlɛ ne.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

1 Kɔl 11:1

Ɛhye ati, bɛva me gyakɛ, kɛmɔ meva Kelaese agyakɛ la.

1 Kɔl 4:16

Yemɔti mesɛlɛ bɛ, bɛva me gyakɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:17

Me mediema, bɛ muala bɛva me gyakɛ. Yɛmaa bɛ ndonwo kpalɛ, yemɔti bɛnlea bɛdabɛ mɔɔ bɛdi zolɛ la boɛ.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

2 Tɛs 3:7

Bɛdabɛ bɛze kɛ ɔwɔ kɛ bɛyɛ kɛ mɔɔ yɛyɛle la. Yɛanyɛ mgbovonle wɔ mekɛ mɔɔ yɛ nee bɛ de la.

2 Tɛs 3:9

Tɛ kɛ asɛɛ yɛnlɛ adenle kɛ yɛbiza awie debie ɔ, na yɛyɛle ye zɔhane amaa bɛdabɛ noko bɛanlea zolɛ bɛayɛ bie.

1 Tem 3:5

Awie mɔɔ ɛngola ɛmbu ɔdaye ye awuke la, kɛ ɔkɛyɛ na yeahola yeanlea Nyamenle asɔne ne azo ɛ?

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

Kɛlata mɔɔ bɛhɛlɛle bɛhɔmanle Hibuluma la 13:24

Yɛbiza bɛ mgbanyima ne nee Nyamenle menli ne mɔ amuala ahye. Mediema mɔɔ vi Yetale ɛra ɛke la se bɛbiza bɛ ahye.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.

Yekile 6:9

Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.