Kɛlata mɔɔ bɛhɛlɛle bɛhɔmanle Hibuluma la 13:4 - BAEBOLO ANZƐƐ BULUKU NWUANZANWUANZA

⁴ Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

Kɛlata mɔɔ bɛhɛlɛle bɛhɔmanle Hibuluma la 13:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:21

Yemɔti Ɛdɛnkɛma Nyamenle manle sonla lafele kpole bie na ɔyele ɔ nvenle foa bowule ko na ɔvale nwonane ɔduale ɔ bo zo ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:24

Yemɔti a nrenya fi ɔ ze nee ɔ nli anwo na ɔfa ɔ nwo ɔbɔ ɔ ye anwo kyengye, na bɛ mu nwiɔ bɛbɔ nu bɛyɛ nwonane ko a.

2 Arl 22:14

Yemɔti sɛlɛvolɛ Helekaya, Ahaekam, Akebɔ, Hyeefan, yɛɛ Asaya hɔle Nyamenle kpɔmanvolɛ raalɛ bie mɔɔ bɛfɛlɛ ye Hɛleda, mɔɔ de Gyɛlusalɛm sua fofolɛ zo la anwo ɛkɛ bɛhɔbizale. (Raalɛ ne ɔ hu a le Tekeva ara Hyalɛm, mɔɔ ɔ nlenya a le Haahase la. Hyalɛm a nea Ɛzonlenlɛ Sua ne anu adɛladeɛ ne mɔ azo a.) Bɛhilehilele mɔɔ ɛzi la anu bɛhilele raalɛ ne,

Dwobu Buluku ne 31:12

ɔluakɛ ɔle kɛ ɛbolɔ senle, na ɔbayela mɔɔ melɛ la amuala.

Ayezaya Buluku ne 8:3

Mekɛ guale nu la menwunle me ye (Nyamenle kpɔmanvolɛ raalɛ) ne, na ɔnrenzɛle na ɔwole ralɛ nrenya. Na Ɛdɛnkɛma zele me kɛ, “To ye Meehɛ Hyalale Hahyebaze,

Sɛlɛ 15:18

Saa nrenya nee raalɛ da na ɔ nwo ba a, ɔwɔ kɛ bɛ mu nwiɔ bɛbia, yɛɛ bɛ nwo ɛnrɛde toonwo nɔsolɛ.

Sɛlɛ 18:20

Eza ɔnle kɛ ɛfa ɛ gɔnwo aye na ɛgua ɛ nwo evinli.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

1 Kɔl 6:9

Nɔhalɛ, bɛze kɛ amumuyɛma ɛnrɛnyia Nyamenle Belemgbunlililɛ ne. Bɛmmabɛlɛbɛla bɛ nwo; menli mɔɔ bɔ ɛbɛla mgbane mgbane, bɛdabɛ mɔɔ bɛsonle awozonle, bɛfa nwuvolɛ, mrenya mɔɔ fa bɛ gɔnwo mɔ mrenya nee mraalɛ mɔɔ fa mraalɛ,

1 Kɔl 7:38

Yemɔti, mɔɔ gya raalɛ ne mɔɔ yeyia ye la, yɛ ye boɛ; noko mɔɔ ɛngya bie la yɛ ye boɛ kpalɛ.

1 Kɔl 9:5

Yɛnlɛ adenle kɛ yɛgya Kelaese ɛdoavolɛ mraalɛ ne mɔ bie na yɛ nee ye tu adenle kɔyɛ gyima, kɛmɔ ɛzoanvolɛma ɛhendeɛ ne mɔ nee Awulae amediema ne mɔ nee Pita yɛ ye la ɔ?

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:19

Sonla su ne gyima mɔɔ di la da ali wienyi. Bɛmɛ a le adwɔmane, ɛbɛla mgbane mgbane mɔɔ anwo ɛnde la ɛbɔlɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:21

anyebolo, kɔdiawuyɛlɛ, nza ɛbolɛ, anyelielɛ mgbane mgbane nee ninyɛne mɔɔ le zɛhae mɔ la. Meha mehile bɛ dɛba, na eza mekakye bɛ bieko kɛ bɛdabɛ mɔɔ bɛyɛ ninyɛne ɛhye mɔ la ɛnrɛnwu Nyamenle Belemgbunlililɛ ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:5

Bɛde ɛhye abo kpalɛ, awie biala mɔɔ bɔ adwɔmane anzɛɛ ye ɛbɛla nwo ɛnde anzɛɛ ɔle anyebolo (anyebolo le awozonlezonlenlɛ) la ɛnrɛnyia agyadeɛ wɔ Kelaese nee Nyamenle Belemgbunlililɛ ne anu.

Mɛla 22:22

“Saa bɛkɔkye nrenya kɛ ɔlɛfa awie aye a, bɛhu bɛ mu nwiɔ, nrenya ne mɔɔ ɛlɛfa raalɛ ne la yɛɛ awuvolɛ raalɛ ne. Bɛyɛ ye zɔhane bɛdu munzule ne abo.

1 Tɛs 4:6

Wɔ ɛhye ɛyɛlɛ nu, ɔnle kɛ awie biala yɛ ɔ diema bie ɛtane anzɛɛ sisi ye. Yɛha ɛhye yɛhile bɛ ɛlɛ, yɛɛ yɛbɔ bɛ nwolɛ kɔkɔ, kɛ Nyamenle badea bɛdabɛ mɔɔ bɛyɛ zɔhane ɛtane ne la.

1 Tem 3:12

Sonla mɔɔ le asɔne nu boavolɛ la ɔwɔ kɛ gya raalɛ ko, na ɔkola ɔ mra nwo zo nee ye awuke zo nea kpalɛ.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 3:4

Ɔwɔ kɛ ɔyɛ sonla mɔɔ kola bu ɔdaye ye awuke ne kpalɛ na ɔ mra fa enililɛ tie ye edwɛkɛ a.

1 Tem 4:3

Zɛhae menli ne kilehile kɛ ɔnle kpalɛ kɛ menli kɛgya bɛ nwo, yɛɛ ɔnle kɛ bɛdi aleɛ bie mɔ. Noko Nyamenle bɔle aleɛ kɛ bɛdabɛ mɔɔ bɛdie bɛdi na bɛnwu nɔhalɛ ne la ɛva moyɛlɛ nzɛlɛlɛ ɛli.

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Kɛlata mɔɔ bɛhɛlɛle bɛhɔmanle Hibuluma la 12:16

Bɛnlea boɛ na bɛ bie annyia subane ɛtane anzɛɛ anyɛ kɛ Yisɔ mɔɔ nyamenlezonlenlɛ ɛnle ye nu la ati, yeangola ɔ nwo sɔ na aleɛ ti ɔdɔnenle ye kpanyinli la.

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.