Kɛlata mɔɔ bɛhɛlɛle bɛhɔmanle Hibuluma la 13:3 - BAEBOLO ANZƐƐ BULUKU NWUANZANWUANZA

³ Bɛhakye bɛdabɛ mɔɔ bɛgua bɛ efiade la, na bɛdwenle bɛ nwo kɛ asɛɛ bɛ nee bɛ a gua efiade ne a. Bɛhakye menli mɔɔ ɛlɛnwu amaneɛ la, na bɛdwenle bɛ nwo kɛ bɛdabɛ noko bɛlɛnwu nyane ne bie.

Kɛlata mɔɔ bɛhɛlɛle bɛhɔmanle Hibuluma la 13:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:23

Noko sonvolɛ kpanyinli ne mɔɔ nea belemgbunli ne nza nee ye ahyɛnze zo la arɛle vile Dwosefi, yeangakye ye fee.

Edwɛkpa ne kɛmɔ Mateyu hɛlɛle la 25:36

me nwo lale zo na bɛmanle me ɛdanlɛ, me nwo dole me na bɛnleanle me, yɛɛ menlale efiade na bɛrakpɔlale me.’

Edwɛkpa ne kɛmɔ Mateyu hɛlɛle la 25:43

menyɛle ɛyɛvolɛ na bɛanlie me wɔ bɛ azua nu, me nwo lale zolɛ na bɛammaa me ɛdanlɛ, me nwo dole me yɛɛ menlale efiade na bɛamkpo me bo zo.’

Ɛzoanvolɛma Gyima ne 24:23

Akee ɔzele sogya kpanyinli ne mɔɔ Pɔɔlo wɔ ɔ sa nu la kɛ ɔnlea ye boɛ, na ɔmaa ɔnyia adenle ɔkpundi ɔ nwo, na ɔmaa ɔ gɔnwo mɔ adenle ɔmaa bɛva ninyɛne mɔɔ ɔhyia nwo la bɛrɛlɛ ye.

Ɛzoanvolɛma Gyima ne 27:3

Aleɛ hyenle la yɛradwule Saedɛn. Dwuleɛse hilele ye ahunlunyele wɔ Pɔɔlo anwo. Ɔmanle ye adenle ɔmanle ɔhɔle ɔ gɔnwo mɔ anwo kɛ ɔhɔkpondɛ ninyɛne mɔɔ ɔbahyia nwolɛ la.

Wulo 12:15

Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.

1 Kɔl 12:26

Saa sonlabaka ne nvɛyeba ko nwu nyane a, ɔka mɔɔ ɛha la amuala; yɛɛ saa bɛye ko ayɛlɛ a, mɔɔ ɛha la amuala nee ye di fɛlɛko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Kɔlɔ 4:18

Medame Pɔɔlo, me sa anloa ɛne: Mebiza bɛ ahye. Bɛmmamaa bɛ rɛle fi kɛ mela kpanwu nu! Nyamenle ɛlo bɛ na ɔ nee bɛ ɛdɛnla.

Kɛlata mɔɔ bɛhɛlɛle bɛhɔmanle Hibuluma la 10:34

Bɛ nee menli mɔɔ bɛguale bɛ efiade la lile nyane, yɛɛ mɔɔ bɛzale bɛ bɛliele bɛ nwo ninyɛne bɔbɔ la, yeanvane bɛ nwo fee, ɔboalekɛ ɛnee bɛze kɛ bɛlɛ ninyɛne kpalɛ mɔɔ ɛnzɛkye ɛlɛ la wɔ ɛkɛ.

Kɛlata mɔɔ bɛhɛlɛle bɛhɔmanle Hibuluma la 11:37

Bɛzile bie mɔ awolɛ, bɛvale sɛlada bɛkpakyekpakyele bie mɔ anu nwiɔ nwiɔ, [bɛzɔle dɔɔnwo bɛnleanle,] bɛvale dadeɛ bɛpepɛle bie mɔ akɔme. Bɛhedale mboane nee mbɔnkye nwoma, bɛlile ehyia, bɛlile nyane, yɛɛ bɛyɛle bɛ amumuyɛ.

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.