Kɛlata mɔɔ bɛhɛlɛle bɛhɔmanle Hibuluma la 12:4 - BAEBOLO ANZƐƐ BULUKU NWUANZANWUANZA

⁴ Bɛ nee ɛtane bɛ konle ye anu, bɛtɛdwule ye kpɔmgbɔse ne mɔɔ ɛhunlɛ bɔbɔ finde nu a.

Kɛlata mɔɔ bɛhɛlɛle bɛhɔmanle Hibuluma la 12:4 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 24:9

“Akee bɛbahye bɛ na bɛahɔye bɛ bɛamaa bɛadea bɛ na bɛahu bɛ. Aleɛabo amra amuala bakpɔ bɛ wɔ me ti.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:8

ɔbɛlɛle ɔ nwo aze ɔyɛle tieyɛ ɔhɔle ewule nu, na ɔwule meanubaka zo bɔbɔ.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Yekile 18:24

Ɔluakɛ Babelɔn yɛɛ bɛnwunle Nyamenle kpɔmanvolɛma nee Nyamenle menli ne mogya a, yɛɛ bɛdabɛ mɔɔ bɛhunle bɛ wɔ ewiade la amuala mogya wɔ zolɛ.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.